1 Samuweli 26:10 - IBAYIBOLO 2024

¹⁰ Akanena sona akati, “Nkulapa pamaso pa Mwene umumi ukuti u Mwene weyuyo akwiza pakumughogha. Nanti isiku lyache lyakwana, akwiza pakufwa, pamo akwiza pakufwila kubwite.

1 Samuweli 26:10 Iomraidhean Croise

Ubwandilo 47:29

Bo akabalilo akakufwila ukwa Yakobo kakwana, akamwitizya umwana wache u Yosefu nukumubuzya ukuti, “Nanti naloli wiyipiye wemwene, lapa pakubika inyobe yako muntapatapa zyane ukuti ukwiza pakumbombela akiza sona na mubwanaloli. Utakansyile muchisu icha Ijiputi ichi,

Yobu 14:14

Nanti umuntu afwa, nkimba angaba sona mumi? Amasiku ghane ghosi agha mayimba nkwiza pakulindilila mupaka ivintu vinyendelaye akiza sona.

Yobu 14:5

Amasiku agha muntu mapimpa nkani; bope ubwinji ubwa mezi ghache ghali ni mpaka yiyo umuntu atangayichila.

Yobu 7:1

“Nkimba umuntu ate ni mbombo inkafu pachisu ichapasi?” Nkimba amasiku ghache ghatayanite na masiku agha muntu uwaganyu?

Masalimo 37:10

Pasyala panandi bulo, po abantu ababibi bakwiza pakuzimila, napapo ungabalondelezya loli batakwiza pakwaghiwapo.

Masalimo 37:13

Loli u Mwene akubaseka abantu ababibi, pakuti azimenye ukuti isiku ilyakunanganika kwabo likwiza.

Masalimo 94:23

Akwiza pakubatanizya pachifukwa icha mbibi zyabo, po akwiza pakubanangannya pachifukwa icha bubibi bwabo. U Mwene u Chala witu akwiza pakubazimizya.

Umulumbilili 3:2

Pali akabalilo kupapiwa na kabalilo akakufwila. Pali akabalilo akakubyalila na kabalilo akakunyunkulila.

Luka 18:7

Nkimba u Chala atakwiza pakubalongela akiza abantu bache, babo bakumulilila umusanya nu busiku? Nkimba akwiza pakuzyelazyela pakubavwa?

Aba Loma 12:19

Bamanyani bane, mutakatanizyanje ububibi, loli mumulekele u Chala ukuti atanizye. Pakuti Amasimbo ghakuti, “U Mwene akuti, ‘Ukutanizya ko kwane. Nkwiza pakutanizya.’ ”

Ukukumbusya Amalamulo 31:14

Po u Mwene akamubuzya u Mozesi akati, “Akabalilo kako akakufwila kali papipi. Umwitizye u Yoshwa, nukwiza nawe ku Chisakasa icha Mwene, umwakuti imubuzye izyakubomba.” U Mozesi poka nu Yoshwa bakabuka ku Chisakasa icha Mwene.

Ukukumbusya Amalamulo 32:35

Ukutanizya ko kwane, ane nkwiza pakubatanizya babo kubabaghiye. Pakabalilo kache inyayo zyabo zikwiza pakutyelemuka, isiku lyabo ilya ntamyo lili papipi, sona ukunanganika kwabo kukwiza lubilolubilo.

Aba Hebeli 10:30

Pakuti tumumenye yuyo akanena ukuti, “Ukutanizya ko kwane, ane nkwiza pakubatanizya.” Akanena sona akati, “U Mwene akwiza pakubalonga abantu bache.”

Aba Hebeli 9:27

Umuntu wesi akufwanga lyoka bulo, sona pisinda pache po pakwiza ubulongi.

Ubuvumbuli 18:8

Pachifukwa icha zinizi, iviwaya vikwiza pakumuwila pisiku lyoka, iviwaya ivya bubine nukulila, sona nizala. Akwiza pakulunguliziwa numoto pakuti u Mwene u Chala, yuyo akumulonga wamaka.

1 Samuweli 24:12

U Mwene alonge yuyo amunangila uwamwabo pakasi papako nane, sona akufunde pachifukwa icha vivyo wambombela, loli ane ntakwiza pakukubombela nachimochimo ichintu ichibibi.

1 Samuweli 24:15

U Mwene alonge nukumwagha yuyo amunangila uwamwabo pakasi papako nane, sona anyimilaye nukumpoka munyobe zyako.

1 Samuweli 25:26

“Pakuti we Mwene yuyo akukanizya ukuti utakamughoghe umuntu nayumoyumo pakutanizya ububibi bubo akakubombela, losi ulu nkulapa pamaso pa Mwene umumi, sona na mwitabwa lyako ukuti abalwani bako na bosi babo bakulonda pakukubombela ichibibi bafundiwanje ngati we Nabali.

1 Samuweli 25:38

Bo ghachila amasiku teni, u Mwene akamughogha u Nabali.

1 Samuweli 25:39

Bo u Devedi ivwa ukuti u Nabali afwa akati, “U Mwene apaliwanje yuyo antanizikizya ububibi bubo u Nabali akambombelagha, sona ankanizya ne mubombi wache ukuti ntakamubombele u Nabali ichintu ichibibi, loli ukuti imbibi yache yibanje pamutu wache.” Po u Devedi akatuma intumi kwa Abigelo ukuti bamusipe pakuba muchi wache.

1 Samuweli 31:4

U Sabuli akamubuzya umulumendo uwakumunyamulila ivilwilo akati, “Weya wee, wesa upanga wako, undase, lumo abantu abasita kusilimuliwa banganseka nukungogha.” Umulumendo yula akanyila nkani, umwakuti akakana pakumulasa. Loli u Sabuli akasenda impalala yache nukwisumbapo.

1 Samuweli 31:6

Po u Sabuli na bana bache batatu poka nu mulumendo uwakunyamula ivilwilo, sona na bantu bache bosi bakafwa pisiku lilalila.