1 Samuweli 25:34 - IBAYIBOLO 2024

³⁴ U Chala, u Mwene uwa Izilayeli weyuyo ankanizya ukuti ntakakughoghe. Loli nkulapa pamaso pa Mwene umumi uwa Izilayeli ukuti nanti utakizagha pakukomana nane, abanavuli bosi babo bali poka nu Nabali ngali bafuye ukufika pandabindabi.”

1 Samuweli 25:34 Iomraidhean Croise

Ubwandilo 20:6

Po u Chala akamwamula muchilota akati, “Eee, inzimenye ukuti ukabomba chinichi nu mabyebye umwiza. Ane nkakukanizya ukuti utakanangilaye pakumupalamasya umukolo yunuyu.

Yoshwa 10:6

Aba Gibeyoni bakamutumila amazyu u Yoshwa bo ali pa Giligali ukuti, “Utakatuleke twebene twe babombi bako. Losi ulu zagha utupoke! Pakuti abamwene aba ba Amoli babo bakwikala muchisu icha mumaghamba bapanga akabukatila koka aka basilikali pakulwa naswe ubwite.”

Yoshwa 10:9

U Yoshwa poka na basilikali bache bakafuma mu Giligali, nukwenda busiku bosi. Po akalwa nabo ubwite umwakubachenusya bulo.

1 Samuweli 11:11

Indabi yache u Sabuli akabagaba abantu bache mutubukatila tutatu, po kubuche bakinjila muvisakasa ivya ba Amoni nukubaghogha mupaka pamusanya. Abantu babo bakapona bakanyampana, umuntu wesi akachimbilagha pamwene.

1 Samuweli 25:18

U Abigelo atakazyelazyela, loli akasenda ivibama 200, ni nyambi izya ikwela zibili inyizule nu vinyo, ni ng'ozi inyoche fayivi, na makilogalamu 17 agha ngano nkazinge, ni vitumbuwa ivya mampesya amumizu 100, sona ni vitumbuwa ivya makuyu 200 nukuvikwezya pampunda.

1 Samuweli 25:22

U Chala anfunde nkani nanti ukufika pandabindabi ntakubaghogha abanavuli bosi babo bali poka nawe.”

1 Samuweli 25:26

“Pakuti we Mwene yuyo akukanizya ukuti utakamughoghe umuntu nayumoyumo pakutanizya ububibi bubo akakubombela, losi ulu nkulapa pamaso pa Mwene umumi, sona na mwitabwa lyako ukuti abalwani bako na bosi babo bakulonda pakukubombela ichibibi bafundiwanje ngati we Nabali.

1 Samuweli 25:39

Bo u Devedi ivwa ukuti u Nabali afwa akati, “U Mwene apaliwanje yuyo antanizikizya ububibi bubo u Nabali akambombelagha, sona ankanizya ne mubombi wache ukuti ntakamubombele u Nabali ichintu ichibibi, loli ukuti imbibi yache yibanje pamutu wache.” Po u Devedi akatuma intumi kwa Abigelo ukuti bamusipe pakuba muchi wache.