1 Samuweli 25:2 - IBAYIBOLO 2024

² Kukabako umuntu yumo ku Mawoni mukaya aka Kalimeli, yuyo akaba ni vyuma nkani. Umuntu yunuyu akaba mukabi nkani, sona akaba ni ng'ozi 3,000 ni mbuzi 1,000. Pakabalilo kalakala akaba mu Kalimeli pakudumulila ing'ozi zyache.

1 Samuweli 25:2 Iomraidhean Croise

Ubwandilo 13:2

U Abulamu akaba muntu umukabi nkani. Akaba ni ng'ozi, ni mbuzi ni ng'ombe nu siliva, sona nu golide.

Ubwandilo 26:13

Umuntu yunuyu ivintu vyache vikamwendela akiza nkani, umwakuti akaba muntu umukabi nkani.

Ubwandilo 31:19

Bo u Labani abuka pakudumulila ameya agha ng'ozi zyache, bo achili ali kulakula u Lakelo akaghilapo ulusako nukwiba utwachala utwa munyumba iya wise.

Ubwandilo 32:14

Imbuzi inkolo 200 na basabwe 20, ing'ozi inkolo 200 na badubi 20,

Ubwandilo 38:13

Umuntu yumo akamubuzya u Tamala ukuti, “Ughusovyala akabuka kwa Timuna pakudumulila ameya ing'ozi zyache.”

2 Samuweli 19:32

U Balizilayi akaghosipa nkani, sona akaba na maka 80. U Balizilayi akaba weyuyo akamupanga u mwene ivyakusobelwa vyache bo akwikala mu Mahanayimu, pakuti akaba mukabi nkani.

Yobu 1:3

Akaba sona ni ng'ozi 7,000 ni ngamila 3,000 ni nkambaku izya kulima 1,000 ni mpunda 500 sona akaba na bambombo abinji nkani. Akaba mukabi nkani ukubachila abantu bosi aba muvyisu ivya kubufumilo bwizuba.

Yobu 42:12

U Mwene Akabusaya ubumi ubwa Yobu ubwa pisinda ukuchila ubwa pabwandilo. Akaba ning'ozi 14,000, ni ngamila 6,000 ni nkambaku izyakulima 1,000, ni mpunda 1,000.

Masalimo 17:14

Wee Mwene na maka ghako, mpoka munyobe izya bantu banaba. Mpokagha munyobe izya bantu aba muchisu ichapasi, babo umuvwalo wabo ghuli mubumi bunubu. Ubafundaye ni vyakubaba vivyo ubasungiye. Abana babo babanje navyo ivyinji nkani, ukuti vibakwanaye abana babo.

Ivyili 30:22

Ivintu vinivi vyo ivi: Nanti umuzya akwipela mwene pakuba mulaghili, nanti umupunganu akwipela mwene pakuba we mwene,

Yoshwa 15:55

Pakabako sona akaya aka Mawoni naka Kalimeli naka Zifi naka Juta

1 Samuweli 15:12

Pandabindabi nkani, u Samuweli akabuka pakukomana nu Sabuli, loli akabuziwa ukuti, “U Sabuli abukite ku Kalimeli, kuko akiyimikila mwene ichikumbusyo, sona akabuka ku Giligali.”

1 Samuweli 23:24

Po bakanyamuka nukubuka ku Zifi, bo u Sabuli atanyamukite. Pakabalilo kalakala u Devedi na bantu bache bakaba munkolongo iya Mawoni, mu Alaba kuntende kunkolongo iya Yudeya.

1 Samuweli 30:5

Abachi babili aba Devedi, u Ahinowamu uwamu Yezileli nu Abigelo, umukolo umufwilwe uwa Nabali uwamu Kalimeli bope bakalemiwa pakuba bazya.