1 Samuweli 25:10 - IBAYIBOLO 2024

¹⁰ Loli u Nabali akabamula akati, “Nkimba u Devedi umwana uwa Yese wewenu? Amasiku agha abambombo abinji bakubasambukila abamwene babo.

1 Samuweli 25:10 Iomraidhean Croise

2 Samuweli 20:1

Pakabalilo kalakala kukabako umuntu yumo uwa mwalwemwalwe yuyo akaba we Sheba umwana uwa Bikili, umu Benjamini. U Sheba akalizya ipati nukukolomoka ukuti, “Aswe tute ni chigaba nachimochimo mwa Devedi, sona tute ni mpyana mu mwana uwa Yese. Mwee ba Izilayeli umuntu wesi abwelaye ku chisakasa chache.”

1 Abamwene 12:16

Bo aba Izilayeli bazyaghannya ukuti u mwene atakubateghelezya, bakamwamula bakati, “Aswe tute ni chigaba nachimochimo mubumwene ubwa Devedi. Wee, epapo pano! Mwee ba Izilayeli, zagha tubwelaye kuvisakasa vyitu. Wee mwana uwa Devedi, manya utwako na bamunyumba yako.” Po aba Izilayeli bosi bakabwela mutwaya twabo.

Ukufuma 5:2

Po u Falabo akamula akati, “Nkimba u Mwene yunuyu wewenu? Nkimba choni chicho imwivwilaye pakubitikizya aba Izilayeli ukuti babukaye? Ntamumenye u Mwene yunuyu, po ntakwiza pakubitikizya aba Izilayeli ukuti babukaye.”

Ivyili 15:1

Ukwamulila mubufisalyoyo kukuzimya ubukali, loli ukwamula mwalwemwalwe kukunyamusya ubukali.

Umulumbilili 7:10

Utakalalusyanje ukuti, “Nkimba choni chicho amasiku aghakale mizapo ukuchila amasiku agha ilelo?” Pakuti te chamahala pakulalusya amalalusyo ghanagha.

Yesaya 32:5

Umupunganu atakwiza pakupokela umuchizi, pamo umuntu umubibi atakwiza pakuchindikiwa.

Yesaya 32:7

Imbombo izya muntu umubibi mbibi, akubatika imbombo imbibi, pakubanangannya abapina nu bumyasi, napapo ukulambilizya ukwa basobelwe kugholosu

Abalongi 9:28

Po u Gala umwana uwa Ebedi akati, “Nkimba u Abimeleki wewenu? Nkimba tuli bulibuli aswe twe bantu aba mu Shekemu ukuti tumubombele u Abimeleki? Nkimba u Abimeleki te mwana uwa Yelubi Baala, sona u Zebuli te wabubili wache? Mubabombele abantu aba mu Hamoli, uwise uwa Shekemu. Nkimba choni chicho tukumubombela u Abimeleki?

1 Samuweli 20:30

Po u Sabuli akamukalalila nkani u Yonatani, umwakuti akamubuzya akati, “Wee mwana umupunganu nu wakunsambukila! Fwandi ukwennya ngati ntakuzimanya ukuti uli kulubazu ulwa mwana uwa Yese, pakwikozya wemwene isoni, poka nu nyoko?

1 Samuweli 22:2

Abantu bosi babo bakaba nintamyo, pamo ni nkongole, pamo batakahoboka pavintu vimo, bakamukonka u Devedi. Abantu pipipipi 400 bakaba poka nu Devedi kulakula, po u Devedi akaba we mulongozi wabo.

1 Samuweli 25:9

Bo abantu aba Devedi bafika, bakamulingannya u Nabali zyosi zizyo u Devedi akababuzya. Po bakalindilila.