1 Samuweli 24:9 - IBAYIBOLO 2024

⁹ Akamulalusya u Sabuli akati, “Nkimba choni chicho ukubivwila abantu babo bakuti, u Devedi akulonda pakukughogha?”

1 Samuweli 24:9 Iomraidhean Croise

Masalimo 101:5

Wesi yuyo akumuyeba umupalamani wache, nkwiza pakumupumizya. Wesi yuyo akwikwezya sona nu moyo uwakwitutumula, ntakwiza pakumuleka bulo.

Masalimo 141:6

Abalongozi babo bakwiza pakusumbiwa pasi ukufuma pamwanya pighamba, po abantu ababibi bakwiza pakumanya ukuti amazyu ghane ghanaloli.

Ivyili 16:28

Umuntu umubibi akupelagha bulo ivyongo, sona umuntu uwa iyebo akubalumannya abamanyani.

Ivyili 17:4

Umuntu umubibi akwivwila zizyo umuntu umubibi akumubuzya, umumyasi wepe akuteghelezya nkani zizyo abamyasi bakunena.

Ivyili 18:8

Amazyu agha muntu uwa iyebo ghali ngati chakulya ichinonu, ghagho ghakwinjila mukasi mulwanda.

Ivyili 25:23

Ngati mumo impepo iyakumitu yikwiza ni vula, momumo iyebo likwiza nu bukali.

Ivyili 26:28

Umuntu umumyasi akubabenga babo bakamuvulazya, sona amazyu ghabuzimbuli ghakunangannya.

Ivyili 29:12

Nanti umulongozi akwivwila ubumyasi, amakambala ghache ghakuba mabibi.

Yelemiya 37:18

Po u Yelemiya akamulalusya u mwene u Zedekiya akati, “Nkimba nongwa yoni yiyo indi nayo kukwako pamo ku makambala ghako pamo ku bantu aba ukuti imbikiwe mujele?

Aba Levi 19:16

Utakendakendaye uku na uku pakubalumannya abantu, sona utakabombaye nachimo ichintu chicho chingamupelela umupalamani wako ubufwe. Ane ne Mwene.

Yakobo 3:6

Ululimi lope luli ngati gho moto, chicho chizuye nu bubibi pakasi pa vigaba ivya mubili. Lukunyazya inkalo yosi iya muntu, sona lukochannya ubumi bwache bosi numoto uwamu Gehena.

1 Samuweli 20:1

Po u Devedi akachimbilako ku Nayoti mu Lama, nukubuka kwa Yonatani. Akamulalusya akati, “Nkimba nananga choni? Nkimba indi ninongwa yoni? Nkimba namunangila choni ughuso umwakuti akulonda pakungogha?”

1 Samuweli 20:41

Bo umulumendo yula abwela, u Devedi akafumamo muchibunga icha mabwe chila, akakupama pasi katatu pamaso pa Yonatani. Po u Devedi nu Yonatani bakalilagha bo bakufyofyontana, loli u Devedi weyuyo akalila nkani.

1 Samuweli 24:10

Ilelo wiyenezya wemwene ukuti u Mwene akubikite munyobe zyane mumpako mula. Abantu bane bamo bakambuzya ukuti nkughoghe, loli nkakakana. Nkati, “Ntangamuvulazya u mwene wane, pakuti mupakiwa uwa Mwene.”

1 Samuweli 24:8

U Devedi wepe akepamo mumpako mula nukumwitizya u Sabuli ukuti, “Wee mwene, tata wane!” U Sabuli akaghalabuka, po u Devedi akafughama, bo icheni chache chikotamiye pasi.

1 Samuweli 26:18

Akanena sona akati, “Nkimba choni chicho u mwene wane akundondelezya bunubu ne mubombi wache? Nkimba nabomba ichoni? Nkimba napalaghula nongwa yoni?

1 Samuweli 26:19

Wee mwene wane teghelezya amazyu agha mubombi wako. Nanti we Mwene yuyo akulonda ukuti unsambukile, po apokele ichakwiyipa ichakupepesezya imbibi. Loli nanti bantu bachibomba bunubu, u Mwene abaghune. Ilelo banyefyamo mumpyana iya Mwene sona bakuti, ‘Bukagha pakubabombela abachala abanji.’