1 Samuweli 24:6 - IBAYIBOLO 2024

⁶ Po akababuzya abantu bache akati, “U Mwene ankanizye ukuti intakamubombele ichintu ichibibi u mwene wane uyu, yuyo mupakiwa uwa Mwene pamo ukumuvulazya napo panandi pakuti mupakiwa uwa Mwene.”

1 Samuweli 24:6 Iomraidhean Croise

2 Samuweli 1:14

U Devedi akamulalusya sona akati, “Nkimba choni chicho utakanyilagha pakumughogha umupakiwa uwa Mwene?”

2 Samuweli 24:10

Bo u Devedi amala pakubabelenga abantu, akanda pakutamiwa nkani mumoyo wache, po akati, “Nananga nkani pazizyo nabomba. Losi ulu nkukulaba we Mwene wane ukuti unhobokele imbibi yane ne mubombi wako, pachifukwa ichakuti nabomba ichintu ichabupunganu nkani.”

1 Abamwene 21:3

Loli u Naboti akamwamula akati, “Awe nakana! Ane ntangakupa ichilingo icha banyenya bane.”

Matayi 5:44

Loli ilelo nkubabuzya ukuti mubaghane abalwani binyu nukubiputila babo bakubavwima,

Aba Loma 12:14

Mumulabe u Chala ukuti abasaye babo bakubavwima. Naloli mumulabe ukuti abasaye, umwakuti atakabaghune, awe.

1 Aba Tesalonika 5:15

Mwenelezye ukuti nayumo umuntu akunyosezya ububibi pabubibi, loli akabalilo kosi mubombelanaye ubwiza mwebenebene, sona na bantu bosi.

1 Samuweli 12:3

Ane indi pano, nanti imbombitepo ichintu chimo ichibibi munsusye pamaso pa Mwene, na pamaso pa mupakiwa wache. Nkimba wewenu yuyo imufyulitepo ing'ombe yache? Nkimba alipo umuntu yumo yuyo imufyulitepo impunda yache? Nkimba wewenu yuyo imuzimbuyepo? Nkimba wewenu yuyo imuyivizyepo? Nkimba alipo umuntu yumo yuyo ampiyepo amabeko? Nanti imbombitepo ichintu chimo pavintu vyosi vinivi, nkwiza pakubanyosekezya vyosi.”

1 Samuweli 24:7

Na mazyu ghanagha u Devedi akabachemela abantu bache, umwakuti atakabitikizya ukuti balwe ubwite nu Sabuli. Po u Sabuli akepamo mumpako mula nukubuka.