1 Samuweli 24:21 - IBAYIBOLO 2024

²¹ Losi ulu ulapile mwitabwa ilya Mwene ukuti utakwiza pakubazimizya abaluko lwane, pamo pakulizimya itabwa lyane pakasi pa bamunyumba iya tata wane.”

1 Samuweli 24:21 Iomraidhean Croise

Ubwandilo 21:23

Polelo lapa pano pamaso pa Chala ukuti utakwiza pakunzimbula ane, pamo abana bane, pamo abaluko lwane. Ane nkaba ne muntu umusubiliwa pamaso papako, po nawe lapa ukuti ukwiza pakuba we muntu umusubiliwa pamaso papane muchisu chicho mukwikalamo.”

Ubwandilo 31:48

U Labani akamubuzya u Yakobo akati, “Ichibunga ichi chikwiza pakuba chikumbusyo pakasi papako nane.” Ichi cho chifukwa ubuzilo bula akabwita ukuti Galedi.

Ubwandilo 31:53

U Chala uwa Abulahamu nu Chala uwa Naholi, alonge pakasi papitu.” Po u Yakobo akalapa mwitabwa ilya Chala, yuyo uwise u Yisaki akamunyilagha.

Aba Hebeli 6:16

Bo abantu bakulapa, bakulapa mwitabwa ilya muntu uyunji yuyo mukulupo ukuchila abene, po ichilapo chila chikumazya ukudalinkana kosi.

1 Samuweli 23:17

Akamubuzya akati, “Utakanyilaye. Utata wane atakwiza pakukughogha. Awe ukwiza pakuba we mwene uwa Izilayeli, sona ane nkwiza pakuba ne wabubili wako. Utata wane azimenye akiza bulo zinizi.”

1 Samuweli 25:28

Nalamba unhobokele ne wambombo wako. U Mwene akwiza pakubukazya nkani ubumwene bwako bwila na bwila, pachifukwa ichakuti ukumulwila ubwite u Mwene. Po utakwiza pakubombapo nachimochimo ichintu ichibibi mubumi bwako bosi.

1 Samuweli 25:30

Nanti u Mwene akubombela ivyiza vyosi vivyo akakulayizya, sona nukuti akupakazya pakuba we mulaghili uwa Izilayeli,