1 Samuweli 24:17 - IBAYIBOLO 2024

¹⁷ Po akamubuzya u Devedi akati, “Awe wame muntu umugholosu, loli ane name muntu mubibi. Naloli utanangiyepo nachimochimo, loli ane ne nakunangila nkani.

1 Samuweli 24:17 Iomraidhean Croise

Ubwandilo 38:26

Bo u Yuda avimanya ivintu vila akati, “Naloli akunena ubwanaloli. Nene nkamunangila pakuti intakamupa umwana wane u Shela pakuba mulume wache.” Po u Yuda atakaghona nawe sona umukolo yula.

Masalimo 37:6

Akwiza pakubupela ubugholosu bwako pakulama ngati ko kubuche, sona ubwanaloli bwako bukwiza ngati gho musanya.

Ukufuma 9:27

Po u Falabo akamwitizya u Mozesi nu Aloni nukubabuzya ukuti, “Naloli akabalilo aka nananga. U Mwene we mugholosu. Loli ane poka na bantu bane twe twananga.

Matayi 27:4

Akati, “Nananga pakumubika munyobe izya balwani umuntu umusita nongwa ukuti aghoghiwe.” Bakamula bakati, “Nkimba tuli nazyo ni mbombo?” Zyako zinizyo.

Matayi 5:44

Loli ilelo nkubabuzya ukuti mubaghane abalwani binyu nukubiputila babo bakubavwima,

1 Samuweli 26:17

U Sabuli akalimanya izyu ilya Devedi, po akalalusya akati, “Nkimba awe te we Devedi, umwana wane?” U Devedi akamwamula akati, “Nene, mwene wane.”

1 Samuweli 26:21

Po u Sabuli akati, “Wee Devedi mwana wane, nananga nyokela! Ntakwiza pakukubombela sona nachimochimo ichintu ichibibi pakuti ubumi bwane wabupima pakuba bwapamwanya nkani. Naloli ane nkabomba ivyabupunganu, sona nkapuvya nkani.”