1 Samuweli 24:16 - IBAYIBOLO 2024

¹⁶ Bo u Devedi amala pakunena zinizi, u Sabuli akalalusya akati, “Wee mwana wane Devedi, fwandi naloli wewe?” Po akanda pakulila nkani.

1 Samuweli 24:16 Iomraidhean Croise

Ubwandilo 16:5

U Salayi akilumbusya kwa Abulamu akati, “Ukunanga kosi ukwa Hagala kunuku ukwakuti ansamulaye pachifukwa icha wewe. Ane nkakupa uwambombo wane yunuyu pakuba muchi wako, po ukwandila akabalilo kako akamelela ulwanda, akunsamula ko kunsamula. U Mwene witu weyuyo alonge ukuti wewenu ananga pakasi papako nane.”

Ubwandilo 2:2

Pisiku lyaseveni u Chala akamalizya imbombo zyache zyosi zizyo akabombagha, akatuzya pisiku lyaseveni.

Ubwandilo 33:4

Loli u Esabu akachimbila pakukomana nawe akamukumbatila nukumukukila. Abantu bosi babili aba bakalilagha.

1 Imbili 12:18

Po Umuzimu uwa Chala akamwikila u Amasayi, usongo nkani uwa bantu 30 bala, po akati, “Wee Devedi, aswe twe bantu bako! Aswe tuli kulubazu lwako, wee mwana uwa Yese! Tukukulondela ivyiza vyosi, sona ivintu vibendelaye akiza abantu bako babo bakukwavwa. Pakuti u Chala umwenecho akwiza pakukwavwa.” Po u Devedi akabapokela ni nyobe zyosi zibili nukubabika pakuba balongozi aba tubukatila utwa basilikali bache.

Yobu 6:25

Amazyu aghabwanaloli ghakulasa nkani, loli awe ukudalika bulo.

Masalimo 119:154

Unyimile pa nongwa yane sona umpoke, umpe ubumi ukuyana ni layizyo lyako.

Ivyili 15:1

Ukwamulila mubufisalyoyo kukuzimya ubukali, loli ukwamula mwalwemwalwe kukunyamusya ubukali.

Ivyili 25:11

Izyu lilyo likuneniwa pakabalilo kache lili ngati manyele agha golide muchakubikilamo icha siliva.

Luka 21:15

pakuti nkwiza pakubapa amazyu na mahala aghakuti nayumo uwa balwani binyu akwiza pakukana pamo ukususya zizyo mukunena.

Imbombo 6:10

Loli bakapotwa pakudalinkana nawe pakuti akanenagha na mahala agha Muzimu Umuzelu.

Abalongi 11:27

Ane intabanangiyepo nalumolumo, loli amwe mukunangila pakulwa nane ubwite. U Mwene yuyo we Mulongi ilelo alongaye inongwa yiniyi pakasi paba Izilayeli naba Amoni.”

1 Samuweli 26:17

U Sabuli akalimanya izyu ilya Devedi, po akalalusya akati, “Nkimba awe te we Devedi, umwana wane?” U Devedi akamwamula akati, “Nene, mwene wane.”

1 Samuweli 26:24

Ilelo ubumi bwako nabupima pakuba bwapamwanya nkani, umwakuyana bulo u Mwene abupime ubumi bwane pakuba bwapamwanya nkani, sona ampoke kuntamyo zyane zyosi.”