1 Samuweli 24:11 - IBAYIBOLO 2024

¹¹ Tata wane, ennya akamwenda aka nkazo yako munyobe yane. Ngali nakughoghite loli nkadumula bulo akamwenda aka. Po uzimanye ukuti ane inte ni nyinong'ono nazimo izya kukusambukila pamo ukughogha. Ane intakunangiyepo nachimochimo, loli ukumbingambinga ukuti ungoghe.

1 Samuweli 24:11 Iomraidhean Croise

2 Samuweli 1:14

U Devedi akamulalusya sona akati, “Nkimba choni chicho utakanyilagha pakumughogha umupakiwa uwa Mwene?”

2 Abamwene 5:13

Loli abambombo bache bakapalamila nukumulalusya ukuti, “Wee tata, buli nanti umulaghuzi akakulamulagha ukuti ubombe ichintu chimo ichipala nkimba ngali utachibombite? Po nkimba pali bupala boni pakukubuzya ukuti, ‘Ogha nukuswepa?’ ”

Yobu 10:16

Nanti nikwezya nemwene pamwanya ukumbinga ngati nkalamu, nukundanjizya amaka ghako aghakoghofya.

Masalimo 119:161

Abalaghili bakunvwima pabusita ichifukwa, loli umoyo wane ghukulinyila izyu lyako.

Masalimo 140:11

Umuyebi atakikalanaye muchisu, sona intamyo zibawilaye abantu abalombwa.

Masalimo 35:7

Pakuti bakantegha ichipingo bo pate ichifukwa nachimochimo, nukukumba ichiliba ukuti ingwilayemo.

Masalimo 59:3

Wee Mwene, ennya namumo bamvwamililiye ukuti bangoghe, abantu abakoghofya bakunvwimavwima, Wee Mwene napapo inte ninongwa pamo ukubanangila chimo.

Masalimo 7:5

po umulwani wane anchimbizyanje nukundema, ankanyankile pasi nukungogha, sona ansyile mwipumpa.

Ivyili 15:1

Ukwamulila mubufisalyoyo kukuzimya ubukali, loli ukwamula mwalwemwalwe kukunyamusya ubukali.

Nkuto 4:18

Bakakonkezyanga inyayo zyitu ngati zyo mbwa, umwakuti tutakendagha na mumusebo bulo. Po amasiku ghitu ghakamala kale, sona bope ubumalilo bwitu bwafika.

Ezekiyeli 13:18

Ulaghule uti, ‘U Mwene Uwamaka Ghosi akuti: Chighune kubakolo babo bakusona inchilisi nukuyibika panyobe sona umuntu wesi yuyo akuyannya amenda agha kwivwinka kumitu iya bantu umwakuti abateghe abantu. Nkimba ukwiza pakubutegha ubumi ubwa bantu bane, bo awe ukubupoka ubumi bwako?

Mika 7:2

Abantu abakumwiputa u Chala bamalamo muchisu ichapasi, mutasyalamo nayumoyumo umuntu umusubiliwa. Abantu bosi bakuvwamilila pakukupula ibanda, umuntu wesi akumuvwima umukamu wache, ngati chinyamana chicho bakuchichimbizizya ku chilepa.

Yohani 15:25

Loli ichi chikabombiwa ukuti amazyu ghabo ghasimbiwe mu Ndaghilo zyabo ghakwanilisiwe ukuti, ‘Bakambenga pabusita chifukwa nachimochimo.’

1 Samuweli 12:3

Ane indi pano, nanti imbombitepo ichintu chimo ichibibi munsusye pamaso pa Mwene, na pamaso pa mupakiwa wache. Nkimba wewenu yuyo imufyulitepo ing'ombe yache? Nkimba alipo umuntu yumo yuyo imufyulitepo impunda yache? Nkimba wewenu yuyo imuzimbuyepo? Nkimba wewenu yuyo imuyivizyepo? Nkimba alipo umuntu yumo yuyo ampiyepo amabeko? Nanti imbombitepo ichintu chimo pavintu vyosi vinivi, nkwiza pakubanyosekezya vyosi.”

1 Samuweli 18:27

u Devedi akabuka poka na bantu bache nukubaghogha aba Filisiti 200. Po akiza nato utukwela tula nukumupa u mwene umwakuti angaba mukwalima wache. U Sabuli akamupa umwana wache u Mikali ukuti abanje muchi wache.

1 Samuweli 23:14

U Devedi akavwamagha mumaghamba na munkolongo iya Zifi. Isiku ni siku u Sabuli akamulondelezya u Devedi, loli u Chala atakamubika u Devedi munyobe zyache.

1 Samuweli 23:23

Kabuzikizye nkani kuko akuvwama, sona mwize mumbuzye ubwanaloli bosi. Po ane nkwiza pakubuka namwe. Nanti naloli ali kulakula, nkwiza pakumulondelezya pakasi pabantu bosi muchisu icha Yuda.”

1 Samuweli 25:28

Nalamba unhobokele ne wambombo wako. U Mwene akwiza pakubukazya nkani ubumwene bwako bwila na bwila, pachifukwa ichakuti ukumulwila ubwite u Mwene. Po utakwiza pakubombapo nachimochimo ichintu ichibibi mubumi bwako bosi.

1 Samuweli 26:18

Akanena sona akati, “Nkimba choni chicho u mwene wane akundondelezya bunubu ne mubombi wache? Nkimba nabomba ichoni? Nkimba napalaghula nongwa yoni?

1 Samuweli 26:20

Polelo utakanyitikizye ukuti imfwile muchisu icha kubutali nu Mwene, pakuti u mwene uwa Izilayeli iza pakundondelezya ne kapantila ngati akubinga inkwale mumaghamba.”

1 Samuweli 26:23

U Mwene akumusaya umuntu pachifukwa icha bugholosu nu busubiliwa bwache. Ilelo u Mwene akubikite munyobe zyane, loli intakalondagha ukuti nkubombele ichintu ichibibi we mupakiwa uwa Mwene.