1 Samuweli 23:26 - IBAYIBOLO 2024

²⁶ U Sabuli na bantu bache bakendagha kulubazu loka, sona u Devedi wepe na bantu bache bakendagha kulubazu ulunji ulwa ighamba, ukuti bamuchimbile u Sabuli. Bo u Sabuli na basilikali bache bali papipi pakumulema u Devedi na bantu bache,

1 Samuweli 23:26 Iomraidhean Croise

2 Samuweli 15:14

Po u Devedi akaghabuzya amakambala ghache ghosi ghagho ghakaba mu Yelusalemu akati, “Zagha, tuchimbile, lumo nayumoyumo pakasi papitu yuyo akwiza pakupona. Lubilo, zagha tumuchimbile u Abisalomu, lumo angiza umwalubilolubilo nukulwa naswe ubwite nukutughogha twebosi mukaya akakulu aka.”

2 Imbili 20:12

Wee Chala witu, nkimba utakwiza pakubalonga abantu banaba? Pakuti aswe tute na maka naghamoghamo aghakulwila na basilikali abinji banaba babo bakulonda pakulwa naswe ubwite. Tutakumanya ichakubomba, loli tukwennya kukwako.”

Masalimo 17:11

Bakumbinga sona bazyunguliye, bakunyenelezya ukuti bangwisye.

Masalimo 17:9

Utakabitikizyanje abantu ababibi ukuti bangoghe, abalwani bane abakoghofya babo bazyunguliye.

Masalimo 22:12

Abalwani ngati nkambaku inyinji banzyunguliye, abalwani abamaka ngati nkambaku mu Bashani banzyunguliye.

Masalimo 22:16

Abalwani banzyuguliye ngati mbwa, sona akabukatila aka bantu ababibi kanzyunguliye. Bandasa inyobe ni nyayo zyane bulo.

Masalimo 31:22

Bo nachenuka nkati, “Mwee nachimbiziwa pamaso papako!” Loli ukivwa ukulila kwane ukuti umpelelaye ichisa, bo nakwitizya ukuti unyavwe.

2 Aba Kolinti 1:8

Ilelo bakamu bitu, tukulonda ukuti mumanye intamyo zizyo tukakomana nazyo muchigaba icha Asiya. Amayimba ghakaba makulu nkani ukuchila amaka ghitu, umwakuti tutakaba nu lusubilo ulwakuti tungaba nubumi.

Ubuvumbuli 20:9

Po bakasata pachisu chosi ichapasi nukuvizyungulila ivisakasa ivya bantu aba Chala nakaya akakulu nkani kako akaghanite. Loli umoto ghukika kumwanya nukubanangannya.

Abalongi 16:2

Abantu aba mu Gaza bakabuziwa ukuti, “U Samusoni ali kuno.” Po abantu bala bakabuzyungulila ubuzilo bula nukumuvwamilila ubusiku bosi pamulyango uwa kaya akakulu nkani kala. Bakaba bulo myee ubusiku bosi bula nukuti, “Zagha tumulindilile mupaka kubuche, po tukwiza pakumughogha.”

1 Samuweli 19:12

U Mikali akamufumizya u Devedi pibwindo, po u Devedi akachimbila nukupona.

1 Samuweli 20:38

Po u Yonatani akakolomoka sona akati, “Lubilo, chimbila. Utakazyelaye!” Umulumendo akaseba akalasilo kala nukunyokela nako kwa Yonatani.

1 Samuweli 23:25

Po u Sabuli na bantu bache bakanda pakumulondelezya u Devedi, loli bo u Devedi ivwa zinizi akachimbilila kwibwe munkolongo iya Mawoni nukwikala kulakula. Bo u Sabuli ivwa, wepe akabuka kunkolongo iya Mawoni pakumulondelezya u Devedi.

1 Samuweli 23:27

intumi yikiza kwa Sabuli nukumubuzya ukuti, “Lubilo nyokela, aba Filisiti bali pakuchifyula ichisu chinichi!”