1 Samuweli 23:16 - IBAYIBOLO 2024

¹⁶ U Yonatani umwana uwa Sabuli akabuka kwa Devedi ku Holeshi pakumukazya nukumubuzya ukuti u Chala akwiza pakumwavwa.

1 Samuweli 23:16 Iomraidhean Croise

Nehemiya 2:18

Nkababuzya sona namumo u Chala akampelela ichisa sona na zizyo u mwene akambuzyanga. Po bakamula bakati, “Zagha twande pakuzenga sona.” Po bakanda pakubomba imbombo inyiza iyi.

Yobu 16:5

Loli umulomo wane ngali wabakazya; sona imilomo yane ngali yabwisya ububavu bwinyu.

Ivyili 27:17

Ichela chikupyasiwa ni chela ichamwabo, wepe umuntu akupyasiwa nu muntu uwamwabo.

Ivyili 27:9

Amafuta nu twakununkila tukughuhobosya umoyo, loli ubwiza ubwa mumanyani bughonite pazizyo akukubuzya.

Ezekiyeli 13:22

Pachifukwa icha bumyasi bwinyu mwabawisya amaka abantu bane abagholosu napapo ane intakulonda ukubapelela ichitima awe, loli mwabakazya ababibi ukuti batakazileke izila zyabo imbibi, po pakubomba bunubu bakubupoka ubumi bwabo.

Luka 22:32

Loli nakwiputila Simoni ukuti ulwitiko lwako lutakapotwe. Bo wapindukila sona kukwane, ubaghiye ubakazye abakamu bako.”

Luka 22:43

Uwantumi uwakumwanya akamubonekela nukumukazya.

Aba Efeso 6:10

Ichabumalilo nkuti mwimaye nkani mwa Mwene, nukwimilila nkani mumaka ghache amakulu.

Ukukumbusya Amalamulo 3:28

Loli umulingannye akiza u Yoshwa nukumukazya umoyo, pakuti weyuyo akwiza pakubalongolela abantu ukulobokela kwisila nukwikala muchisu chicho ukwiza pakuchennya.”

2 Timoti 2:1

Wee mwana wane, wimaye nkani ukwendela muchisa chicho chili mwa Kilisitu u Yesu.

1 Samuweli 23:15

Bo u Devedi ali munkolongo iya Zifi mu Holeshi, akazimanya ukuti u Sabuli akalondagha pakumughogha.

1 Samuweli 30:6

U Devedi akaba muntamyo inkulu nkani, pakuti chikabababa nkani abantu bache pachifukwa icha bana na bachi babo umwakuti bakalondagha pakumusumba na mabwe. Loli u Mwene, u Chala wache akamukazya.