1 Samuweli 22:7 - IBAYIBOLO 2024

⁷ Po u Sabuli akaghalalusya amakambala ghache ghala akati, “Ivwa kuno mwe ba Benjamini. Nkimba mukwinong'ona ukuti umwana uwa Yese akwiza pakubapa mwebosi amaghunda na maghunda agha mampesya? Nkimba mukwinong'ona akwiza pakubasala mwebosi ukuti mubanje mwe basongo aba tubukatila utwa basilikali?

1 Samuweli 22:7 Iomraidhean Croise

2 Samuweli 18:1

U Devedi akababungannya poka abantu bache nukubagaba mutubukatila utwa bantu 1,000, nutwa bantu 100, po akababika abasongo aba basilikali mutubukatila tulatula.

2 Samuweli 20:1

Pakabalilo kalakala kukabako umuntu yumo uwa mwalwemwalwe yuyo akaba we Sheba umwana uwa Bikili, umu Benjamini. U Sheba akalizya ipati nukukolomoka ukuti, “Aswe tute ni chigaba nachimochimo mwa Devedi, sona tute ni mpyana mu mwana uwa Yese. Mwee ba Izilayeli umuntu wesi abwelaye ku chisakasa chache.”

1 Abamwene 12:16

Bo aba Izilayeli bazyaghannya ukuti u mwene atakubateghelezya, bakamwamula bakati, “Aswe tute ni chigaba nachimochimo mubumwene ubwa Devedi. Wee, epapo pano! Mwee ba Izilayeli, zagha tubwelaye kuvisakasa vyitu. Wee mwana uwa Devedi, manya utwako na bamunyumba yako.” Po aba Izilayeli bosi bakabwela mutwaya twabo.

1 Imbili 12:16

Pakabalilo kamo aba Benjamini bamo poka na bantu abaluko ulwa Yuda bope bakiza kwa Devedi, bo ali mwilinga lyache.

Yesaya 11:1

Akasamba kakwiza pakufuma muchisinko icha Yese, akasamba akanandi kakwiza pakwela ivikomwa ukufuma kumagululuzi ghache.

Yesaya 11:10

Pisiku lilalila Weka uwa banyenya aba Yese akwiza pakwima ngati chimanyilo icha inko zyosi, zikwiza pakumulonda, po ubuzilo bubo akwikalapo bukwiza pakuba buchindamu.

1 Samuweli 18:14

U Devedi akapotagha nkani muvyosi, pachifukwa ichakuti u Mwene akaba nawe.

1 Samuweli 20:27

Loli indabi yache, bo isiku ilyabubili ilya Kupanta ukwa Mwezi lyachila, pabuzilo ubwa Devedi patakabapo sona umuntu nayumoyumo. Po u Sabuli akamulalusya umwana wache u Yonatani akati, “Nkimba choni chicho umwana uwa Yese atiziteko kulusekelo ulu manyi mumabwila pamo ilelo?”

1 Samuweli 20:30

Po u Sabuli akamukalalila nkani u Yonatani, umwakuti akamubuzya akati, “Wee mwana umupunganu nu wakunsambukila! Fwandi ukwennya ngati ntakuzimanya ukuti uli kulubazu ulwa mwana uwa Yese, pakwikozya wemwene isoni, poka nu nyoko?

1 Samuweli 22:13

U Sabuli akamulalusya akati, “Nkimba choni chicho awe nu mwana uwa Yese mwansambukila? Nkimba choni chicho ukamupa ivibama nupanga, sona nukubuzikizya kwa Chala mubuzilo ubwa Devedi, umwakuti ansambukile nukunvwamilila ngati mumo zibeleye ilelo?”

1 Samuweli 22:9

Loli u Dowegi umu Edomu, yuyo akimilila papipi na makambala agha Sabuli akati, “Nkamwennya u Devedi umwana uwa Yese mu Nobu pamaso pa Ahimeleki umwana uwa Ahitubi.

1 Samuweli 25:10

Loli u Nabali akabamula akati, “Nkimba u Devedi umwana uwa Yese wewenu? Amasiku agha abambombo abinji bakubasambukila abamwene babo.