1 Samuweli 22:23 - IBAYIBOLO 2024

²³ Loli utakanyilaye, ikalagha kuno nane, pakuti umuntu yuyo akulonda pakukughogha, weyuyo akulonda pakungogha nane bulo. Nanti uli poka nane, utakwiza pakufwa.”

1 Samuweli 22:23 Iomraidhean Croise

2 Samuweli 9:7

U Devedi akamubuzya akati, “Utakanyilaye. Nkulonda pakukupelela ichisa pachifukwa icha ghuso u Yonatani. Nkwiza pakukunyosezya ichisu chosi chicho chikaba cha ghusokulu u Sabuli, sona ukwiza pakulya poka nane akabalilo kosi.”

1 Abamwene 1:7

U Adoniya akivwana nu Yowabu yuyo unyina akaba we Zeluya, poka nu muputi u Abiyatala, po bakitika pakumwavwa.

1 Abamwene 2:26

Po u mwene akamubuzya umuputi u Abiyatala akati, “Bwelagha kukwinyu ku Anatoti. Awe ubaghiye pakufwa, loli ntakwiza pakukughogha ilelo, pachifukwa ichakuti ukanyamula Ibokosi ilya Lufingo ilya Mwene Uwamaka Ghosi pakabalilo aka tata wane u Devedi, sona ukaba poka nawe muntamyo zyache zyosi.”

Matayi 24:9

“Mukwiza pakulemiwa ukuti muvwimiwe nukughoghiwa. Abantu bosi muvyisu vyosi bakwiza pakubabenga pachifukwa icha nene.

Yohani 15:20

Kumbuka zizyo nkababuzya ukuti, ‘Uwambombo ate wapamwanya ukumuchila u mwene wache, awe.’ Nanti abantu bakanvwima ane, bakwiza pakubavwima namwe bulo. Nanti bakivwila ubumanyisi bwane, bakwiza pakwivwila nu bumanyisi bwinyu bulo.

Yohani 17:12

Pakabalilo kako nkikalagha nabo, nkabasunga akiza na maka agha itabwa lyako, itabwa lilyo ukampa. Nkabasunga akiza, po nayumo umuntu yuyo asobelitepo, loli mwene yuyo zikamubaghila ukuti ananganike, umwakuti Amasimbo ghakwanilisiwe.

Yohani 18:9

(Akanena zinizi ukuti amazyu ghagho akanenagha ghakwanilisiwe ukuti, “Tata, abantu babo ukampa, nayumo umuntu yuyo asobelitepo.”)

1 Samuweli 23:17

Akamubuzya akati, “Utakanyilaye. Utata wane atakwiza pakukughogha. Awe ukwiza pakuba we mwene uwa Izilayeli, sona ane nkwiza pakuba ne wabubili wako. Utata wane azimenye akiza bulo zinizi.”