1 Samuweli 22:2 - IBAYIBOLO 2024

² Abantu bosi babo bakaba nintamyo, pamo ni nkongole, pamo batakahoboka pavintu vimo, bakamukonka u Devedi. Abantu pipipipi 400 bakaba poka nu Devedi kulakula, po u Devedi akaba we mulongozi wabo.

1 Samuweli 22:2 Iomraidhean Croise

2 Samuweli 17:8

Awe uzimenye akiza nkani ukuti ughuso, poka na bantu bache bo basilikali abajivu, sona bakoghofya nkani ngati we labwe, yuyo bamwibila abana bache. Ukonjelezyapo ughuso amenye nkani pakulwa ubwite, po atangaghona poka na basilikali bache ubusiku ubu.

2 Samuweli 5:2

Kale bo u Sabuli we mwene witu, awe ukabalongolela aba Izilayeli kubwite, sona u Mwene akakubuzya akati, ‘Ukwiza pakuba we mulaghili uwa bantu bane aba Izilayeli, sona ukwiza pakuba we mwene wabo.’ ”

2 Abamwene 20:5

“Nyokela umubuzye u Hezekiya, umulongozi uwa bantu bane uti: U Mwene, u Chala uwa munyenya wako u Devedi akuti, ‘Ane nivwa ulwiputo lwako, sona naghennya amasozi ghako, nkwiza pakukupozya umwakuti pisiku ilyabutatu ukwanda ilelo, ukwiza pakubuka ku Nyumba iya Mwene.

2 Abamwene 4:1

Isiku limo umuchi uwa bamo abalaghuzi akamulilila u Elisha akati, “Umulume wane yuyo akaba mubombi wako afuye, sona uzimenye ukuti umubombi wako akaba muntu uwakumunyila u Mwene. Polelo umuntu yuyo akamukopezya inkongole izite pakubasenda abana bane babili ukuti abaghulizye pakuba bazya, pachifukwa icha nkongole yilayila.”

Ivyili 31:6

Umupanje ubwalwa umuntu yuyo ali pakuzililika, sona uvinyo umuntu yuyo ali muntamyo.

Matayi 11:12

Ukwanda pakabalilo aka Yohani Uwalozyo mupaka ilelo, Ubumwene ubwa Kumwanya bwayimba nkani, sona abantu abamaka bakuyezya pakubunangannya.

Matayi 11:28

“Zagha kukwane, mwebosi mwe mulitite nukung'wamilwa nintamyo, po nkwiza pakubapa ubutuzyo.

Aba Hebeli 2:10

Pakuti chikamubaghila u Chala yuyo mupeli, sona musungilili uwa vintu vyosi, ukuti amupele u Yesu pakuba wakufikapo ukwendela mu mayimba ghache, umwakuti abasendele abana bache abinji pakwinjila mu buchindamu bwache. Pakuti u Yesu weyuyo akubalongozezya ku bupoki.

Abalongi 11:3

Po Yefuta akabachimbila abawamwabo nukusamila muchisu icha Tobu. Kulakula akabadeba abantu bamo abamwalwe ukuti bamukonke.

Abalongi 18:25

Aba Dani bala bakamula bakati, “Utakadalinkanaye naswe, lumo abantu abakali bangakukoma, po awe poka na bamunyumba yako mungafwa”

1 Samuweli 1:10

Pachifukwa icha kutamiwa nkani mumoyo wache, u Hana akiputa kwa Mwene, bo akulila nkani.

1 Samuweli 22:3

Bo epako kulakula u Devedi akabuka ku Mizipa muchisu icha Mowabu nukumulaba u mwene wamu Mowabu ukuti, “Nkimba utangamwitikizya u utata nu mayi ukuti bikalaye nawe kuno mupaka papo nazimanya zizyo u Chala akulonda pakumbombela?”

1 Samuweli 23:13

Po u Devedi na bantu bache, babo bosi poka bakabapo pipipipi 600 bakepamo mu Keyila nukuchimbilachimbila. Bo u Sabuli ivwa ukuti u Devedi epamo mu Keyila, atakabukako ku Keyila kula.

1 Samuweli 25:13

U Devedi akabalamula abantu bache bala akati, “Umuntu wesi apinyilile upanga wache.” Po umuntu wesi akapinyilila upanga wache, sona wepe u Devedi akapinyilila upanga wache. Pipipipi abantu 400 bakabuka poka nu Devedi, loli abantu 200 bakasyalikila pakusungilila ukatundu.

1 Samuweli 30:6

U Devedi akaba muntamyo inkulu nkani, pakuti chikabababa nkani abantu bache pachifukwa icha bana na bachi babo umwakuti bakalondagha pakumusumba na mabwe. Loli u Mwene, u Chala wache akamukazya.

1 Samuweli 9:16

“Indabi pakabalilo ngati kanaka nkwiza pakumutuma umuntu uwa muchisu icha Benjamini. Umupakazye amafuta ukuti abanje we mwene uwa bantu bane aba Izilayeli. Akwiza pakubapoka abantu bane munyobe izya ba Filisiti. Naghennya amayimba agha bantu bane, sona nivwa ukulila kwabo.”