1 Samuweli 22:17 - IBAYIBOLO 2024

¹⁷ Po u mwene akabalamula abalindilili bache babo bakimilila papipi nawe akati, “Baghoghe abaputi aba Mwene aba pachifukwa ichakuti bope bali kulubazu ulwa Devedi. Bakazimanya ukuti u Devedi akachimbila, loli batakambuzya.” Loli amakambala agha mwene batakalondagha pakubaghogha abaputi aba Mwene bala.

1 Samuweli 22:17 Iomraidhean Croise

2 Samuweli 15:1

Bo pachilapo akabalilo, u Abisalomu akilondela mwene ingolo izya bwite ni falasi, sona na bantu 50 abakumusindikila.

1 Abamwene 1:5

Pakabalilo kalakala u Adoniya yuyo unyina akaba we Hagiti akanda pakwituvya nukuti, “Ane nkwiza pakuba ne mwene.” Po akibunganikila mwene ingolo izya bwite, ni falasi, sona na bantu 50 abakumusindikila.

1 Abamwene 14:27

Po u mwene u Lehobowamu akapanga ingulu izya mukuba nukuzipyanizya papo, nukubapa abasongo aba balindilili aba pamulyango uwa nyumba iya bumwene.

1 Abamwene 18:4

Bo u Yezibeli akubaghogha abalaghuzi aba Mwene, u Obadiya akabasenda abalaghuzi 100 nukubafisa mumpako zibili, kokuti akabafisa abalaghuzi 50 mumpako yoka, sona abalaghuzi 50 mumpako iyinji. Akabapanga ichakulya na mizi.

2 Abamwene 10:25

Bo u Yehu amala pakubika ichakwiyipa ichakocha, akabalamula abalindilili na basongo aba basilikali akati, “Injila mukasi nukubaghogha bosi, sona atakabepo nayumoyumo umuntu uwakuchimbila!” Po bakabadumula imitu na bapanga nukubaghogha bosi babo bakaba mulamula nukuyisumbila kuzi imivimba yabo yosi. Po bakinjila muchipinda ichamukasi nkani icha nyumba iya Baala yila.

Ukufuma 1:17

Loli abazamba bala bakaba bakumunyila u Chala, po batakabomba zizyo u mwene yula akababuzya ukuti babombe, po bakabaleka abana abalumendo bumi.

Imbombo 4:19

Loli u Pitala nu Yohani bakabamula bakati, “Mulonge mwebene, nkimba choni chicho chizapo pamaso pa Chala—ukubivwila amwe pamo ukumwivwila u Chala?

1 Samuweli 14:45

Loli abantu bala bakamubuzya u sabuli bakati, “Nkimba u Yonatani afwanje, yuyo abomba imbombo inkulu nkani iya kubapoka aba Izilayeli kubwite? Awe. Tukulapa mwitabwa ilya Mwene umumi ukuti nalimolimo isisi lyoka ilya kumutu wache lilyo likwiza pakuwa pasi, pakuti chicho abombite ilelo, achibomba na maka agha Chala.” Po abantu bala bakamupoka u Yonatani, umwakuti atakaghoghiwa.

1 Samuweli 2:31

Naloli akabalilo kakwiza kako nkwiza pakuchefyako amaka ghako, sona na maka agha bamunyumba iya ghuso, umwakuti patakabepo nayumoyumo umuntu umughosi munyumba yako.

1 Samuweli 20:33

Loli u Sabuli akamusumbila u Yonatani impalala yache ukuti amughoghe. Po u Yonatani akazyaghannya ukuti uwise akalondagha naloli pakumughogha u Devedi.

1 Samuweli 22:13

U Sabuli akamulalusya akati, “Nkimba choni chicho awe nu mwana uwa Yese mwansambukila? Nkimba choni chicho ukamupa ivibama nupanga, sona nukubuzikizya kwa Chala mubuzilo ubwa Devedi, umwakuti ansambukile nukunvwamilila ngati mumo zibeleye ilelo?”

1 Samuweli 22:16

Loli u mwene akati, “Awe Ahimeleki poka na bosi abamunyumba iya ghuso mubaghiye pakufwa.”

1 Samuweli 25:17

Nalondagha ukuti nkumanyisye bulo zinizi, sona bombapo zimo, pakuti chinichi chingamupelela intamyo u mwene witu poka na bamunyumba yache. U mwene witu uyu ali nu moyo umukafu nkani umwakuti akwighalila amakutu ghache nanti umuntu akumubuzya.”

1 Samuweli 8:11

U Samuweli akati, “Izi zyo zizyo u mwene yuyo mukumulonda akwiza pakubombagha. Akwiza pakubafyenga abana binyu abalumendo pakulwa ubwite, abanji bakwiza pakuba bakwendezya ingolo izya bwite, bamo abakukwela impunda zyache, sona abanji abakuchimbila pantazi pangolo zyache zila.