1 Samuweli 22:14 - IBAYIBOLO 2024

¹⁴ U Ahimeleki akamwamula u mwene akati, “Wee mwene nkimba alipo yumo pakasi pa bambombo bako yuyo musubiliwa nkani kukwako ukumuchila u Devedi, umukwalima wako, yuyo mulongozi uwa basilikali bako, sona muchindikiwa nkani munyumba yako?

1 Samuweli 22:14 Iomraidhean Croise

1 Samuweli 17:25

Aba Izilayeli bala bakati, “Nkimba mukwennya namumo umuntu uyu alindiye bulo pakubabechela aba Izilayeli? Umuntu wesi yuyo angamughogha, u mwene akwiza pakumupa ichuma ichinji nkani. Akwiza pakumupa umwana wache umulindu ukuti abanje muchi wache, sona abamunyumba iya wise batakwiza pakusonkagha nalumo umusonko.”

1 Samuweli 18:13

Po u Sabuli akamwefyapo pamaso papache nukumutuma pakuba we songo uwa basilikali 1,000. U Devedi akabalongolelagha abasilikali bala.

1 Samuweli 18:27

u Devedi akabuka poka na bantu bache nukubaghogha aba Filisiti 200. Po akiza nato utukwela tula nukumupa u mwene umwakuti angaba mukwalima wache. U Sabuli akamupa umwana wache u Mikali ukuti abanje muchi wache.

1 Samuweli 20:32

U Yonatani akamulalusya uwise akati, “Nkimba choni chicho afwanje? Nkimba ananga choni?”

1 Samuweli 21:2

U Devedi akamwamula umuputi u Ahimeleki akati, “Umwene antuma ukuti imbombe imbombo yimo kuno, sona akandamula akati, ‘Patakabepo nayumoyumo umuntu uwakumanya imbombo yiyo nkukutumila, sona yiyo nakulamula pakubomba.’ Loli nababuzya abantu bane ukuti bakomane nane pabuzilo bumo.

1 Samuweli 22:13

U Sabuli akamulalusya akati, “Nkimba choni chicho awe nu mwana uwa Yese mwansambukila? Nkimba choni chicho ukamupa ivibama nupanga, sona nukubuzikizya kwa Chala mubuzilo ubwa Devedi, umwakuti ansambukile nukunvwamilila ngati mumo zibeleye ilelo?”

1 Samuweli 24:11

Tata wane, ennya akamwenda aka nkazo yako munyobe yane. Ngali nakughoghite loli nkadumula bulo akamwenda aka. Po uzimanye ukuti ane inte ni nyinong'ono nazimo izya kukusambukila pamo ukughogha. Ane intakunangiyepo nachimochimo, loli ukumbingambinga ukuti ungoghe.

1 Samuweli 25:28

Nalamba unhobokele ne wambombo wako. U Mwene akwiza pakubukazya nkani ubumwene bwako bwila na bwila, pachifukwa ichakuti ukumulwila ubwite u Mwene. Po utakwiza pakubombapo nachimochimo ichintu ichibibi mubumi bwako bosi.

1 Samuweli 26:23

U Mwene akumusaya umuntu pachifukwa icha bugholosu nu busubiliwa bwache. Ilelo u Mwene akubikite munyobe zyane, loli intakalondagha ukuti nkubombele ichintu ichibibi we mupakiwa uwa Mwene.