1 Samuweli 20:41 - IBAYIBOLO 2024

⁴¹ Bo umulumendo yula abwela, u Devedi akafumamo muchibunga icha mabwe chila, akakupama pasi katatu pamaso pa Yonatani. Po u Devedi nu Yonatani bakalilagha bo bakufyofyontana, loli u Devedi weyuyo akalila nkani.

1 Samuweli 20:41 Iomraidhean Croise

Ubwandilo 29:11

Po u Yakobo akamukukila u Lakelo nukwanda pakulila pachifukwa icha buhobosu.

Ubwandilo 29:13

Bo u Labani ivwa nizya Yakobo, umwana uwa muyemba wache, akachimbilila pakukomane nawe. Akamukumbatila nukumukukila. Akabuka nawe kunyumba yache, po kulakula u Yakobo akamupangila ipangwi lyosi.

Ubwandilo 33:4

Loli u Esabu akachimbila pakukomana nawe akamukumbatila nukumukukila. Abantu bosi babili aba bakalilagha.

Ubwandilo 42:6

Pakuti u Yosefu akaba mulaghili uwa chisu, akabaghulizizya abantu ivyakulya babo bakafumagha kuvyisu vyosi ivya muchisu ichapasi. Po bope abawamwabo aba Yosefu bakiza nukufughama pamaso papache.

Ubwandilo 43:28

Bakamwamula bakati, “Uwambombo wako utata witu ali akiza, sona achili mumi.” Bakinama nukumuchindika.

Ubwandilo 45:15

Bo u Yosefu achili akulila, akabakumbatila abawamwabo bosi nukubafyofyonta. Po abawamwabo bala bakanda pakunenezannya nawe.

2 Samuweli 1:2

Pisiku ilyabutatu umulumendo yumo akafuma kuvisakasa ivya Sabuli, bo avwalite amenda amazepunkane, sona akikupulila ulufumbi pamutu pachifukwa icha chitima. Umulumendo yula akafika kwa Devedi, po akisumba pasi munyayo zyache nukumuchindika.

2 Samuweli 1:26

Nkukulila awe we wamwitu Yonatani, pakuti ukaba we wapamoyo wane. Ulughano lwako papane lukaba lwakufikapo, sona lwakuswighisya ukuluchila ulughano ulwa bakolo.

2 Samuweli 14:4

Bo umukolo uwamu Tekowa yula abuka kwa mwene, akafughama bo icheni chache chikotamiye pasi. Po akati, “Wee mwene, nyavwako.”

2 Samuweli 19:39

Abantu bosi bakaloboka ulusoko ulwa Yolodani, sona wepe u mwene akaloboka. U mwene akalaghana nu Balizilayi nukumusaya. Po u Balizilayi akanyokela.

2 Samuweli 9:6

Bo u Mefibosheti umwana uwa Yonatani, umwizukulu uwa Sabuli iza pamaso pa Devedi, akafughama pasi. U Devedi akati, “Nkimba we Mefibosheti?” U Mefibosheti akamula akati, “Nene, ne wambombo wako.”

1 Abamwene 1:16

U Batisheba akafughama pantazi pa mwene. Po u mwene akamulalusya akati, “Nkimba ukulonda nkubombele ichoni?”

1 Abamwene 1:23

U mwene akabuziwa ukuti, “Umulaghuzi u Natani iza.” Po u Natani akiza pamaso pa mwene nukufughama bo icheni chache chikotamiye pasi.

1 Abamwene 1:31

Po u Batisheba akafughama pamaso pa mwene, bo icheni chache chikotamiye pasi nukuti, “Wee mwene wane nkukulondela ubumi ubutali!”

Imbombo 20:37

Bosi bakalilagha bo bakumukukila nukumufyofyonta nukulaghana nawe.

1 Samuweli 10:1

U Samuweli akasenda ibotolo ilya mafuta nukughapungulila pamutu uwa Sabuli, po akamufyofyonta. Akanena akati, “U Mwene akupakazya ukuti ubanje we mwene uwa bantu bache aba Izilayeli. Ukwiza pakubalaghila abantu bache nukubapoka munyobe izya balwani babo.

1 Samuweli 18:3

Po u Yonatani akafingana ulufingo nu Devedi, pachifukwa ichakuti akamughana nkani ngati mumo akiyighanila mwene.

1 Samuweli 20:40

Po u Yonatani akamupa umulumendo yula ivilwilo vyache nukumubuzya ukuti, “Bwelagha navyo mukaya.”

1 Samuweli 24:9

Akamulalusya u Sabuli akati, “Nkimba choni chicho ukubivwila abantu babo bakuti, u Devedi akulonda pakukughogha?”

1 Samuweli 25:23

Bo u Abigelo amwennya u Devedi, akika pampunda yache nukufughama pamaso pa Devedi, bo icheni chache chikotamiye pasi.