1 Samuweli 20:30 - IBAYIBOLO 2024

³⁰ Po u Sabuli akamukalalila nkani u Yonatani, umwakuti akamubuzya akati, “Wee mwana umupunganu nu wakunsambukila! Fwandi ukwennya ngati ntakuzimanya ukuti uli kulubazu ulwa mwana uwa Yese, pakwikozya wemwene isoni, poka nu nyoko?

1 Samuweli 20:30 Iomraidhean Croise

Yobu 5:2

Ubukali bukumughogha umuntu umupunganu, sona akabini kakumunangannya umuntu umusita amahala.

Ivyili 14:29

Umuntu umufisalyoyo weyuyo akwivwisya ivintu, loli yuyo akukalala mwalwemwalwe akulanjizya pabuzelu ubupunganu bwache.

Ivyili 15:2

Amazyu agha muntu uwamahala ghakumupanga umuntu amahala, loli umulomo uwa mupunganu ghukunenagha zyo ntuko.

Ivyili 19:12

Ubukali ubwa mwene buli ngati ko kubuluma ukwa nkalamu, loli ichisa chache chili ngati yo nganda pisote.

Ivyili 19:19

Umuntu umukali afundiwanje, nanti ukumupoka, kokuti ukwiza pakuchibomba sona.

Ivyili 21:24

Umuntu uwamituvyo nu wakwitutumula itabwa lyache we “Lobezyo,” pachifukwa ichakuti akubombagha ivintu umwakwikwezya.

Ivyili 25:28

Umuntu yuyo atakwilema, ayanite bulo nakaya akakulu nkani kako abalwani bakamongolannya.

Ivyili 27:3

Ibwe ling'wamite, sona umusesenga gho ghung'wamite nkani, loli amadali agha mupunganu, gho ghang'wamite nkani ukuchila vyosi vibili.

Matayi 5:22

Loli ilelo nkubabuzya ukuti umuntu wesi yuyo amukalaliye umukamu wache akwiza pakulongiwa. Sona umuntu wesi yuyo akumunena umukamu wache ukuti, ‘Ute ni mbombo,’ akwiza pakulongiwa na balongi. Sona umuntu wesi yuyo akumunena umukamu wache ukuti, ‘Wee mupunganu,’ wepe bulo akwiza pakusumbiwa pamoto uwamu Gehena.

Aba Efeso 4:31

Mwefezye zila ulubengo mumwinyu nu bukali, sona nukukalala. Kutakabeko sona ivyongo pamo iyebo, sona nukwinong'onelana ivibibi.

Aba Efeso 6:4

Namwe bulo mwe bawise, mutakabakalalizyanje abana binyu, loli mubakuzye akiza pakubamanyisya ivimanyisyo ni ndaghilo izya Mwene.

1 Samuweli 20:29

Akati, ‘Nalamba unyitikizye ukuti imbwele pachifukwa ichakuti abaluko lwane bali nu lusekelo ulwakubika ichakwiyipa mukaya kala, po uwamwitu akandamula ukuti mupaka imbepo palusekelo lula. Nanti ungampelela ichisa unyitikizye imbwele ukuti imbennye abawamwitu.’ Ichi cho chifukwa atiziteko pakulya poka nu mwene.”

1 Samuweli 20:31

Nkimba utakuzyaghannya ukuti nanti umwana uwa Yese achili mumi, utakwiza pakuba nalumo we mwene uwa chisu ichi? Losi ulu tuma abantu ukuti bamusende bize nawe kuno ukuti afwanje.”