1 Samuweli 20:3 - IBAYIBOLO 2024

³ Loli u Devedi akalapa akati, “Ughuso azimenye akiza nkani ukuti awe unganite, po akati, ‘U Yonatani atakazimanye zinizi, lumo angaba ni chitima.’ Loli nkulapa pamaso pa Mwene umumi, sona na pamaso papako ukuti ubufwe buli pampuno.”

1 Samuweli 20:3 Iomraidhean Croise

2 Samuweli 15:21

Loli u Itayi akamwamula u mwene akati, “Nkulapa pamaso pa Mwene, sona na pamaso papako ukuti kosi kuko awe we mwene wane ukubuka, manyi bufwe, manyi bumi, ane ne wambombo wako nkwiza pakuba kulakula.”

2 Abamwene 2:2

U Eliya akamubuzya u Elisha akati, “Weya we, syala pano. U Mwene antuma ku Beteli.” Loli u Elisha akamula akati, “Nkulapa pamaso pa Mwene umumi na pamaso papako ukuti ntakwiza pakukuleka napo panandi.” Po bosi bakabuka ku Beteli.

2 Abamwene 2:4

Po u Eliya akamubuzya u Elisha akati, “Weya we syala pano. U Mwene antuma ku Yeliko.” U Elisha akamwamula akati, “Nkulapa pamaso pa Mwene na pamaso papako ukuti ntakwiza pakukuleka napo panandi.” Po bosi bakabuka ku Yeliko.

2 Abamwene 2:6

Pisinda pache u Eliya akamubuzya u Elisha akati, “Weya we syala pano. U Mwene antuma ku Yolodani.” Loli u Elisha akamwamula akati, “Nkulapa pamaso pa Mwene na pamaso papako ukuti ntakwiza pakukuleka napo panandi.” Po bosi bakendelela nu bulendo bwabo.

Masalimo 116:3

Inkusa izya bufwe zikampinya, intamyo izya mapumpa zikangwila. Nkayimba nkani pachifukwa icha ntamyo na mayimba.

Yelemiya 38:16

Loli u mwene u Zedekiya akalapa ichilapo kubusyefu akati, “Naloliloli nkulapa pantazi apa Mwene umumi yuyo akatupela nukutupa ubumi nkuti: Ntakwiza pakukughogha pamo pakukubika munyobe izya bantu babo bakubulondelezya ubumi bwako.”

Yelemiya 4:2

nanti mukulapa nu bwanaloli na mubugholosu, naloli nu Mwene umumi inko zikwiza pakusayiwa na yuyo, sona mumwache mukwiza pakuba ubuchindamu.”

Ukukumbusya Amalamulo 28:66

Amwe mukwiza pakwikalagha mukwilamwa akabalilo kosi. Pamusanya na pabusiku mukwiza pakuba nubogha, sona mutakwiza pakuchimanya na chicho chikwiza pakubawila.

Ukukumbusya Amalamulo 6:13

Mumuchindikaye u Mwene u Chala winyu, mumubombelaye yuyo mwene. Bo mukulapa ichilapo mulapilaye mwitabwa lyache lyene.

Aba Hebeli 6:16

Bo abantu bakulapa, bakulapa mwitabwa ilya muntu uyunji yuyo mukulupo ukuchila abene, po ichilapo chila chikumazya ukudalinkana kosi.

1 Samuweli 1:26

sona u Hana akamubuzya u Eli akati, “Wee mwene wane, naloli ane ne mukolo yuyo nkimilila pamaso papako nukwiputa kwa Mwene.

1 Samuweli 17:55

Bo u Sabuli akumwennya u Devedi akubuka pakulwa nu mu Filisiti yula, akamulalusya u Abinala, usongo uwa basilikali bache akati, “Nkimba umulumendo uyu mwana wawenu?” U Abinala akamwamula akati, “Wee mwene, nkulapa mwitabwa lyako ukuti ntamumenye.”

1 Samuweli 20:2

U Yonatani akamwamula akati, “Awe napo panandi! Utakwiza pakufwa nalumo! Utata wane atangabomba ichintu chimo ichikulu pamo ichinandi ukusita ukumbuzya. Nkimba anganvinda bulibuli zinizi? Awe, te momumo.”

1 Samuweli 20:4

U Yonatani akamubuzya u Devedi akati, “Mbuzya chosi chicho ukulonda ukuti nkubombele.”

1 Samuweli 25:26

“Pakuti we Mwene yuyo akukanizya ukuti utakamughoghe umuntu nayumoyumo pakutanizya ububibi bubo akakubombela, losi ulu nkulapa pamaso pa Mwene umumi, sona na mwitabwa lyako ukuti abalwani bako na bosi babo bakulonda pakukubombela ichibibi bafundiwanje ngati we Nabali.

1 Samuweli 27:1

U Devedi akanena mwene akati, “Isiku limo u Sabuli akwiza pakungogha. Chingaba chizapo ukuti insamalile kuchisu icha ba Filisiti. U Sabuli atakwiza pakundondelezya mu Izilayeli muno, po nkwiza pakupona.”