1 Samuweli 20:13 - IBAYIBOLO 2024

¹³ Loli nanti utata wane akulonda pakukubombela ichintu chimo ichibibi, u Mwene anfunde nkani nanti intakukubuzya nukukwavwa ukuti upone. U Mwene abanje nawe ngati mumo akabela nu tata wane.

1 Samuweli 20:13 Iomraidhean Croise

2 Samuweli 19:13

Akamubuzya u Amasa akati, ‘Nkimba awe te we wamwitu umwenecho? U Chala anfunde nkani nanti ukwanda ilelo utakuba we songo uwa basilikali mubuzilo ubwa Yowabu.’ ”

2 Samuweli 3:35

Abantu bosi bakiza pakumulambilizya u Devedi ukuti alyeko ichakulya, bo kuchili kuli musanya. Loli u Devedi akalapa akati, “U Chala anfunde nkani nanti naghonjapo ichibama, pamo ichintu chimo, bo ni zuba litinjiye.”

2 Samuweli 7:15

Loli nkwiza pakumughana nu lughano ulwakufikapo, te ngati mumo nkabombela nu Sabuli, yuyo nkamukana pamaso papako.

1 Abamwene 1:37

U Mwene akaba nawe, po umwakuyana bulo abanje nu Solomoni nukubupela ubumwene bwache pakuba bukulu nkani ukubuchila ubumwene bwako.”

1 Abamwene 19:2

Po u Yezibeli akamutumila intumi u Eliya pakumoghofya ukuti, “Abachala banfunde nkani nanti ukufika indabi pakabalilo ngati kanaka ntakwiza pakukughogha ngati mumo ukubaghoghela abalaghuzi bala.”

1 Abamwene 20:10

Po u Beni Hadadi akamutumila sona amazyu u Ahabu aghakuti, “Abachala banfunde nkani nanti ane poka na bantu bane abinji tutakwiza pakukanangannya akaya akakulu nkani aka Samaliya, umwakuti patakwiza ukusyalapo ulufumbi ulwakuti umuntu wekaweka angalutapa munyobe yache.”

1 Imbili 22:11

“Wee mwana wane, u Mwene abanje nawe, sona ivintu vikwendelaye akiza umwakuti umuzengele Inyumba u Mwene u Chala wako ukuyana namumo akanenela.

1 Imbili 22:16

babo bamenye pakubombezya ivintu ivya golide ni vya siliva ni vya mukuba sona ni vya chela. Polelo andako imbombo, u Mwene abanje nawe.”

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Aba Filipi 4:9

Bombezya imbombo vyosi vivyo mwamanyila pamo ukupokela, pamo ukwivwa kukwane, pamo vivyo mwavyennya mumwane. Po u Chala umwenecho uwa mutende akwiza pakuba namwe.

Yoshwa 1:5

Atalipo nayumoyumo yuyo akwiza pakukupota mubumi bwako bosi. Ane nkwiza pakuba nawe akabalilo kosi ukuyana namumo nkabela nu Mozesi. Ntakwiza pakukukana nalumo pamo pakukuleka wemwene.

Luti 1:17

Kuko ukwiza pakufwila, ko kuko nane bulo nkwiza pakufwilako, sona ko kuko nkwiza pakusyiliwako. U Mwene anfunde nkani, nanti chilipo ichintu chimo chicho chingatulesannya, loli bo bufwe bwene.”

1 Samuweli 10:7

Nanti ivimanyilo vinivi vyakwanilisiwa, bomba bulo chosi chicho ubaghiye pakubomba, pakuti u Chala ali nawe.

1 Samuweli 14:47

Bo u Sabuli aba we mwene uwa ba Izilayeli, akalwa ubwite na balwani babo bakamuzyungulila. Akalwa naba Mowabu naba Amoni sona naba Edomu na bamwene aba ku Zoba sona naba Filisiti. Kosi kuko akabukagha akabapotagha bosi.

1 Samuweli 17:37

U Mwene yuyo akampoka ku nkalamu naku balabwe, akwiza pakumpoka munyobe izya mu Filisiti yunuyu.” Po u Sabuli akamubuzya u Devedi akati, “Bukagha, u Mwene abanje nawe.”

1 Samuweli 18:12

U Sabuli akanda pakumunyila u Devedi pachifukwa ichakuti u Mwene akaba nawe, loli akamukana u Sabuli.

1 Samuweli 19:3

Nkwiza pakwima papipi nu tata wane mumughunda, mumo ukwiza pakuvwama. Po nkwiza pakunenezannya nawe nizya awe, sona nkwiza pakukubuzya zizyo akwiza pakunena.”

1 Samuweli 20:12

U Yonatani akamubuzya u Devedi akati, “U Mwene, u Chala uwa Izilayeli abanje we kaboni. Akabalilo ngati kanaka ukulinda indabi, nkwiza pakumulalusya utata wane, nanti nagha ukuti akulonda pakukubombela ichintu ichiza, nkwiza pakukubuzya.

1 Samuweli 20:14

Nanti inchili indi nubumi, umpelele ichisa ngati mumo u Mwene akumpelela ichisa, umwakuti ntakaghoghiwe,

1 Samuweli 25:22

U Chala anfunde nkani nanti ukufika pandabindabi ntakubaghogha abanavuli bosi babo bali poka nawe.”

1 Samuweli 3:17

U Eli akamulalusya u Samuweli akati, “Nkimba u Mwene akakubuzya choni? Utakanvinde nachimochimo, u Chala akwiza pakukufunda nkani nanti ukunfisa zyosi zizyo akakubuzya.”