1 Samuweli 20:1 - IBAYIBOLO 2024

¹ Po u Devedi akachimbilako ku Nayoti mu Lama, nukubuka kwa Yonatani. Akamulalusya akati, “Nkimba nananga choni? Nkimba indi ninongwa yoni? Nkimba namunangila choni ughuso umwakuti akulonda pakungogha?”

1 Samuweli 20:1 Iomraidhean Croise

Masalimo 54:3

Abantu abakwituvya bansambukiye, sona abantu aba moyo amakafu bakulonda pakungogha, babo batakupasya napo panandi nizya Chala.

2 Aba Kolinti 1:12

Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala.

2 Pitala 2:9

Po u Mwene amenye namumo akubapokela munjelo abantu babo bakumunyila nukubafunda abantu babo batakumunyila mupaka pisiku lilyo u Chala akwiza pakubalonga abantu.

1 Yohani 3:21

Mwee bamanyani bane abaghaniwa, nanti umabyebye witu atakutususya, kokuti twe bajivu nkani pamaso pa Chala.

1 Samuweli 12:3

Ane indi pano, nanti imbombitepo ichintu chimo ichibibi munsusye pamaso pa Mwene, na pamaso pa mupakiwa wache. Nkimba wewenu yuyo imufyulitepo ing'ombe yache? Nkimba alipo umuntu yumo yuyo imufyulitepo impunda yache? Nkimba wewenu yuyo imuzimbuyepo? Nkimba wewenu yuyo imuyivizyepo? Nkimba alipo umuntu yumo yuyo ampiyepo amabeko? Nanti imbombitepo ichintu chimo pavintu vyosi vinivi, nkwiza pakubanyosekezya vyosi.”

1 Samuweli 19:1

U Sabuli akamulamula umwana wache u Yonatani, poka na makambala ghache ghosi ukuti bamughoghe u Devedi. Loli u Yonatani akamughana nkani u Devedi.

1 Samuweli 19:18

Bo u Devedi apona, akabuka kwa Samuweli mu Lama nukumubuzya vyosi vivyo u Sabuli akamubombela. Po u Devedi nu Samuweli bakabuka ku Nayoti nukwikala kulakula.

1 Samuweli 20:2

U Yonatani akamwamula akati, “Awe napo panandi! Utakwiza pakufwa nalumo! Utata wane atangabomba ichintu chimo ichikulu pamo ichinandi ukusita ukumbuzya. Nkimba anganvinda bulibuli zinizi? Awe, te momumo.”

1 Samuweli 20:32

U Yonatani akamulalusya uwise akati, “Nkimba choni chicho afwanje? Nkimba ananga choni?”

1 Samuweli 24:11

Tata wane, ennya akamwenda aka nkazo yako munyobe yane. Ngali nakughoghite loli nkadumula bulo akamwenda aka. Po uzimanye ukuti ane inte ni nyinong'ono nazimo izya kukusambukila pamo ukughogha. Ane intakunangiyepo nachimochimo, loli ukumbingambinga ukuti ungoghe.

1 Samuweli 24:12

U Mwene alonge yuyo amunangila uwamwabo pakasi papako nane, sona akufunde pachifukwa icha vivyo wambombela, loli ane ntakwiza pakukubombela nachimochimo ichintu ichibibi.

1 Samuweli 24:17

Po akamubuzya u Devedi akati, “Awe wame muntu umugholosu, loli ane name muntu mubibi. Naloli utanangiyepo nachimochimo, loli ane ne nakunangila nkani.

1 Samuweli 24:9

Akamulalusya u Sabuli akati, “Nkimba choni chicho ukubivwila abantu babo bakuti, u Devedi akulonda pakukughogha?”

1 Samuweli 26:18

Akanena sona akati, “Nkimba choni chicho u mwene wane akundondelezya bunubu ne mubombi wache? Nkimba nabomba ichoni? Nkimba napalaghula nongwa yoni?