1 Samuweli 2:9 - IBAYIBOLO 2024

⁹ Akwiza pakuzizighilila inyayo izya bantu bache abasubiliwa. Loli abantu ababibi bakwiza pakuba bulo myee muchisi. “Umuntu atangapota na maka aghache na ghache.

1 Samuweli 2:9 Iomraidhean Croise

Yobu 18:18

Bakamuchimbizyamo mulukozyo, nukumwinjizya muchisi, sona bakumuchimbizyamo muchisu ichapasi.

Yobu 40:13

Ubasyile bosi poka mulufumbi; nukubanyembetelela ivyeni vyabo muchisu icha bantu abafwe.

Yobu 5:16

Po akubapa ulusubilo abantu abapina, loli akubighalila pamulomo abantu ababibi.

Yobu 5:24

Ukwiza pakumanya ukuti akaya kako kali nu mutende, sona nanti uli pakuzibelenga ing'ozi zyako, ukwiza pakwagha ukuti nayimoyimo yisobelitepo.

Masalimo 1:6

Pakuti u Mwene akuyennya inkalo iya bantu abagholosu, loli abantu ababibi bakwiza pakuzimila.

Masalimo 105:37

Pisinda pache akabefya aba Izilayeli, bo banyamuye usiliva nu golide, bosi bakaba bamaka nkani, sona patakabapo nayumoyumo yuyo akaba mudedebazu.

Masalimo 121:3

Atakwiza pakwitikizya ulwayo lwako ukuti lutyelemukaye, yuyo akukusungilila atakusyupilagha.

Masalimo 121:5

U Mwene we musungilili wako, u Mwene we kazundila kako kunyobe yako indilo.

Masalimo 121:8

U Mwene akwiza pakukusunga kosi kuko ukubuka, ukwanda ilelo mupaka bwila na bwila.

Masalimo 145:20

U Mwene akubasungilila bosi babo bamughanite, loli akwiza pakubanangannya abantu ababibi.

Masalimo 31:17

Wee Mwene, utakitikizyanje ukuti nkoziwe isoni, pachifukwa ichakuti nakulaba. Loli abantu ababibi bakoziwanje isoni sona babanje bulo myee bo bali mwipumpa.

Masalimo 37:28

Pakuti u Mwene abughanite ubwanaloli, sona atakwiza pakubaleka bene abasubiliwa bache. Bakwiza pakuvighililiwa bwila na bwila, loli abana aba bantu ababibi bakwiza pakuzimila.

Masalimo 94:18

Bo nkwinong'ona ukuti ulwayo lwane lukutyelemuka, wee Mwene ulughano lwako lukanyavwa

Masalimo 97:10

Babo bamughanite u Mwene, babubengaye ububibi. Pakuti akubuvighilila ubumi ubwa bantu bache abasubiliwa, sona akubapoka munyobe izya bantu ababibi.

Ivyili 16:9

Umoyo uwa muntu ghukwinong'ona izyakubomba, loli u Mwene weyuyo akukalongozya akendele kache kosi.

Ivyili 2:8

Pakuti akubasungilila abagholosu, sona akubazighilila abasubiliwa.

Ivyili 3:26

Pakuti u Mwene akwiza pakuba poka nawe, sona atakwiza pakwitikizya ichipingo ukuti chikulemaye.

Umulumbilili 5:17

Amasiku ghache ghosi agha bumi bwache gha chisi, gha chitima, gha ntamyo, gha mayimba, sona nu bubine.

Umulumbilili 9:11

Nachennya sona ichintu chimo pachisu ichapasi ichakuti: Te muntu uwalwengo akupota pakuchimbila, pamo umuntu umujivu akupota pabwite. Pamo abantu abamahala bene bo babo bakuchagha ichakulya pamo abantu abamahala bene bo babo bakuba nu bukabi. Te bamanyi bene babo abantu bakubapelela ichisa, loli ulusako ni chighune vikubawila bosi banaba.

Yesaya 27:3

Ane, ne Mwene, nkuwenelezya, nkughusembelela bwila. Nkughusungilila ubusiku nu musanya, umwakuti patakabepo nayumo uwa kughunangannya.

Yesaya 47:5

“Banga myee, mubukaye muchisi, amwe mweba muchisu icha Kaladeya, chifukwa ichisu chinyu chitakwiza pakwitiziwa sona, ukuti u mwene umukolo uwa bumwene.

Yelemiya 8:14

Abantu bakuti, “Nkimba choni chicho twikaye pano? Bungana poka! Zagha tuchimbilile ku malinga agha mutwaya utukulu nkani nukuzimila kulakula! Pakuti u Mwene u Chala witu adumula ukuti tubaghiye pakufwa, sona atung'wesya amizi agha bwanga, pakuti twamunangila.

Yelemiya 9:23

U Mwene akuti, “Uwamahala atakituvyanje chifukwa icha mahala ghache pamo uwamaka atakituvyanje pachifukwa icha maka ghache, pamo umukabi atakituvyanje pachifukwa icha bukabi bwache.

Nahumu 1:8

loli na mizi aghakwizula, akwiza pakumunangannya u Ninive, sona akwiza pakubachimbizizya abalwani bache muchisi.

Zefaniya 1:15

Isiku lila likwiza pakuba lisiku ilya bukali, isiku ilya mayimba sona nilya kubaba. Likwiza pakuba lisiku ilya ntamyo nukunanganika, likwiza pakuba lisiku ilya chisi nichitima, likwiza pakuba lisiku ilya mabingu ni chisi ichakoghofya,

Zekaliya 4:6

Uwantumi akambuzya amazyu ghanagha aghakufuma kwa Mwene akati imubuzye u Zelubabeli ukuti, “Utakupota ubwite pachifukwa icha maka, loli pachifukwa icha Muzimu wane.

Ukubelengiwa 6:24

U Mwene abasaye nukubasungilila.

Matayi 8:12

Abantu babo bakwinong'ona ukuti bakwiza pakwinjila mu Bumwene ubwa Kumwanya bakwiza pakusumbiwa kuzi muchisi. Kulakula bakwiza pakulila nukusyeketula amino ghabo.”

Aba Loma 3:19

Ilelo tuzimenye ukuti vyosi vivyo Indaghilo zikunena, zikunena nizya bantu babo bali pasi pa Ndaghilo, umwakuti patakabepo na pabulyeghelo napamopamo, sona nukuti bosi bakwiza pakulongiwa nu Chala.

Ukukumbusya Amalamulo 33:3

Naloli u Mwene abaghanite abantu bache, sona abantu bako bosi bali munyobe zyache. Po bakufughama munyayo zyache, sona bakupokela ivimanyisyo vyache.

1 Pitala 1:5

Po u Chala mumaka ghache akubasunga, amwe mwe mukumusubila ukuti mupokele ubupoki, bubo ayannya pakubavumbulila pisiku ilyabumalilo.

2 Pitala 2:17

Abantu banaba bayanite bulo ni mbwibwi zizyo zite na mizi, sona bayanite bulo nu kabefu yuyo akuputiwa ni impepo iyamaka. U Chala abasungiye ubuzilo ubwa chisi ichakoghofya nkani.

Yuda 1:1

Ane ne Yuda umubombi uwa Yesu Kilisitu, sona nu mukamu uwa Yakobo. Nkubasimbila abantu babo bitiziwa nu Chala, babo baghaniwe nu Chala u Tata nukusungililiwa nu Yesu Kilisitu.

Yuda 1:13

Bayanite bulo na mayigha aghakoghofya agha panyanja ghagho ghakufumya itatafulu ilya mbibi zyabo. Bayanite bulo ni ntondwa zizyo zikwendakwenda bulo. U Chala abasungiye ubuzilo ubwa chisi ichakoghofya nkani icha bwila na bwila.

Yuda 1:3

Mwee bamanyani bane abaghaniwa, nkalondagha nkani pakubasimbila nizya bupoki bubo twebosi tuli nabo. Loli ilelo nadumula ukuti imbasimbile koka bulo pakubalaba ukuti mulwe nkani ubwite pakulwimila ulwitiko lulo u Chala abapiye abantu bache.

1 Samuweli 25:26

“Pakuti we Mwene yuyo akukanizya ukuti utakamughoghe umuntu nayumoyumo pakutanizya ububibi bubo akakubombela, losi ulu nkulapa pamaso pa Mwene umumi, sona na mwitabwa lyako ukuti abalwani bako na bosi babo bakulonda pakukubombela ichibibi bafundiwanje ngati we Nabali.