1 Samuweli 2:6 - IBAYIBOLO 2024

⁶ “U Mwene akubafyula abantu ubumi nukubunyosezya papo. Akubasendela abantu mwipumpa nukubazyusya.

1 Samuweli 2:6 Iomraidhean Croise

1 Abamwene 17:22

U Mwene akivwa ulwiputo ulwa Eliya, po umwana yula akanda pakufuta nukuba sona mumi.

2 Abamwene 5:7

Bo u mwene uwamu Izilayeli abelenga ukalata yula, akazepula amenda ghache pachifukwa icha bogha nukuti, “Fwandi ane ne Chala yuyo angaghogha nukupa ubumi? Nkimba choni chicho antumila umuntu uyu ukuti imupozye amambombo ghache? Ichi chili pabuzelu ukuti akulonda andane nane bulo.”

Yobu 5:18

Pakuti weyuyo akuvulazya, sona weyuyo akuvipinya ivilonda vilavila. Weyuyo akuvulazya, loli inyobe zyache zyo zizyo zikupozya.

Masalimo 116:3

Inkusa izya bufwe zikampinya, intamyo izya mapumpa zikangwila. Nkayimba nkani pachifukwa icha ntamyo na mayimba.

Masalimo 30:4

Mwee bantu bache abasubiliwa, mumwimbilaye u Mwene, sona mulipalaye itabwa lyache izelu.

Masalimo 68:20

U Chala witu we Chala yuyo akupoka, sona we Mwene Uwamaka Ghosi yuyo akutupoka kubufwe.

Masalimo 71:20

Napapo wantumila intamyo sona ni vyakubaba, loli ukwiza pakumpa sona amaka. Po ukwiza pakunyefyamo muchiliba ichibizu nkani.

Umulumbilili 3:3

Pali akabalilo akakughoghela na kabalilo akakupozezya. Pali akabalilo akakumongolannya na kabalilo akakuzengela.

Yesaya 26:19

Loli abafwe binyu bakwiza pakuba bumi, amabili ghabo ghakwiza pakuzyuka kubufwe. Amwe mwe mukwikala mulufumbi, nyamuka nukukolomoka nukusekela. Inganda yako yili ngati nganda iya pandabindabi, ichisu ichapasi chikwiza pakubanyosezya ubumi abantu abafwe.

Ezekiyeli 37:12

Polelo ulaghule nukubabuzya ukuti, ‘U Mwene Uwamaka Ghosi akuti: Ennya nkwiza pakwighula amapumpa ghinyu nukubefyamo, po nkwiza pakubanyosekezya kuchisu icha Izilayeli.

Ezekiyeli 37:3

Akandalusya akati, “Wee mwana uwa muntu, nkimba amafupa agha ghangaba nubumi?” Nkamula nkati, “Wee Mwene Uwamaka Ghosi, wewe wemwene uzimenye.”

Matayi 12:40

U Yona akikala amasiku matatu mulwanda ulwa swi inkulu, umwakuyana bulo, wepe u Mwana uwa Muntu akwiza pakwikala mukasi mwitope amasiku matatu umusanya nu busiku.

Yohani 11:25

U Yesu akamubuzya akati, “Ane ne yuyo akuzyusya abantu nukubapa ubumi. Umuntu wesi yuyo akusubila mumwane akwiza pakuba nubumi napapo angafwa.

Ukukumbusya Amalamulo 32:39

Ilelo ennya, ane nemwene ne Chala, sona atalipo u chala uyunji. Nkumughogha umuntu nukumupa ubumi, Nkumuvulazya sona nkumupozya. Atalipo nayumoyumo umuntu uwakumupoka munyobe zyane.

Ubuvumbuli 1:18

Ane ne mumi. Nkafwa, loli ilelo ne mumi bwila na bwila. Indi ni nyighulilo izya bufwe, sona ni nyighulilo izya buzilo ubwa bantu abafwe.

1 Samuweli 20:3

Loli u Devedi akalapa akati, “Ughuso azimenye akiza nkani ukuti awe unganite, po akati, ‘U Yonatani atakazimanye zinizi, lumo angaba ni chitima.’ Loli nkulapa pamaso pa Mwene umumi, sona na pamaso papako ukuti ubufwe buli pampuno.”