1 Samuweli 2:30 - IBAYIBOLO 2024

³⁰ “ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.

1 Samuweli 2:30 Iomraidhean Croise

1 Abamwene 11:11

Po u Mwene akamubuzya u Solomoni akati, “Pachifukwa ichakuti utakalusunga ulufingo lulo ukafingana nane, sona na malamulo ghagho nkakulamula, nkwiza pakukufyula ubumwene bwako nukumupa weka uwa makambala ghako.

1 Abamwene 2:27

Po u Solomoni akamwefya u Abiyatala pambombo iya buputi ubwa Mwene. Bunubu amazyu agha Mwene ghakakwanilisiwa ghagho akanena mu Shilo nizya bamunyumba iya Eli.

1 Imbili 17:18

“Nkimba u Devedi anganena sona ichoni, pakuti wanchindika? Awe umenye nkani ane ne mubombi wako.

2 Imbili 15:2

Po akabuka pakukomana nu Asa nukumubuzya ukuti, “Wee Asa na mwebosi mwe bantu aba mu Yuda naba mu Benjamini ivwa kuno! U Mwene akuba namwe nanti mukuba nawe. Nanti mukumulondelezya, mukwiza pakumwagha, loli nanti mukumukana, wepe akwiza pakubakana.

2 Imbili 26:18

Bakamuchemela bakati, “Wee Uziya, te chiza ukuti ufukizye utwakununkila kwa Mwene. Iyi yo mbombo iya baputi, abaluko ulwa Aloni, babo bakapaghuliwa ukuti bafukizyanje utwakununkila. Epamo Mubuzilo Ubuzelu ubu, pakuti utakaba musubiliwa kwa Mwene u Chala, po wepe atakwiza pakukuchindika.”

Masalimo 18:20

U Mwene akampa umuvwalo ukuyana ni mbombo zyane ingolosu. Akansaya ukuyana ni nkalo yane inyiza.

Masalimo 18:26

Ku bantu abazelu, ukubanga we muzelu, loli ku bantu abanyonganu, ukubanga we muchevu nkani.

Masalimo 50:23

Umuntu yuyo akubika ivyakwiyipa ivyakupalizikizya akunchindika, sona yuyo akwenda izila ingolosu nkwiza pakumulanjizya ubupoki bwane.”

Masalimo 73:20

Wee Mwene, ukwiza pakubachimbizya abantu banaba, ngati muntu yuyo akulota, akuvisamula ivilota vyache pandabindabi

Masalimo 91:14

U Mwene akuti, “Pachifukwa ichakuti anganite, nkwiza pakumupoka. Nkwiza pakumupoka pachifukwa ichakuti akunyitika.

Masalimo 91:15

Bo akunyitizya, ane nkwiza pakumwamula. Nkwiza pakuba nawe muntamyo zyache zyosi, nkwiza pakumupoka nukumuchindika.

Ukufuma 28:43

U Aloni na bana bache bavwalaye amenda ghanagha akabalilo kosi, bo bakwinjila mu Chisakasa icha Mwene, pamo bo bakupalamila ku chighemo pakumbombela mu Chipinda Ichizelu, umwakuti batakanangaye nukufwa. “Ulu lo lulaghilo ulwa bwila na bwila ulwa Aloni na baluko lwache.

Ukufuma 29:9

Upinye abalamba mumisana yabo nukubavwika ivipewa. U Aloni na bana bache ubimikaye bunubu. Po abene na baluko lwabo bambombelaye imbombo iya buputi bwila na bwila.

Ivyili 12:8

Umuntu akupaliwanga ukuyana na mahala ghache, loli umuntu uwa nyinong'ono inyonganu akusamuliwanga.

Ivyili 4:8

Bika umoyo wako pa mahala, po ghakwiza pakukukwezya. Ughafukatilaye, po ghakwiza pakukuchindika.

Ivyili 8:17

Imbaghanite babo banganite, sona babo bakundondelezya nu moyo ghosi bakunyagha.

Yesaya 29:13

U Mwene akuti, “Abantu banaba bakupalamila kukwane namalomo ghabo, nukunchindika ane nimilomo yabo, loli amoyo ghabo ghali kubutali nkani nane. Ukunchindika kwabo kwa ndaghilo, zizyo bamanyisiwe na bantu.

Yelemiya 29:32

Naloliloli, nkwiza pakumufunda u Shemaya uwamu Nehelama na banyenya bache. Atakwiza pakuponapo nayumoyumo pakasi pabantu banaba, sona atakwiza pakubwennyapo nu bwiza nabumobumo bubo nkwiza pakubabombela abantu bane, pachifukwa ichakuti alumbilila amazyu aghakusambuka.’ Ane ne Mwene nanena.”

Yelemiya 49:15

Nkwiza pakubapela pakuba banandi bulo pakasi pa inko zyosi, abantu bosi bakwiza pakubasamula.

Ezekiyeli 34:10

U Mwene Uwamaka Ghosi akuti: Indi pabwite na badimi, nkubasusya abadimi pachifukwa icha ng'ozi zyane. Nkwiza pakubafyula ing'ozi zyane umwakuti abadimi batakwiza pakuzilyesya sona. Nkwiza pakuzipoka ing'ozi zyane kumilomo yabo, po zitakwiza pakuba chakulya chabo.

Daniyeli 4:34

Bo pachilapo akabalilo kala, ane ne Nebukadineza, nkennya kumwanya po ubuntu bwane bukanyokelamo. Nkamupala u Chala uwakumwanya nkani, sona nkamukwezya nukumuchindika u Chala yuyo aliko bwila na bwila ukuti: Ubulaghili bwache bwa bwila na bwila, sona ubumwene bwache bukubangako inkulilo zyosi.

Malaki 1:6

U Mwene Uwamaka Ghosi akuti, “Umwana akumuchindika uwise, wepe uwambombo akumuchindika u mwene wache. Nanti ne tata winyu, nkimba umuchizi wane ghugho ghumbaghiye ghuli kwiyi? Nanti ne mwene winyu, nkimba umuchizi ghugho ghumbaghiye ghuli kwiyi? Mwee baputi mwe mukulisamula itabwa lyane. “Loli mukulalusya ukuti, ‘Nkimba tukulisamula bulibuli itabwa lyako?’

Malaki 2:3

“Pachifukwa icha amwe, nkwiza pakubachemela abaluko lwinyu, nukubapaka pavyeni vyinyu isakwi iya mumala iya vyakwiyipa vyapalusekelo lwinyu ulwa pamwaka, po nkwiza pakubasumbila pachibunga icha sakwi yilayila.

Ukubelengiwa 11:20

Loli mukwiza pakuyilya umwezi ghosi mupaka yifumile mumpuno zyinyu, sona mupaka muyitapike, pakuti amwe mwamukana u Mwene yuyo ali pakasi papinyu. Amwe mwilumbusizye pantazi papache ukuti, “Nkimba choni chicho tukepamo mu Ijiputi?” ’ ”

Ukubelengiwa 35:34

Mutakachinyazyanje ichisu chicho mukwikalamo, pakuti ichisu chinichi cho chicho nkwikalamo. Ane ne Mwene nkwikala pakasi paba Izilayeli.’ ”

Yohani 12:26

Umuntu wesi yuyo akulonda pakumbombela, ankonkaye, umwakuti kuko indiko, ko kuko nu mubombi wane bulo abanjeko. U Tata wane akwiza pakumuchindika umuntu wesi yuyo akumbombela.

Yohani 5:23

ukuti bosi bamuchindikaye u Mwana ukuyana namumo bakumuchindikila Uwise. Umuntu wesi yuyo atakumuchindika u Mwana, atakumuchindika nu Wise bulo yuyo akamutuma.

Yohani 5:44

Nkimba mungasubila bulibuli, nanti mukuchindinkana mwebenebene, loli mutakwiyula pakuba nu muchizi uwakufuma kwa Chala mwene na mwene bulo?

Yohani 8:49

U Yesu akabamula akati, “Ane inte nu muzimu umubibi. Ane nkumuchindika Utata, loli amwe mutakunchindika.

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.

1 Pitala 1:7

Injelo zinizi zyizite, umwakuti zisimikizye nanti ulwitiko lwinyu lwenecho. Ngati we golide yuyo angananganika, akuswefyiwa numoto, umwakuyana bulo, ulwitiko lwinyu lulo lwapamwanya ukuchila ugolide, lubaghiye luswefyiwe. Po mukwiza pakupokela amapalo nu buchindamu nu muchizi, pisiku lilyo u Yesu Kilisitu akwiza pakuvumbuliwa.

Abalongi 9:10

“Amakwi ghala ghakalibuzya ikwi ilya ikuyu ghakati, ‘Zagha ubanje we mwene witu.’