1 Samuweli 2:3 - IBAYIBOLO 2024

³ “Muleke pakwitutumula, sona amalomo ghinyu ghatakituvyanje. Pakuti u Mwene we Chala, yuyo azimenye imbombo izya bantu, sona akwiza pakubalonga ukuyana ni mbombo zyabo.

1 Samuweli 2:3 Iomraidhean Croise

1 Abamwene 8:39

ivwa uko kumwanya kuko ukwikala nukubahobokela abantu bako, sona bombapo zimo ukuyana na zyosi zizyo umuntu wesi abomba, pakuti awe uzimenye inyinong'ono izya bantu bosi.

Yobu 31:6

Leka u Chala ampime ni chipimilo ichanaloli po akwiza pakuzimanya ukuti inte na kalema nakamokamo,

Masalimo 147:5

U Mwene witu mukulu sona wamaka, amahala ghache ghate ni mpaka.

Masalimo 17:10

Batakulanjizya ichisa napo panandi, sona amalomo ghabo ghakunena amituvyo ghene.

Masalimo 31:18

Abantu abamyasi babanje bulo myee, pakuti bakituvyanga nukubasamula abantu abagholosu.

Masalimo 44:21

nkimba ngali u Chala atakazyaghannya zinizi, pakuti azimenye izya kubusyefu bosi ubwa moyo uwa muntu?

Masalimo 75:5

Mutakitutumulaye pachifukwa icha maka ghinyu, pamo pakunena umwakwituvya.’ ”

Masalimo 94:4

Bakwituvya, sona ababomba mbibi bakwikwezya.

Ivyili 16:2

Inkalo zyosi izya muntu zikuboneka nyiza kukwache, loli u Mwene weyuyo akuzipima inyinong'ono izya muntu.

Ivyili 24:12

Nanti ukuti, “Intakazimanya,” yuyo akughupima umoyo nkimba atakuzyennya zinizi? Nkimba atakumupa umuvwalo umuntu wesi ukuyana ni mbombo zyache?

Ivyili 8:13

Ukumunyila u Mwene ko kuzibenga imbibi, loli ukwikwezya na mituvyo ni zila izya bubibi, sona nukunena ubumyasi ivibengite.

Yesaya 26:7

Izila iya muntu umugholosu yifukiliwe akiza wee Mwene umugholosu, yipelaye izila iya muntu umugholosu pakuba ntenganu.

Yesaya 37:23

Nkimba wewenu yuyo ukumutuka nukumusamula? Nkimba wewenu yuyo ukumukwezezya izyu, nukwinusya amaso ghako umwakwituvya? Ku Muzelu uwa Izilayeli!

Yelemiya 17:10

“Ane ne Mwene nkwenelezya inyinong'ono, nukughupima umoyo, nkumupa umuntu umuvwalo ukuyana ni nkalo yache, sona ukuyana ni mbombo zyache.”

Ezekiyeli 35:13

Pakunena bunubo, mukituvya nkani umwakususannya nane sona mwantuka nivintu ivyinji nkani, amazyu ghosi ghanagha naghivwa.

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Daniyeli 5:27

“Tekeli: Chikusanusya ukuti wapimiwa pachipimilo sona utakung'wama.

Malaki 3:13

U Mwene akuti, “Mwanena amazyu aghakunsusya. “Loli mukulalusya mukuti, ‘Nkimba twa nena vintu vyoni ivyakukususya?’

Aba Hebeli 4:12

Pakuti amazyu agha Chala mumi sona ghakubombabomba. Ghakwete nkani ukuchila upanga yuyo akwete kosi na kosi. Upanga akulasa mupaka papo pakomanite impingu na mafuta agha mwifupa. Umwakuyana bulo, amazyu agha Chala ghakulasa mupaka papo pakomanite umoyo nu muzimu uwa muntu. Ghakulonga inyinong'ono izya bantu, sona na vivyo amoyo ghabo ghakunyonywa.

Yoshwa 22:22

“Uwamaka Ghosi we Chala! We Mwene! Uwamaka Ghosi we Chala! We Mwene! Achimenye ichifukwa chicho tukabombela bunubu, sona namwe bulo muchimanye! Nanti tukamusambukila u Mwene pachifukwa ichakusita kumwivwila, mutakatwitikizye ukuti tubanje nubumi.

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.

Abalongi 9:38

Po u Zebuli akamulalusya u Gala akati, “Nkimba ukwitutumula kwako kuli ko kwiyi? Nkimba te wewe ukatinji, ‘Nkimba u Abimeleki wewenu ukuti tumubombele?’ Nkimba banaba te bantu babo ukabasamula bala! Bukagha pakulwa nabo ubwite.”

1 Samuweli 16:7

Loli u Mwene akamubuzya u Samuweli akati, “Utakennyanje akabonekele kache, pamo ubutali bwache, pakuti ane namukana. U Mwene atakwennya ukuyana namumo abantu bakwenezezya. Abantu bakwennya akabonekele, loli u Mwene akwennya mumoyo.”