1 Samuweli 2:28 - IBAYIBOLO 2024

²⁸ Nkamusala umunyenya wako pakasi pa inko zyosi izya ba Izilayeli pakuba muputi wane, ukuti bambombele pachighemo chane, pakufukizya utwakununkila, sona nukuti bavwalaye u efodi pamaso papane. Sona nkabapa ubulaghili ubwakusungila ichigaba icha chakwiyipa ichakocha.

1 Samuweli 2:28 Iomraidhean Croise

2 Samuweli 12:7

Po u Natani akamubuzya u Devedi akati, u Mwene u Chala uwa ba Izilayeli, ati, “Umuntu yunuyu wewe! Ane nkakupakazya amafuta pakuba we mwene uwa ba Izilayeli, sona nkakupoka munyobe izya Sabuli.

2 Samuweli 6:14

U Devedi akimbagha pamaso pa Mwene na maka ghache ghosi, bo avwalite u efodi umutonte.

Ukufuma 28:1

“Umwimike uwamwinyu u Aloni poka na bana bache abalumendo pakasi paba Izilayeli pakuba baputi. Banaba bo aba: U Nadabu nu Abihu nu Eleyazala, sona nu Itamali.

Ukufuma 28:4

Ubalamule ukuti basone ichapachifuba nu efodi, ni nkazo, ni laya lilyo lilabiwe akiza nkani, ni mpumpu, sona nu lamba. Bamusonele amenda ghanagha uwamwinyu u Aloni na bana bache abalumendo pakuba baputi abakumbombela.

Ukufuma 30:7

“Indabindabi yosi, bo u Aloni akukozya inyale, afukizyanje utwakununkila pachighemo.

Ukufuma 30:8

Bo akukozya inyale pachamabwila, afukizyanje utwakununkila. Ichakwiyipa icha twakununkila chinichi chibanje pamaso pa Mwene mupaka inkulilo izya muntazi.

Aba Levi 2:10

Ubusu ubwakusyalapo bubanje bwa Aloni na bana bache. Ichi cho chigaba ichizelu nkani, pachifukwa ichakuti chatapiwa bulo pa chakwiyipa ichakocha, chicho chabikiwa kwa Mwene.

Aba Levi 2:3

Ubusu ubwakusyalapo bubanje bwa Aloni na bana bache. Ichi cho chigaba ichizelu nkani, pachifukwa ichakuti chatapiwa bulo pa chakwiyipa ichakocha, chicho chabikiwa kwa Mwene.

Aba Levi 6:16

U Aloni na bana bache balye ivyakusyala. Bavilyele mu Buzilo Ubuzelu, mulubinjilo ulwa Chisakasa icha Mwene, loli vitakabanje ni chilungo.

Aba Levi 7:32

Bamupe umuputi intapatapa iya ndilo iya chakwiyipa ichabupoka chila pakuba chabupi.

Aba Levi 7:36

Pisiku lilyo bakimikiwanga pakuba baputi, u Mwene akabalamula aba Izilayeli pakubapa abaputi ichigaba chinichi icha chakwiyipa pakuba chigaba chabo icha bwila na bwila mupaka inkulilo zyosi izya muntazi.

Ukubelengiwa 16:5

Po akamubuzya u Kola na bakonki bache akati, “Indabi pandabindabi u Mwene akwiza pakutulanjizya yuyo wache, sona na yuyo muzelu, po akwiza pakumupalamizya umuntu yulayula kukwache.

Ukubelengiwa 18:19

Ivyakwiyipa vyosi ivizelu vivyo aba Izilayeli bakubika kwa Mwene nkukupa awe, na bana bako abalumendo na balindu pakuba chigaba chinyu icha bwila na bwila. Ulu lo lufingo ulwa mbeya ulwa bwila na bwila, lulo nafingana nawe poka na bana bako.”

1 Samuweli 14:3

Pakasi pabantu balabala pakabapo umuputi u Ahiya, yuyo akavwalagha u efodi. U Ahiya akaba mwana uwa Ahitubi, uwamwabo uwa Ikabodi, umwana uwa Finehasi, sona umwizukulu uwa Eli, yuyo akaba muputi uwa Mwene mu Shilo. Po abantu bala batakazimanya ukuti u Yonatani epitepo.

1 Samuweli 2:18

Loli u Samuweli akamubombelagha u Mwene, bo avwalite u efodi umutonte.