1 Samuweli 2:24 - IBAYIBOLO 2024

²⁴ Awe, bana bane! Ipangwi lilyo likusata pakasi pabantu aba Mwene te lyiza.

1 Samuweli 2:24 Iomraidhean Croise

1 Abamwene 15:26

U Nadabu wepe akananga pamaso pa Mwene ukuyana namumo uwise akabombelagha, umwakuti akabapela bope aba Izilayeli ukuti banangaye.

1 Abamwene 15:30

Zinizi zikaba bunubu pachifukwa icha mbibi zizyo u Yelobowamu akabomba pakubapela aba Izilayeli ukuti bope banangaye. Po bakamukalalizya nkani u Mwene, u Chala uwa Izilayeli.

2 Abamwene 10:31

Loli u Yehu atakazikonka indaghilo izya Mwene u Chala uwa ba Izilayeli nu moyo wache ghosi. Atakazileka imbibi izya Yelobowamu zizyo zikabapelagha aba Izilayeli ukuti bope banangaye.

Ukufuma 32:21

Pisinda pache u Mozesi akamulalusya u Aloni akati, “Nkimba abantu banaba bakakubombela choni ukuti ubapele pakunanga bunubu?”

Malaki 2:8

Loli mwayileka izila, sona mwabapunuzya abantu abinji nkani ni vimanyisyo vyinyu. Mwalunangannya ulufingo lulo nkafingana nu Levi.” U Mwene Uwamaka Ghosi anena.

Matayi 18:7

Chighune nkani kuchisu ichapasi pachifukwa icha vintu vivyo vikubapuvya abantu! Ivintu vinivi vikwiza pakubombiwanga, loli chighune nu muntu yuyo akwiza ni vintu vinivi!

Imbombo 6:3

Polelo bakamu bitu, musale abantu seveni mumwinyu, babo bizuye nu Muzimu Umuzelu na mahala, sona aswe tukwiza pakubapa imbombo yiniyi.

2 Aba Kolinti 6:8

Twalanjizya ukwendela mu buchindamu nu musamu; ukwendela mu ntuko na mapalo, loli pope bulo tukunena ubwanaloli.

1 Timoti 3:7

Abanje muntu yuyo akuchindikiwa na bantu kuzi ukwa chipanga, pakunyila ukuti angakoziwa isoni nukuwila muchipingo icha Satana.

2 Pitala 2:18

Abene bakunena amazyu aghamituvyo, na ghabupunganu, sona ni vinyonywa vyabo ivibibi ivya mubili bakubategha abantu babo bapona bulo pakasi pabantu aba nkalo imbibi.

3 Yohani 1:12

Umuntu wesi akumupala u Demetiliyo. Zizyo akubomba zikumusimikizizya ukuti zizyo abantu bakunena zyanaloli.

Ubuvumbuli 2:20

Loli ichintu chicho nkukususya nacho chakuti, ukumwennya bulo umukolo u Yezebelo yula, yuyo akwinena mwene ukuti mulaghuzi. Akubasovya ababombi bane ni chimanyisyo chache nukubamanyisya ukuti babombaye ubwamalaya nukulya ichakulya chicho chibikiwe ku vifwani ukuti chibanje chakwiyipa.

1 Samuweli 2:17

Imbibi iya bana aba Eli iyi yikaba nkulu nkani pamaso pa Mwene pachifukwa ichakuti bakachisamula ichakwiyipa icha Mwene.

1 Samuweli 2:22

Pakabalilo kalakala u Eli akaghosipa nkani, po akivwanga zyosi zizyo abana bache bakababombelagha aba Izilayeli, sona nukuti abana bache bala bakaghonanagha na bakolo, babo bakabombagha imbombo pamulyango uwa Chisakasa icha Mwene.

1 Samuweli 2:23

Po akabalalusya abana bache bala akati, “Mwee bana bane, nkimba choni chicho mukubomba bunubu? Abantu bosi bakumbuzya ivintu vyosi ivibibi vivyo mukubomba.