1 Samuweli 2:2 - IBAYIBOLO 2024

² “Atalipo nayumo yuyo muzelu ngati we Mwene, sona ataliko nayumoyumo yuyo ayanite nawe. Litalipo nalimolimo ilyalabwe ilinji, lilyo liyanite nu Chala witu.

1 Samuweli 2:2 Iomraidhean Croise

2 Samuweli 22:3

U Chala wane we lyalabwe lyane, yuyo nkuponelamo. U Mwene we ngulu yane, ni mpembe yane, iya bupoki bwane. U Mwene we lilinga lyane, mumo nkuponelamo, sona we mupoki wane, yuyo akumpoka munyobe izya bantu ababibi.

2 Samuweli 22:32

Pakuti ataliko u Chala uyunji, loli u Mwene weka mpela. Litalipo ilyalabwe ilyakuvwamamo, loli u Chala weka mpela.

2 Samuweli 7:22

“Wee Mwene Uwamaka Ghosi, we mukulu nkani. Ukuyana namumo twivwila na makutu ghitu, atalipo nayumoyumo yuyo ayanite nawe, sona atalipo u Chala uyunji, loli awe we mwene mpela.

1 Abamwene 8:23

“Wee Mwene u Chala uwa ba Izilayeli, ataliko u Chala uyunji kumwanya pamo pachisu ichapasi yuyo ayanite nawe. Pakuti awe ukusunga ulufingo lulo ukafingana na babombi bako babo bakuzikonka indaghilo zyako na moyo ghabo ghosi.

Masalimo 111:9

Akabatabula abantu bache, sona akafingana nabo ulufingo Ulwa bwila na bwila, Itabwa lyache lizelu sona lyakoghofya.

Masalimo 18:2

U Mwene we lyalabwe lyane we lilinga lyane, sona we mupoki wane. U Chala wane we lyalabwe lyane, mumo nkuponelamo. We ngulu yane ni mpembe yane, iya bupoki bwane, sona we lilinga lyane.

Masalimo 18:31

Pakuti ataliko u Chala uyunji, loli u Mwene weka mpela. Litalipo ilyalabwe ilyakuvwamamo, loli u Chala weka mpela.

Masalimo 71:19

Wee Chala, ubugholosu bwako bwafika mupaka ko kumwanya, sona wabomba ivintu ivikulu nkani, Wee Chala, nkimba wewenu ayanite nawe?

Masalimo 71:3

Ubanje we lilinga lyane ilyakuvwamilamo, kuko ningabukako akabalilo kosi. Lamula ukuti umpoke pakuti we lyalabwe lyane ni linga lyane.

Masalimo 73:25

Nkimba indi nu wenu uko kumwanya, loli wewe wemwene? Patalipo nachimochimo pachisu ichapasi chicho nkulonda, loli awe wemwene.

Masalimo 86:8

Wee Mwene pakasi paba chala atalipo nayumoyumo yuyo ayanite nawe. Zitalipo nazimozimo imbombo zizyo ziyanite ni zyako.

Masalimo 89:6

Nkimba wewenu mumwanya angayana nu Mwene? Nkimba wantumi wenu uwakumwanya yuyo ayanite nu Mwene?

Masalimo 89:8

Wee Mwene u Chala Uwamaka Ghosi, nkimba wewenu yuyo ayanite nawe? Wee Mwene awe we wamaka, ubusubiliwa bwako bope bukuzyunguliye.

Masalimo 99:3

Abantu balipalaye itabwa lyako ikulu ni lyakuswighisya, pakuti itabwa lyako lizelu.

Masalimo 99:5

Mumukwezyanje u Mwene u Chala witu, sona mumwiputaye pantazi panyayo zyache, pakuti muzelu.

Masalimo 99:9

Mumukwezyanje u Mwene u Chala witu, sona mumwiputaye pighamba lyache izelu, pakuti u Mwene u Chala witu muzelu.

Ukufuma 15:11

“Wee Mwene, nkimba alipo u chala uyunji, yuyo ayanite nawe? Nkimba wewenu ayanite nawe, we muchindikiwa sona we muzelu? Nkimba wewenu angayana nawe, pakupela ivyika ni viswigho?

Yesaya 40:18

Nkimba u Chala tungamufwanikizya nu wenu? Nkimba chifwani choni chicho tungamufwanikizya nacho?

Yesaya 44:6

U Mwene Uwamaka Ghosi, u Chala Umutabuli uwa Izilayeli akuti, “Ane ne bwandilo sona ne bumalilo, atalipo u Chala uyunji loli ane nemwene.

Yesaya 44:8

Mutakatetemaye, mutanyilaye. Nkimba intakazifumusya zinizi nukuzinenela zila? Mwe bakaboni bane. Nkimba alipo u Chala uyunji ukwefyako ane? Awe, patalipo sona ibwe ilinji, intalimenyepo nalimolimo.”

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 6:3

Bakitizannyanga bakatinji, “Muzelu, muzelu, muzelu! U Mwene Uwamaka Ghosi muzelu! Ichisu chosi ichapasi chizuye nubuchindamu bwache.”

Yelemiya 10:6

Wee Mwene, atalipo nayumoyumo uwakuyana nawe, awe we mukulu nkani, sona itabwa lyako lyamaka nkani.

Aba Levi 11:44

Ane ne Mwene, u Chala winyu. Polelo mwiswefye mwebene pakuba bantu bazelu, pakuti ane ne Muzelu. Mutakinyazyanje mwebene ni vinyamana ivyakwavula.

Aba Levi 11:45

Ane ne Mwene, nene nkabefyamo mu Ijiputi, umwakuti imbanje ne Chala winyu. Mubanje mwe bantu bazelu, pakuti ane ne Muzelu.

Aba Levi 19:2

“Uchibuzye ichilundilo chosi icha ba Izilayeli uti, ‘Mubanje bazelu, pachifukwa ichakuti ane ne Mwene, u Chala winyu ne muzelu.

Aba Loma 15:4

Pakuti chosi chicho chikasimbiwa kale mu Masimbo, chikasimbiwa pakutumanyisya aswe, umwakuti tungaba nu lusubilo ukwendela mu bufisalyoyo nu lukazyo, lulo Amasimbo ghakutumanyisya.

Aba Loma 4:8

Musayiwa umuntu yuyo imbibi zyache, u Mwene atakwiza pakuzibelengela!”

Ukukumbusya Amalamulo 3:24

“Wee Mwene Uwamaka Ghosi, inzimenye ukuti wanditeko kale pakumulanjizya umubombi wako amaka ghako amakulu. Nkimba alipo u Chala uyunji manyi kumwanya pamo pachisu ichapasi, yuyo angabomba ivintu ivyamaka ni vyakuswighisya vivyo awe ukuvibomba?

Ukukumbusya Amalamulo 32:20

Akababuzya akati, “Ntakwiza pakubakana, sona nkwiza pakubwennya ubumalilo bwabo, pachifukwa icha moyo ghagho makafu, nu busita busubiliwa bwabo.

Ukukumbusya Amalamulo 32:39

Ilelo ennya, ane nemwene ne Chala, sona atalipo u chala uyunji. Nkumughogha umuntu nukumupa ubumi, Nkumuvulazya sona nkumupozya. Atalipo nayumoyumo umuntu uwakumupoka munyobe zyane.

Ukukumbusya Amalamulo 32:4

U Mwene we Lyalabwe, sona imbombo zyache zyakufikapo, izila zyache zyosi ngolosu. U Chala we musubiliwa, yuyo atakubombapo nayimoyimo imbibi, sona we Chala umugholosu nu wanaloli.

Ukukumbusya Amalamulo 4:35

U Mwene akabalanjizya zinizi umwakuti mumanye ukuti u Mwene we Chala, sona nukuti atalipo uyunji.

Ukukumbusya Amalamulo 4:39

Po ilelo mukumbukaye, sona mutakaluvyanje ukuti u Mwene we Chala uwakumwanya na pachisu ichapasi, sona atalipo uyunji.

1 Pitala 1:16

Pakuti Amasimbo ghakuti, “Mubanje bantu abazelu, pachifukwa ichakuti ane ne muzelu.”