1 Samuweli 2:12 - IBAYIBOLO 2024

¹² Abana aba Eli bakaba babibi nkani, babo batakamuchindikagha u Mwene.

1 Samuweli 2:12 Iomraidhean Croise

1 Abamwene 21:10

Mubikazye abantu abasita mbombo babili umwakwenannya nawe ukuti bamulonjelele ukuti bakamwivwa akumughuna u Chala poka nu mwene. Po mumusendele kuzi ukwa kaya akakulu nkani nukumughogha na mabwe.”

1 Abamwene 21:13

Abantu babili bala bakiza nukwikala umwakwenannya nawe. Bakanda pakumulongelela u Naboti pantazi pabantu ukuti, “U Naboti akamughuna u Chala poka nu mwene.” Po bakamusendela kuzi ukwa kaya akakulu nkani nukumughogha na mabwe.

Yelemiya 2:8

Abaputi batakalalusyapo ukuti, ‘Nkimba u Mwene ali kwiyi?’ Abamanyandaghilo batakamanya, abalongozi bakansambukila. Abalaghuzi bakalaghulila mwitabwa ilya chala u Baala, nukuvikonka ivifwani vivyo vite ni mbombo.”

Yelemiya 22:16

Akabalongela akiza inongwa abapina na bakusobelwa, vyosi vikamwendela akiza. Nkimba ichi chitakulanjizya ukuti ammenye? Ane ne Mwene nanena.

Yelemiya 9:3

U Mwene akuti, “Bakupeteka indimi zyabo ngati bwele pakulasa ubumyasi, ichisu chizuye nu bumyasi mubuzilo ubwakwizula nu bwanaloli. Batakutuzya pakubomba imbibi, sona nako kumumanya batamumenye.

Yelemiya 9:6

Bakubungannya ubumyasi pamwanya pabumyasi, ubuzimbuli pamwanya pabuzimbuli, mubuzimbuli bwabo bakukana pakummanya. Ane ne Mwene nanena.”

Ezekiyeli 22:26

A baputi bache bakuzinangannya indaghilo nukuvinyazya ivintu vyane ivizelu. Batakulesannya ivintu ivizelu nivintu bulo, bakubamanyisya abantu ukuti patalipo ukulekana nakumo pakasi pa chicho chinyazu na chicho chiswefiwe, po batakughachindika Amasiku ghane Aghakutuzya, umwakuti nane bulo ntakuchindikiwa pakasi papabo.

Yohani 16:3

Abantu bakwiza pakubabombela zinizi pakuti batamumenye Utata, sona nane bulo batamenye.

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

Yohani 8:55

Amwe mutamumenyepo nalumo, loli ane imumenye. Nanti natinji intamumenye, ngali ne mumyasi ngati mwemwe. Loli ane imumenye, sona nkwivwila amazyu ghache.

Aba Loma 1:21

Napapo bakamumanya u Chala, loli batakamuchindika, pamo ukumupalizya. Loli inyinong'ono zyabo zikaba zyamwalwe, sona amoyo ghabo ghakizula ni chisi.

2 Aba Kolinti 6:15

Nkimba u Kilisitu nu Satana bangayana bulibuli? Pamo umuntu umukilisitu nu muntu yuyo ate mukilisitu bali nacho choni chicho chiyanite bulo?

Ukukumbusya Amalamulo 13:13

ukuti abantu ababibi biza pakasi papinyu, sona babasovya abantu mutwaya twabo ukuti, “Mwebaya zagha tubiputaye abachala abanji,”

Ukukumbusya Amalamulo 13:14

po mubuzikizye akiza nkani ipangwi lilalila. Nanti zyanaloli sona chisimikiziwe ukuti ichintu ichinyazu chinichi chabombiwa naloli pakasi papinyu,

Abalongi 19:22

Bo bali pakwilagha ichakulya chila, abantu bamo ababibi abamwalwe aba mukaya akakulu nkani kala, bakayizyungulila inyumba yila. Bakanda pakulukoma ulwiyi nukumubuzya umuntu umughosi yula umwenecho uwa nyumba ukuti, “Mufumye kuzi umuntu yuyo izite munyumba yako ukuti tughonane nawe.”

Abalongi 2:10

Bo inkulilo yosi yilayila yafwa, inkulilo iyinji yikizapo, yiyo yitakamumanya u Mwene pamo ukuzimanya imbombo zizyo akababombela aba Izilayeli.

1 Samuweli 10:27

Loli abantu bamo abamwalwemwalwe bakati, “Nkimba umuntu yunuyu angatupoka bulibuli?” Bakamusamula u Sabuli, sona batakamupa ivyabupi navimovimo. Loli u Sabuli akaba bulo myee.

1 Samuweli 25:17

Nalondagha ukuti nkumanyisye bulo zinizi, sona bombapo zimo, pakuti chinichi chingamupelela intamyo u mwene witu poka na bamunyumba yache. U mwene witu uyu ali nu moyo umukafu nkani umwakuti akwighalila amakutu ghache nanti umuntu akumubuzya.”

1 Samuweli 3:13

Pakuti nkamubuzya u Eli ukuti nkwiza pakubalonga abamunyumba yache bwila na bwila pachifukwa icha mbibi yiyo akayimanya kale. Abana bache bakinyazya bene, loli u Eli atakabakanizya.

1 Samuweli 3:7

Pakabalilo kalakala u Samuweli akaba achili atamumenye u Mwene, sona nukuti u Mwene akaba achili atanenite nawe.