Biblia Todo Logo
Bìoball air-loidhne

- Sanasan -




1 Samuweli 2:10 - IBAYIBOLO 2024

10 Abantu babo bakususannya nu Mwene, bakwiza pakuzimila, sona akwiza pakubapayila ukufuma kumwanya. U Mwene akwiza pakubalonga mupaka kubumalilo ubwa chisu ichapasi. “Akwiza pakumupa amaka u mwene wache, nukughakwezya amaka agha lupembe ulwa mupakiwa wache.”

Faic an caibideil Dèan lethbhreac




1 Samuweli 2:10
50 Iomraidhean Croise  

U Mwene akajilimisya kumwanya, sona izyu ilya Uwakumwanya Nkani likivwika.


Umwana yunuyu akwiza pakunzengela inyumba, sona nkwiza pakubwikazya ubumwene bwache bwila na bwila.


“Losi ulu umubuzye umubombi wane u Devedi uti, ‘U Mwene Uwamaka Ghosi akuti: Nkakwefyako kuludimo kuko ukadimagha ing'ozi ukuti ubanje we mulaghili uwa bantu bane aba Izilayeli.


Nkimba inyobe yako yiyanite niya Chala sona izyu lyako likajilimisya ngati lyache?


“Palapala nkwiza pakubukwezezyapo ubumwene ubwa Devedi, sona namuyanizyizya inyale umupakiwa wane.


Abakwezya abantu bache, pakubapa amaka, abantu bache abasubiliwa ukuti bamupalaye, u Izilayeli yuyo wapamoyo wache. U Mwene apaliwanje.


Abamwene aba pachisu ichapasi basambukite, sona bope abalaghili babunganite poka pakumusambukila u Mwene poka nu Mupakiwa wache.


Akutinji, “Namwimika u mwene wane mu Ziyoni, lilyo lighamba lyane izelu.”


Ukwiza pakubakoma ni ndisa iya chela, sona ukwiza pakubafwantannya ngati yo sonta.”


Losi ulu nazimanya ukuti u Mwene akumupoka umupakiwa wache. Bo ali kubuzilo bwache ubuzelu kumwanya, akumwamulagha, sona akumupoka na maka amakulu agha nyobe yache indilo.


Abanji bazisubiye ingolo izya bwite, sona bamo bazisubiye ifalasi. Loli aswe tulisubiye itabwa ilya Mwene u Chala witu.


Wee Mwene, u mwene akusekela pachifukwa icha maka ghako, akuhoboka nkani pachifukwa icha ubupoti bubo ukumupanga.


U Mwene we maka agha bantu bache, sona we lilinga ilyakumupoka umupakiwa wache.


Ubughanite ubugholosu sona ububengite ububibi. Polelo u Chala wako akupakazya na mafuta agha buhobosu ukubachila abamanyani bako.


Pakuti awe we buchindamu bwabo sona we maka ghabo, po ichisa chako chipaliwanje.


Ubusubiliwa bwane nu lughano lwane vibanje nawe. Ukwendela Mwitabwa lyane amaka ghane ghakwiza pakukweziwa.


Nkwiza pakubika inyobe yane panyanja inkulu nkani, po inyobe yache indilo palusoko ulwa Yufuleti nu Tigilisi.


Vikwiza pakwimba pamaso pa Mwene, bo akwiza pakuchilonga ichisu ichapasi. Akwiza pakuchilongela ichisu ichapasi mubugholosu, sona akwiza pakuzilonga inko mubwanaloli.


Vileke vyimbaye pamaso pa Mwene, pakuti akwiza pakuchilonga ichisu. Akwiza pakuchilonga ichisu mubugholosu, sona akwiza pakuzilonga inko zyosi umwakuyana bulo.


Wee Mwene, inyobe yako indilo, yamaka nkani, yabatizannya abalwani.


Wee mulumendo, uhobokaye bo uchili we mulumendo. Bombagha zizyo umoyo wako ghukulonda sona vivyo amaso ghako ghakuvyennya. Loli ukumbukaye ukuti u Chala akwiza pakukulonga pa zyosi zizyo ukubomba.


Pakuti u Chala akwiza pakutulonga pambombo zyosi zizyo tukubomba sona ni zyakubusyefu bulo, manyi nyiza, manyi mbibi.


u Mwene Uwamaka Ghosi akwiza pakukwizila, nukupaya na kasenyenta sona ni chongo ichikulu nkani, nukankungu nu kabefu sona ni ndimi izya moto uwakulungulizya.


Ennya, u mwene akwiza pakulaghila mubugholosu, sona amakambala ghache ghakwiza pakulongela mubwanaloli.


Bakwiza pakunena nizya ane ukuti, “Mwa Mwene mpela, momumo muli ubugholosu namaka.” Loli bosi babo bambengite, bakwiza pakukoziwa isoni.


Pakabalilo kalakala nkwiza pakuyikwezya impembe paba Izilayeli, po nkwiza pakwighula umulomo wako ukuti unene pakasi papabo. Po bakwiza pakumanya ukuti ane ne Mwene.”


Po u Mwene akwiza pakubabuzya abantu aba kunyobe indilo ukuti, ‘Zagha kuno, mwe basayiwa nu Tata wane! Zagha mupokele ubumwene bubo buyaniziwe pakuba bwinyu ukwandila pakabalilo kako akapelelagha ichisu ichapasi.


U Yesu akapalamila nukubabuzya ukuti, “Napeghiwa ubulaghili bosi kumwanya na pasi pano.


Atupa Umupoki uwamaka, uwaluko uwa mubombi wache u Devedi.


Loli abalwani bane babo batakandondagha ukuti imbanje ne mwene wabo, mwize nabo kuno nukubaghogha pamaso papane.’ ”


Muzimenye izya Yesu uwamu Nazaleti, sona namumo u Chala akamupakazya nu Muzimu Umuzelu na maka. Akabuka kosi na kosi, akabomba inyiza nukupozya abantu bosi babo bakaba pasi pabulaghili ubwa Satana, pakuti u Chala akaba nawe.


“Naloli, u Helodi nu Pontiyo Pilati bakakomana poka mukaya akakulu nkani kanaka na bantu babo bate ba Yuda, naba Izilayeli pakumusambukila u Yesu, umubombi wako umuzelu, Umupoki yuyo ukamupakazya pakuba we Mwene.


Pakuti twebosi tubaghiye twime pamaso pa Mulongi u Kilisitu. Umuntu wesi akwiza pakupokela chicho chimubaghiye, ichiza pamo ichibibi, ukuyana namumo akabombezyanga umubili wache pachisu ichapasi pano.


“Wee Mwene, abalwani bako bosi bazimile bunubu. Loli abamanyani bako balamaye ngati mumo izuba likulamila, bo likufuma.” Po muchisu chila mukabamo umutende amaka 40.


Ilelo u mwene yuyo mukamusala we uyu. U mwene yuyo mukamulondagha, weyuyo u Mwene abapiye.


Nkimba aka te kabalilo akakwinulila ingano? Pope bulo nkwiza pakwiputa, sona u Mwene akwiza pakubajilimizizya nukubawisizya ivula. Po mukwiza pakuzyaghannya ukuti mukabomba imbibi inkulu nkani pamaso pa Mwene pakumulaba ukuti abape u mwene.”


U Samuweli akiputa kwa Mwene, po pisiku lilalila Mwene akabajilimizizya nukubawisizya ivula, umwakuti abantu bosi bakamunyila nkani u Mwene, poka nu Samuweli.


Ane indi pano, nanti imbombitepo ichintu chimo ichibibi munsusye pamaso pa Mwene, na pamaso pa mupakiwa wache. Nkimba wewenu yuyo imufyulitepo ing'ombe yache? Nkimba alipo umuntu yumo yuyo imufyulitepo impunda yache? Nkimba wewenu yuyo imuzimbuyepo? Nkimba wewenu yuyo imuyivizyepo? Nkimba alipo umuntu yumo yuyo ampiyepo amabeko? Nanti imbombitepo ichintu chimo pavintu vyosi vinivi, nkwiza pakubanyosekezya vyosi.”


U Samuweli akamubuzya akati, “U Mwene abuzepula ubumwene ubwa Izilayeli ukubwefyako kukwako ukwanda ilelo, po amupa umuntu yumo umwizapo ukukuchila awe.


U Mwene akamubuzya u Samuweli akati, “Nkimba ukwiza pakuba ni chitima nu Sabuli mupaka liyi, pakuti ane namukana ukuti atakabanje sona we mwene uwa ba Izilayeli? Losi ulu senda amafuta ubuke kunyumba iya Yese mu Betelehemu. Ane namusala yumo umwana wache umulumendo ukuti abanje we mwene.”


Bo u Samuweli akubika ichakwiyipa ichakocha chila, aba Filisiti bakiza pakulwa ubwite naba Izilayeli. Loli pisiku lilalila u Mwene akabajilimizizya aba Filisiti bala ngati vula, po bakavulungana nkani, umwakuti aba Izilayeli bakabapota.


Lean sinn:

Sanasan


Sanasan