1 Samuweli 2:1 - IBAYIBOLO 2024

¹ U Hana akiputa akati, “Umoyo wane ghuhobokite mwa Mwene ulupembe lwane lwaba na maka mwa Mwene. Umulomo wane ghukwituvya pa balwani bane, pakuti nhobokite pachifukwa ichakuti ukampoka!

1 Samuweli 2:1 Iomraidhean Croise

2 Imbili 20:27

Po u Yehoshafati akabalongozya abantu bosi aba mu Yuda naba mu Yelusalemu nukunyokela nu buhobosu ku Yelusalemu, pakuti u Mwene akabapelela ubuhobosu pachifukwa icha kubapota abalwani babo.

Nehemiya 11:17

U Mataniya nu Mika umwana uwa Zabidi, umwana uwa Asafu, yuyo akalongozyanga ichiputo ichakupalizikizya. U Bakibukiya akaba wabubili pakasi pa bamwabo nu Abida umwana uwa Shamuwa, umwana uwa Galali, umwana uwa Yedutuni.

Yobu 16:15

Nasonela amasaka kumubili wane nukughasyila amaka ghane mulufumbi.

Masalimo 118:14

U Mwene we maka ghane, sona we lwimbo lwane, U Mwene we mupoki wane.

Masalimo 13:5

Loli nkulusubila ulughano lwako lulo lutakumalapo nalumo, umoyo wane ghukusekela pachifukwa icha bupoki bwako.

Masalimo 148:14

Abakwezya abantu bache, pakubapa amaka, abantu bache abasubiliwa ukuti bamupalaye, u Izilayeli yuyo wapamoyo wache. U Mwene apaliwanje.

Masalimo 18:2

U Mwene we lyalabwe lyane we lilinga lyane, sona we mupoki wane. U Chala wane we lyalabwe lyane, mumo nkuponelamo. We ngulu yane ni mpembe yane, iya bupoki bwane, sona we lilinga lyane.

Masalimo 20:5

Tukwiza pakusekelagha pachifukwa icha bupoti bwako, sona tukwiza pakukwezya indembela zyitu mwitabwa ilya Chala witu. U Mwene akupanje ivintu vyosi vivyo walaba.

Masalimo 21:2

Wamupa vivyo umoyo wache ghukuvinyonywanga, sona utakamwimagha zizyo akulaba nu mulomo wache.

Masalimo 35:9

Po umoyo wane ghukwiza pakuhoboka mwa Mwene sona ghukwiza pakusekela pachifukwa icha bupoki bwache.

Masalimo 51:15

Wee Mwene ighula imilomo yane, po nkwiza pakukwimbila inyimbo izyakukupalizikizya.

Masalimo 71:8

Umulomo wane ghukukupala, sona nkufumusya nizya ubuchindamu bwako akabalilo kosi.

Masalimo 75:10

Nkwiza pakuzidumula impembe izya bantu bosi ababibi, loli nkwiza pakuzikwezya impembe izya bantu abagholosu.

Masalimo 89:17

Pakuti awe we buchindamu bwabo sona we maka ghabo, po ichisa chako chipaliwanje.

Masalimo 89:18

Naloli ingulu yitu ya Mwene, u mwene witu we Muzelu uwa ba Izilayeli.

Masalimo 89:24

Ubusubiliwa bwane nu lughano lwane vibanje nawe. Ukwendela Mwitabwa lyane amaka ghane ghakwiza pakukweziwa.

Masalimo 9:14

Po nkwiza pakukupala pamilyango iya Ziyoni, sona palapala nkwiza pakusekela pachifukwa icha bupoki bwako.

Masalimo 92:10

Loli waghakwezya amaka ghane ngati lupembe ulwa mpogho, wapungulila amafuta gha syunguti pamutu wane.

Ukufuma 15:1

Po u Mozesi naba Izilayeli bakamwimbila u Mwene ulwimbo ulwakuti, “Nkwiza pakumwimbila u Mwene, pakuti alanjizya ubupoti bwache ubukulu nkani akazisumbila ifalasi poka na bendezya ingolo munyanja.

Ukufuma 15:21

Po u Miliyamu akabimbila ulwimbo ulwakuti, “Mwimbile u Mwene pakuti alanjizya ukupota ukukulu nkani. Ifalasi na bakukwelapo abasumbila munyanja.”

Habakuku 3:1

Ulu lo lwiputo ulwa mulaghuzi u Habakuku.

Habakuku 3:18

Loli nkwiza pakusekela mwa Mwene, nkwiza pakuhoboka mwa Chala Umupoki wane.

Luka 1:69

Atupa Umupoki uwamaka, uwaluko uwa mubombi wache u Devedi.

Aba Loma 5:11

Loli ukuchilapo pazinizi, tukusekela pachifukwa icha zizyo u Chala abomba ukwendela mwa Mwene witu u Yesu Kilisitu, yuyo ilelo atusayannya aswe nu Chala.

Ukukumbusya Amalamulo 33:17

U Yosefu ali na maka ngati nkambaku, impembe zyache ziyanite bulo ni mpembe izya mpogho, Ni mpembe zinizi akwiza pakuzipula inko izinji, sona ninko zizyo zili kumpaka iya chisu ichapasi. Impembe zinizi bo bantu 1,000 aba Efulayimu, sona bo bantu amasabuzani agha luko ulwa Manase.”

Aba Filipi 3:3

Pakuti aswe twe basilimuliwa abanaloli, twe tukumuchindika u Chala umwakulongoziwa nu Muzimu Umuzelu, sona tukuhoboka mubumi bwitu ubwakumamatilana poka nu Kilisitu u Yesu. Aswe tutakusubila inyiho izya mubili,

Aba Filipi 4:4

Muhobokaye mwa Mwene utubalilo tosi. Nkupyanizya sona ukuti, “Muhobokaye!”

Aba Filipi 4:6

Mutakapasyanje nizya chintu chimo, loli munyiputo zyinyu zyosi, mumulabe u Chala ivyakusobelwa vyinyu nu moyo uwakupalizya.

1 Pitala 1:8

Napapo amwe mutamwenizye na maso, pope bulo mumughanite, sona mukumusubila napapo ilelo mutakumwennya. Amwe mwizuye nu buhobosu bubo butanganeniwa pamulomo,

Ubuvumbuli 18:20

Hobokagha we chisu icha kumwanya, hobokagha mwe bantu abazelu aba Chala, na batumiwa, sona na balaghuzi! Pakuti u Chala amususya ukuyana bulo namumo akabombelagha!”

1 Samuweli 1:6

Pachifukwa ichakuti u Mwene akamupela pakuba mughumba, u Penina akamuyebagha nukumusamula ukuti amukalalizye.

1 Samuweli 1:7

Zinizi zikaba bunubu umwaka nu mwaka. Pakabalilo kosi bo u Hana abuka ku Nyumba iya Mwene u Penina akamukalalizya, umwakuti u Hana akalindilagha bulo pakulila, sona atakalondagha na pakulya.