1 Samuweli 19:17 - IBAYIBOLO 2024

¹⁷ U Sabuli akamulalusya u Mikali akati, “Nkimba choni chicho ukanzimbula pakumwitikizya umulwani wane ukuti achimbile?” U Mikali akamwamula akati, “U Devedi akambuzya akati, ‘Nanti utakunyitikizya ukuti inchimbile, nkwiza pakukughogha.’ ”

1 Samuweli 19:17 Iomraidhean Croise

2 Samuweli 17:20

Bo abantu aba Abisalomu biza kunyumba kula nukulalusya ukuti, “Nkimba u Ahimazi nu Yonatani bali ko kwiyi?” Umukolo yula akabamula akati, “Baloboka ulusoko.” Abantu bala bakabalondelezya loli batakabagha, po bakanyokela ku Yelusalemu.

2 Samuweli 2:22

U Abinala akamusoka sona u Asaheli akati, “Leka pakunchimbizya. Ntakulonda pakukughogha. Nkimba tukwiza pakwenannya bulibuli nu wamwinyu u Yowabu?”

1 Abamwene 21:20

Bo Ahabu amwennya u Eliya akamubuzya akati, “Wee mulwani wane, fwandi wanyagha?” U Eliya akamula akati, “Eee, nakwagha pachifukwa ichakuti wabomba ichintu ichibibi nkani pamaso pa Mwene.”

Matayi 2:16

Bo u Helodi azyaghannya ukuti abayeni abakubufumilo bwizuba bala bamuzimbula, akakalala nkani. Akalamula ukuti utwana tosi utulumendo mu Betelehemu na mutwaya utupalamani tosi, tuto tukaba na maka mabili nukwika pasi tughoghiwe. U Helodi akabomba zinizi ukuyana namumo akamanyilila ku bayeni abakubufumilo bwizuba nizya kabalilo kako ulutondwa lula lukaboneka.

Aba Galatiya 4:16

Fwandi ilelo naba mulwani winyu pachifukwa ichakuti nababuzya ubwanaloli?

1 Samuweli 19:14

Bo abantu aba Sabuli bafika ukuti bamuleme u Devedi, u Mikali akababuzya akati, “U Devedi abinite.”

1 Samuweli 19:16

Loli bo abantu bala binjila, bakachennya ichifwani pachitala pala, sona kumutu kukaba ichinulilo icha meya agha mbuzi.

1 Samuweli 22:17

Po u mwene akabalamula abalindilili bache babo bakimilila papipi nawe akati, “Baghoghe abaputi aba Mwene aba pachifukwa ichakuti bope bali kulubazu ulwa Devedi. Bakazimanya ukuti u Devedi akachimbila, loli batakambuzya.” Loli amakambala agha mwene batakalondagha pakubaghogha abaputi aba Mwene bala.

1 Samuweli 28:12

Bo umukolo yula amwennya u Samuweli, akakolomoka nkani akati, “Nkimba choni chicho wanzimbula bunubu? Awe we mwene u Sabuli!”