1 Samuweli 18:8 - IBAYIBOLO 2024

⁸ Ichi chitakamuhobosya u Sabuli, sona chikamukalalizya nkani. Po akati, “Bakumupala u Devedi ukuti abaghogha abantu ama 10,000, loli nizya ane bakuti naghogha abantu amasabuzani bulo. Nkimba po choni chicho chasyalapo, te pakunfyula ubumwene bwane?”

1 Samuweli 18:8 Iomraidhean Croise

Ubwandilo 37:11

Abawamwabo bakanda pakumubikila akabini akakulu nkani. Loli uwise akendelela pakwinong'ona.

Ubwandilo 37:8

Po abawamwabo bala bakamulalusya bakati, “Nkimba ukwinong'ona ukuti ukwiza pakuba we mwene witu? Pamo naloli ukwiza pakutulaghila aswe?” Bunubu bakamubenga nkani ukuchila napo pabwandilo pachifukwa icha chilota chache chila poka na mazyu ghagho akababuzya.

1 Abamwene 2:22

U mwene u Solomoni akamulalusya unyina akati, “Nkimba choni chicho ukundaba ukuti imwitikizye u Abishagi umu Shunami pakuba muchi uwa Adoniya? Po umulabile nu bumwene bwane bulo pakuti u Adoniya mukulu wane, sona wepe umuputi u Abiyatala nu Yowabu bali kulubazu lwache.”

Esitele 3:5

U Hamani akakalala nkani, bo ennya ukuti u Molodikayi atakumufughamilila pamo ukumuchindika.

Ivyili 13:10

Amituvyo ghakupelagha bulo ivyongo, loli babo bakwivwilagha zizyo abanji bakubabuzya bali na mahala.

Ivyili 27:4

Ubukali bukupela umoyo pakuba mupalapala, loli akabini ko kako kachilitepo.

Umulumbilili 4:4

Po nkazyaghannya ukuti imbombo zyosi inkafu sona ni mbombo izya bwafundi zikubombiwanga pachifukwa icha kabini kako umupalamani ali nako pa wamwabo. Vyope vinivi vite ni mbombo, sona ko kuyimba bulo.

Ukubelengiwa 11:1

Isiku limo abantu bakanda pakwilumbusya kwa Mwene nizya ntamyo zyabo. Bo u Mwene abivwa, akakalala nukubawisizya umoto abantu bala, po ghukanangannya ulubazu loka ulwa visakasa vyabo.

Ukubelengiwa 22:34

U Balamu akamula akati, “Nananga. Ntakazyaghannya ukuti ukunzighila izila. Po nanti utakulonda ukuti imbukaye, nkwiza pakubwela.”

Yakobo 4:5

Mutakinong'onaye ukuti butalimo ubwanaloli mu Masimbo ghagho ghakuti, “U Muzimu Umuzelu yuyo u Chala akabika mumwitu akutunyonywa aswe nu buzuba.”

1 Samuweli 13:14

Loli ilelo ubumwene bwako butakwiza pakwikalana. U Mwene ilondela mwene umuntu uwa pamoyo wache, nukumusala ukuti abanje mulaghili uwa bantu bache, pachifukwa ichakuti utaghakonkite amalamulo agha Mwene.”

1 Samuweli 15:28

U Samuweli akamubuzya akati, “U Mwene abuzepula ubumwene ubwa Izilayeli ukubwefyako kukwako ukwanda ilelo, po amupa umuntu yumo umwizapo ukukuchila awe.

1 Samuweli 16:13

U Samuweli akasenda amafuta nukumupakazya u Devedi pamaso pa bawamwabo bala. Po ukwandila pisiku lilalila umuzimu uwa Mwene akamwinjila u Devedi na maka. Pisinda pache u Samuweli akabwela ku Lama.

1 Samuweli 18:9

Po ukwandila pakabalilo kalakala u Sabuli akamwennyanga u Devedi ni lyiso ichesamu.

1 Samuweli 19:1

U Sabuli akamulamula umwana wache u Yonatani, poka na makambala ghache ghosi ukuti bamughoghe u Devedi. Loli u Yonatani akamughana nkani u Devedi.

1 Samuweli 20:31

Nkimba utakuzyaghannya ukuti nanti umwana uwa Yese achili mumi, utakwiza pakuba nalumo we mwene uwa chisu ichi? Losi ulu tuma abantu ukuti bamusende bize nawe kuno ukuti afwanje.”