1 Samuweli 18:4 - IBAYIBOLO 2024

⁴ U Yonatani akavula inkazo yiyo akavwalagha nukumupa u Devedi, poka ni vyakuvwala ivya bwite nupanga nubwele sona nulamba wache.

1 Samuweli 18:4 Iomraidhean Croise

Ubwandilo 41:42

U Falabo akavula impete yache iya bumwene mukafingwi kache nukumuvwika u Yosefu mukafingwi kache. Akamuvwika sona inkazo intonte, po akamuvwika sona akamunyololo aka golide musingo.

2 Samuweli 1:22

Ubwele ubwa Yonatani butakanyokako bulo, ukusita ukukupula ibanda ilya bantu abakughoghiwa, pamo ukwefya amafuta agha bantu abamaka. Upanga uwa Sabuli atakanyokako bulo.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Ezekiyeli 23:15

bakapinya abalamba mumisana yabo bo bavwalite ivisote kumitu yabo, po bosi bakaboneka ngati bo basongo aba basilikali sona ngati boba Babiloni.

Luka 15:22

Loli uwise akabitizya abambombo nukubabuzya ukuti, ‘Lubilolubilo, kasende inkazo inyiza nkani nukumuvwika. Mumuvwike impete mu kafingwi, sona mumuvwike inkwato kunyayo zyache.

2 Aba Kolinti 5:21

U Yesu atakanangapo nachimo, loli u Chala akamupela ngati po wambibi pachifukwa icha sweswe ukuti ukwendela mumwache tunganeniwa pakuba bantu abagholosu pamaso pa Chala.

1 Samuweli 17:38

U Sabuli akamuvwalika u Devedi ivyakuvwala vyache ivya bwite, sona ni chisote icha mukuba.

1 Samuweli 18:5

Kosi kuko u Sabuli akamutumagha pakulwa ubwite, u Devedi akabapotagha abalwani bache. Po u Sabuli akamubika pakuba we songo uwa basilikali bache bosi. Ichi Chikabahobosya nkani abantu bosi, poka na makambala agha Sabuli.