1 Samuweli 18:30 - IBAYIBOLO 2024

³⁰ Abasilikali aba ba Filisiti bakabukagha pakulwa ubwite, loli akabalilo kosi u Devedi akapotagha ukughachila amakambala aghanji ghosi agha Sabuli. Po itabwa ilya Devedi likamanyikwa nkani.

1 Samuweli 18:30 Iomraidhean Croise

2 Samuweli 11:1

Pakabalilo kako amakwi ghakalembagha amani, sona bo abamwene bakubuka pakulwa ubwite, u Devedi akamutuma u Yowabu, na basongo aba basilikali, poka naba Izilayeli bosi. Bakabapota aba Amoni nukukazyungulila akaya akakulu nkani aka Laba. Loli u Devedi akasyalikila mu Yelusalemu.

2 Samuweli 7:9

Ane nabanga nawe kosi kuko wabukagha, sona nabachimbizya abalwani bako pamaso papako. Losi ulu nkwiza pakulipela itabwa lyako pakuba likulu nkani ngati amatabwa agha bantu abamanyikwe aba muchisu ichapasi.

2 Abamwene 1:13

U mwene yula akamutuma sona ukapitawa uwabutatu poka na basilikali bache 50. Ukapitawa uwabutatu yula akakwela pighamba nukufughama pamaso pa Eliya, po akamulambilizya akati, “Wee muntu uwa Chala, nalamba poka ubumi bwane nubwa basilikali bane 50 aba.

Masalimo 116:15

Ubufwe ubwa bantu abazelu aba Mwene, bwakubaba nkani pantazi papache.

Masalimo 119:99

Nkwivwisya nkani ukumuchila umumanyisi wane, pakuti nkwinong'ona nizya malamulo ghako.

Ivyili 12:8

Umuntu akupaliwanga ukuyana na mahala ghache, loli umuntu uwa nyinong'ono inyonganu akusamuliwanga.

Daniyeli 1:20

Akabalilo kosi kako u mwene akalalusyanga nizya vintu vivyo vikalondagha amahala pamo akivwisizye, abalumendo banaba bakaba na mahala aka teni ukubachila abamayele na balaghuzi aba mubumwene bwache bosi.

Luka 21:15

pakuti nkwiza pakubapa amazyu na mahala aghakuti nayumo uwa balwani binyu akwiza pakukana pamo ukususya zizyo mukunena.

Aba Efeso 5:15

Po muchebaye namumo mukwendela, mutakabanje ngati mwe bantu abasita mahala, loli mubanje mwe bantu abamahala.

1 Pitala 2:4

Zagha kwa Mwene, yuyo libwe ilyumi, lilyo likakaniwa na bantu, loli likasaliwa nu Chala pakuba libwe ilyamutengo.

1 Pitala 2:7

Amwe mwe mukusubila, ibwe ili lyamutengo nkani, loli abantu babo batakusubila, “Ibwe lilyo abazengi bakalikana ukuti lite ni mbombo, ilelo lyaba lyakulondiwa nkani ukuchila amabwe ghosi.”

1 Samuweli 18:29

u Sabuli akendelela pakumunyila nkani u Devedi, umwakuti u Devedi akaba mulwani wache mubumi bwache bosi.

1 Samuweli 18:5

Kosi kuko u Sabuli akamutumagha pakulwa ubwite, u Devedi akabapotagha abalwani bache. Po u Sabuli akamubika pakuba we songo uwa basilikali bache bosi. Ichi Chikabahobosya nkani abantu bosi, poka na makambala agha Sabuli.

1 Samuweli 19:8

Pakabalilo kamo pakabapo sona ubwite. Po u Devedi akalwa ubwite naba Filisiti nukubaghogha aba Filisiti abinji nkani, umwakuti bakachimbila.

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.

1 Samuweli 26:21

Po u Sabuli akati, “Wee Devedi mwana wane, nananga nyokela! Ntakwiza pakukubombela sona nachimochimo ichintu ichibibi pakuti ubumi bwane wabupima pakuba bwapamwanya nkani. Naloli ane nkabomba ivyabupunganu, sona nkapuvya nkani.”

1 Samuweli 26:24

Ilelo ubumi bwako nabupima pakuba bwapamwanya nkani, umwakuyana bulo u Mwene abupime ubumi bwane pakuba bwapamwanya nkani, sona ampoke kuntamyo zyane zyosi.”