1 Samuweli 18:21 - IBAYIBOLO 2024

²¹ U Sabuli akati, “Nkwiza pakumupa u Mikali ukuti abanje chipingo, umwakuti aba Filisiti bamughoghe.” Po u Sabuli akamubuzya u Devedi akabubili akati, “Losi ulu ukwiza pakuba we mukwalima wane.”

1 Samuweli 18:21 Iomraidhean Croise

Masalimo 38:12

Abantu babo bakubulondelezya ubumi bwane bakuntegha, abantu babo bakulonda pakumvulazya bakunena nizya ukunangannya, akabalilo kosi bakubatika nizya kumbombela ububibi.

Ukufuma 10:7

Amakambala agha Falabo ghakamulalusya ghakati, “Nkimba umuntu yunuyu akwiza pakuleka liyi pakututamya? Ubitikizye abantu banaba babukaye umwakuti bangamuchindika u Mwene u Chala wabo. Nkimba utakuchennya ukuti losi ulu ichisu icha Ijiputi chananganika nkani?”

Ivyili 29:5

Umuntu yuyo akumuchevya umupalamani wache, akwitegha mwene muchipingo.

Yelemiya 5:26

“Mukasi mubantu bane mulimo abantu ababibi babo bakuvwamilila ngati bantu babo bakutegha iviyuni sona ngati bantu babo bakutegha ivipingo nukubalema abantu.

Yelemiya 9:8

Ululimi lwabo luli ngati kalasilo akakughogha, lukunena izyabumyasi. Numulomo wache akunena nulughano ku mupalamani wache, loli mumoyo wache, akumutegha nakapingo.

1 Samuweli 18:17

Po u Sabuli akamubuzya u Devedi akati, “Nakupa u Melabu, umwana wane usongo uyu ukuti abanje muchi wako. Loli umbombelaye nu bujivu pakulwa ubwite ubwa Mwene.” Pakuti u Sabuli akinong'onagha akati, “Ntakwiza pakumughogha ni nyobe iyane ni yane, loli baleke aba Filisiti bamughoghe.”

1 Samuweli 18:22

U Sabuli akaghalamula amakambala ghache akati, “Mumuteketele u Devedi muti, ‘Umwene u Sabuli ahobokite nkani nawe, sona ghope amakambala ghache ghakughanite nkani. Polelo ubanje we mukwalima wache.’ ”

1 Samuweli 18:26

Bo amakambala ghala ghamubuzya u Devedi zizyo u Sabuli akanena, u Devedi akahoboka nkani pakuba mukwalima uwa mwene. Bo akabalilo akakuti amusende umuchi katakwanite,