1 Samuweli 18:17 - IBAYIBOLO 2024

¹⁷ Po u Sabuli akamubuzya u Devedi akati, “Nakupa u Melabu, umwana wane usongo uyu ukuti abanje muchi wako. Loli umbombelaye nu bujivu pakulwa ubwite ubwa Mwene.” Pakuti u Sabuli akinong'onagha akati, “Ntakwiza pakumughogha ni nyobe iyane ni yane, loli baleke aba Filisiti bamughoghe.”

1 Samuweli 18:17 Iomraidhean Croise

2 Samuweli 11:15

Mwakalata yula akasimbamo ukuti, “Umubike u Uliya mumuzele uwa kuntazi, kuko kuli ubwite ubwakoghofya nkani. Po umuleke mwene ukuti aghoghiwe.”

2 Samuweli 12:9

Nkimba choni chicho waghasamula amazyu agha Mwene pakubomba ichintu ichibibi pamaso papache? Wamughogha nupanga u Uliya umu Hiti yula, nukumusenda umuchi wache pakuba muchi wako. Ukamughogha pakubombezya upanga uwa ba Amoni.

2 Samuweli 6:16

Bo Ibokosi ilya Lufingo ilya Mwene likwinjila mukaya akakulu aka Devedi, u Mikali umwana umulindu uwa Sabuli akananamizya pibwindo. Bo amwennya u mwene u Devedi akunyelanyela nukwimba pamaso pa Mwene, akanda pakumusamula mumoyo wache.

Masalimo 12:2

Umuntu wesi akutamanta ku mupalamani wache, sona akumuzimbula na mazyu amanonu.

Masalimo 55:21

Amazyu ghache matonte nkani ngati mafuta agha lukama, loli mumoyo wache muli ubwite. Amazyu ghache matonte nkani ukuchila amafuta loli ghayanite bulo na bapanga.

Ivyili 26:24

Umuntu uwa lubengo akufumya amazyu amiza pamulomo wache, bo mukasi mumoyo wache mwizuye ulubengo.

Ivyili 26:25

Napapo amazyu ghache ghangaba miza, utakamusubilaye, pakuti mumoyo wache mwizuye ivintu ivinyazu.

Ivyili 26:26

Napapo angafisa ulubengo umwabuchevu. Loli ububibi bwache bukubonekela pabuzelu pakasi pabantu.

Ukubelengiwa 21:14

Ichi cho chifukwa visimbiwe Mwibuku ilya bwite ilya Mwene ukuti, “Akaya akakulu nkani aka Wahebi kali muchigaba icha Sufa, sona na mumakombe agha Alinoni,

Ukubelengiwa 32:20

Po u Mozesi akababuzya akati, “Nanti mukubomba bunubu, kokuti mukwiza pakuvwala ivilwilo ivyakulwila ubwite pamaso pa Mwene.

Ukubelengiwa 32:27

Loli twe babombi binyu tukwiza pakuloboka, umuntu wesi asende ivilwilo ivya bwite ukumulwila ubwite u Mwene ukuyana bulo namumo u Mwene wane alamulila.”

Ukubelengiwa 32:29

akati, “Nanti aba Gadi naba Lubeni, umuntu wesi yuyo angalwa ubwite pamaso pa Mwene aloboke poka namwe ulusoko ulwa Yolodani, sona nanti ichisu chila chapotiwa. Po mubape aba Gadi naba Lubeni ichisu icha Giliyadi pakuba mpyana yabo.

Ukukumbusya Amalamulo 17:7

Abakaboni bala bo babo bande pakumusumba na mabwe, po bope abantu bosi bamusumbe na mabwe. Bunubu mukwiza pakwefya ububibi pakasi papinyu.

1 Samuweli 14:49

Abana aba Sabuli bakaba bo aba: U Yonatani nu Ishivi nu Malikishuwa. Umwana wache umulindu usongo akaba we Melabu, sona umunandi akaba we Mikali.

1 Samuweli 17:25

Aba Izilayeli bala bakati, “Nkimba mukwennya namumo umuntu uyu alindiye bulo pakubabechela aba Izilayeli? Umuntu wesi yuyo angamughogha, u mwene akwiza pakumupa ichuma ichinji nkani. Akwiza pakumupa umwana wache umulindu ukuti abanje muchi wache, sona abamunyumba iya wise batakwiza pakusonkagha nalumo umusonko.”

1 Samuweli 17:36

Ane ne wambombo wako naghoghapo inkalamu na balabwe, po umu Filisiti umusita kusilimuliwa uyu nkwiza pakumughogha ngati mumo nkavighoghelagha ivinyamana vila, pachifukwa ichakuti akubasamula abasilikali aba Chala umumi.

1 Samuweli 17:47

Abantu bosi babo babungana pano bakwiza pakuzimanya ukuti u Mwene atakumupoka umuntu pakubombezya upanga pamo impalala. Pakuti u Mwene weyuyo akulwa ubwite, sona akwiza pakubabika mwebosi munyobe zyitu.”

1 Samuweli 18:21

U Sabuli akati, “Nkwiza pakumupa u Mikali ukuti abanje chipingo, umwakuti aba Filisiti bamughoghe.” Po u Sabuli akamubuzya u Devedi akabubili akati, “Losi ulu ukwiza pakuba we mukwalima wane.”

1 Samuweli 18:25

u Sabuli akamula akati, “Mumubuzye u Devedi muti, ‘Umwene atakulonda ubwimazu nabumobumo, loli twene utukwela utwakuntazi kunkule izya banavuli 100 aba ba Filisiti, ukuti imbatanizizye abalwani bane.’ ” U Sabuli akabatika ukuti aba Filisiti bamughoghe u Devedi.

1 Samuweli 18:27

u Devedi akabuka poka na bantu bache nukubaghogha aba Filisiti 200. Po akiza nato utukwela tula nukumupa u mwene umwakuti angaba mukwalima wache. U Sabuli akamupa umwana wache u Mikali ukuti abanje muchi wache.

1 Samuweli 25:28

Nalamba unhobokele ne wambombo wako. U Mwene akwiza pakubukazya nkani ubumwene bwako bwila na bwila, pachifukwa ichakuti ukumulwila ubwite u Mwene. Po utakwiza pakubombapo nachimochimo ichintu ichibibi mubumi bwako bosi.

1 Samuweli 30:26

Bo u Devedi afika mu Zikilagi, akabatumila abasongo aba ba Yuda, babo bakaba bamanyani bache ivintu vimo vivyo akavifyula nukuti, “Nabatumila ichabupi icha vintu vivyo tukabafyula abalwani aba Mwene.”