1 Samuweli 18:14 - IBAYIBOLO 2024

¹⁴ U Devedi akapotagha nkani muvyosi, pachifukwa ichakuti u Mwene akaba nawe.

1 Samuweli 18:14 Iomraidhean Croise

Ubwandilo 39:23

Umulindilili uwa jele yula akazisula imbombo zyosi zizyo u Yosefu akabaghila pakubomba, pachifukwa ichakuti u Mwene akaba nawe, sona ivintu vyache vyosi vikamwendelagha akiza.

2 Samuweli 5:10

Po u Devedi akabanga na maka nkani, pachifukwa ichakuti u Mwene u Chala Uwamaka Ghosi akaba nawe.

2 Abamwene 18:7

U Mwene akaba nawe, po ivintu vyosi vivyo akabombagha vikamwendelagha akiza. U Hezekiya akamusambukila u mwene wamu Asiliya, umwakuti akakana pakumubombela.

1 Imbili 18:13

U Devedi akazenga ubuzilo ubwa bwite mu Edomu, umwakuti aba Edomu bosi bakaba pasi pabulaghili ubwa Devedi. Po u Mwene akamupa u Devedi ubupoti kosi kuko akabukagha.

1 Imbili 18:6

U Devedi akazenga ubuzilo ubwa bwite muchigaba icha Siliya mu Damasika, po aba Siliya bakaba pasi pabulaghili bwache nukusonka umusonko kukwache. U Mwene akamupa u Devedi ubupoti kosi kuko akabukagha.

2 Imbili 17:3

U Mwene akaba nu Yehoshafati pachifukwa ichakuti mumaka aghabwandilo akabombagha zizyo uwise u Devedi akabombagha. Atakamubuzikizya u Baala,

Masalimo 101:2

Nkwiza pakwenda muzila zizyo zite ni chilema nachimochimo, nkimba ukwiza liyi kukwane? Nkwiza pakuba nu moyo uwakufikapo munyumba yane.

Matayi 1:23

“Umulindu yuyo atamumenye nalumo umwanavuli akwiza pakumela ulwanda nukupapa umwana umulumendo nukumwita ukuti we Imaniweli.” (Itabwa ili likung'anamula ukuti u Chala ali naswe).

Matayi 28:20

Mubamanyisyanje ukwivwila vyosi vivyo nabalamula, sona nkwiza pakuba namwe akabalilo kosi mupaka kubumalilo ubwa chisu ichapasi.”

Imbombo 18:10

pakuti ane indi nawe. Nayumo umuntu yuyo akwiza pakukupalamasya pakuti abinji babo bali mukaya akakulu nkani aka bantu bane.”

Yoshwa 6:27

Po u Mwene akaba nu Yoshwa, sona u Yoshwa akendelela pakumanyikwa muchisu chosi chila.

Abalongi 1:19

U Mwene akabavwa abaluko ulwa Yuda, umwakuti bakachifyula ichisu chosi icha mumaghamba, loli bakapotwa pakubachimbizyamo abantu babo bakikalagha mwikombe, pachifukwa ichakuti bakaba ni ngolo izya chela.

1 Samuweli 10:7

Nanti ivimanyilo vinivi vyakwanilisiwa, bomba bulo chosi chicho ubaghiye pakubomba, pakuti u Chala ali nawe.

1 Samuweli 16:18

Uwambombo wache yumo akati, “Umwana uwa Yese uwamu Betelehemu weyuyo amenye pakulizya ipango, sona muntu mujivu nkani pakulwa ubwite. Achebite nkani pamulomo, sona ali na kabonekele akiza nkani. U Mwene ali nawe.”

1 Samuweli 18:15

Bo u Sabuli ennya ukuti u Devedi akupota muvyosi, akanda pakumunyila nkani.

1 Samuweli 19:8

Pakabalilo kamo pakabapo sona ubwite. Po u Devedi akalwa ubwite naba Filisiti nukubaghogha aba Filisiti abinji nkani, umwakuti bakachimbila.

1 Samuweli 3:19

U Samuweli akakulagha, sona u Mwene akaba nawe, umwakuti zyosi zizyo u Samuweli akanenagha zikakwanilisiwanga.