1 Samuweli 18:10 - IBAYIBOLO 2024

¹⁰ Indabi yache umuzimu umubibi uwakufuma kwa Chala ghukamwinjila u Sabuli. Po akanda pakulolota munyumba yache, bo u Devedi akulizya ipango ngati mumo akabombelagha bwila. U Sabuli akaba ni mpalala munyobe yache,

1 Samuweli 18:10 Iomraidhean Croise

1 Abamwene 18:29

Bo umusanya wachila bakakolomoka mupaka pakabalilo akakubikila ivyakwiyipa ivya kuchamabwila, pope bulo kukaba bulo myee, atakabapo nayumoyumo uwakubamula pamo uwakubateghelezya.

1 Abamwene 22:12

Abalaghuzi abanji bosi bakalaghulagha umwakuyana bulo bakati, “Bukagha ku Lamoti Giliyadi pakulwa ubwite, sona ukwiza pakupota, pakuti u Mwene akwiza pakukabika munyobe zyako.”

Yelemiya 28:11

U Hananiya akanena pamaso pabantu bosi akati, “Umu momumo u Mwene akunenela, ‘Ngati mumo nabombela, momumo nkwiza pakubombela pakulipyolannya ikoli musingo iya Nebukadineza u mwene uwamu Babiloni. Nkwiza pakumwefyamo musingo izya bantu aba inko zyosi bo na maka mabili ghatamalite.’ ” Bo anena zinizi, umulaghuzi u Yelemiya akepapo.

Imbombo 16:16

Isiku limo bo tukubuka kubuzilo ubwakwiputilako, tukakomana nu mulindu umuzya yuyo akaba nu muzimu umubibi ghugho ghukamupelagha ukuti anene ivya muntazi. Akamukabilagha umwene wache indalama inyinji nkani nu bulaghuzi bwache.

2 Aba Tesalonika 2:11

Pachifukwa chinichi, u Chala akubatumila amaka agha buvulunganu pakubomba mumwabo umwakuti basubile chicho chabumyasi.

Abalongi 16:20

Akakolomoka akati, “Wee, Samusoni aba Filisiti bafika!” U Samusoni akalamusya nukwinong'ona ukuti, “Nkwiza pakunyamuka ukuyana namumo nkubombela bwila nukwisatula.” Loli atakamanyagha ukuti u Mwene akepamo mumwache.

1 Samuweli 16:23

Pakabalilo kosi nanti umuzimu umubibi uwakutumiwa nu Chala winjila mwa Sabuli, u Devedi akasendagha ichinanda chache nukwanda pakulizya. Umuzimu umubibi ghukepamo, po u Sabuli akaba sona akiza.

1 Samuweli 18:9

Po ukwandila pakabalilo kalakala u Sabuli akamwennyanga u Devedi ni lyiso ichesamu.

1 Samuweli 19:10

Po u Sabuli akayezya pakumukomela kulubumba ni mpalala yila, loli u Devedi akayileghuka, sona impalala yikalasa ulubumba. Ubusiku bulabula u Devedi akachimbila nukupona.

1 Samuweli 19:7

Po u Yonatani akamwitizya u Devedi nukumubuzya zyosi zizyo akanenezannya nu wise. U Yonatani akiza nu Devedi pamaso pa Sabuli, po u Devedi akamubombela imbombo ngati po pakwanda pala.

1 Samuweli 19:9

Umuzimu umubibi uwakufuma kwa Mwene ghukamwinjila u Sabuli, bo ikaye munyumba yache, sona akaba ni mpalala munyobe yache. U Devedi akaba mulamula, sona akalizya ipango lyache.

1 Samuweli 26:19

Wee mwene wane teghelezya amazyu agha mubombi wako. Nanti we Mwene yuyo akulonda ukuti unsambukile, po apokele ichakwiyipa ichakupepesezya imbibi. Loli nanti bantu bachibomba bunubu, u Mwene abaghune. Ilelo banyefyamo mumpyana iya Mwene sona bakuti, ‘Bukagha pakubabombela abachala abanji.’