1 Samuweli 18:1 - IBAYIBOLO 2024

¹ Bo u Devedi amala pakunenezannya nu Sabuli, u Yonatani nu Devedi bakaba pabumanyani ubwenecho, umwakuti u Yonatani akamughana nkani u Devedi ngati mumo akiyighanila mwene.

1 Samuweli 18:1 Iomraidhean Croise

Ubwandilo 44:30

“Intanganyokela sona kwa tata wane bo inte nu mulumendo, ubumi bwache bosi buli pa mulumendo yunuyu,

2 Samuweli 1:26

Nkukulila awe we wamwitu Yonatani, pakuti ukaba we wapamoyo wane. Ulughano lwako papane lukaba lwakufikapo, sona lwakuswighisya ukuluchila ulughano ulwa bakolo.

1 Imbili 12:17

U Devedi akabuka pakukomana nabo, po akababuzya akati, “Nanti mwiza kuno mumutende, pakunyavwa nabapokela ni nyobe zyosi zibili. Loli nanti mwiza pakumbika munyobe izya balwani bane, bo inte ninongwa nayimoyimo, u Chala uwa banyenya bitu azimanye nukubafunda.”

Masalimo 86:11

Wee Mwene umanyisye izila zizyo ukuzilonda ukuti inzikonkaye, po nkwiza pakwenda mubwanaloli bwako. Umpele ukuti imbanje nu moyo uwakwiyipa nkani, umwakuti indinyilaye itabwa lyako.

Ivyili 18:24

Balipo abamanyani bamo babo bazimbuli, loli balipo abamanyani bamo babo bali ngati bakamu bako.

Ukukumbusya Amalamulo 13:6

Nanti uwamwinyu pamo umwana wako umulumendo pamo umulindu pamo umuchi wako umughaniwa pamo umumanyani wako uwa pamoyo akukuzimbula ukuti, “Wee zagha tubiputaye abachala abanji.” Abachala banaba bangaba bo babo awe pamo abanyenya bako mutabiputitepo nalumo,

Aba Kolosi 2:2

Chicho nkulonda chakuti amoyo ghabo ghangakaziwa, sona nukuti bamamatilane poka mulughano, umwakuti bizule na mahala aghakivwisizye aka vintu. Bunubu bakwiza pakumanya umwakufikapo nizya kubusyefu izya Chala, yuyo we Kilisitu,

Abalongi 20:11

Aba Izilayeli bosi bakabungana poka nukuvwana ukuti balwe ubwite nakaya akakulu nkani kala.

1 Samuweli 14:45

Loli abantu bala bakamubuzya u sabuli bakati, “Nkimba u Yonatani afwanje, yuyo abomba imbombo inkulu nkani iya kubapoka aba Izilayeli kubwite? Awe. Tukulapa mwitabwa ilya Mwene umumi ukuti nalimolimo isisi lyoka ilya kumutu wache lilyo likwiza pakuwa pasi, pakuti chicho abombite ilelo, achibomba na maka agha Chala.” Po abantu bala bakamupoka u Yonatani, umwakuti atakaghoghiwa.

1 Samuweli 18:3

Po u Yonatani akafingana ulufingo nu Devedi, pachifukwa ichakuti akamughana nkani ngati mumo akiyighanila mwene.

1 Samuweli 19:1

U Sabuli akamulamula umwana wache u Yonatani, poka na makambala ghache ghosi ukuti bamughoghe u Devedi. Loli u Yonatani akamughana nkani u Devedi.

1 Samuweli 19:2

Po akamuyebela u Devedi akati, “Weya wee, utata wane akulonda pakukughogha. Indabi pandabindabi uchebaye nkani, ubuke pakuvwama nukwikala kulakula.

1 Samuweli 20:17

U Yonatani akamulapizya u Devedi ukuti atakaleke pakumughana, pachifukwa ichakuti u Yonatani akamughana nkani u Devedi ngati mumo akiyighanila mwene.

1 Samuweli 20:8

Loli awe, umpelele ichisa ne wambombo wako, pakuti tukafingana ulufingo pamaso pa Mwene. Nanti nananga, po ungoghe wewe nukuchila ukuti umbike munyobe izya ghuso.”

1 Samuweli 22:8

Lumo chingaba chifukwa chicho mwansambukila. Atalipo nayumo umuntu yuyo akumbuzya nanti umwana wane akufingana ulufingo nu mwana uwa Yese. Atalipo nayumo umuntu yuyo akumpasikizya pamo akunjebela ukuti umwana wane akumudeba uwambombo wane ukuti ansambukile ngati mumo zibeleye ilelo!”

1 Samuweli 23:18

Po abantu babili bala bakafingana ulufingo pamaso pa Mwene. U Yonatani akabwela nukumuleka u Devedi akwikala ku Holeshi kulakula.