1 Samuweli 17:8 - IBAYIBOLO 2024

⁸ U Goliyati akimilila nukubakolomokela abasilikali aba ba Izilayeli ukuti, “Nkimba choni chicho mwiza mwe binji nkani pakulwa ubwite? Ane ne mu Filisiti, sona amwe mwe bazya aba Sabuli? Musale umuntu weka ukuti alwe nane.

1 Samuweli 17:8 Iomraidhean Croise

2 Samuweli 11:11

U Uliya akamubuzya u Devedi akati, “Ibokosi ilya Lufingo, naba Izilayeli, sona naba Yuda bali muvisakasa, sona usongo wane u Yowabu, na basilikali abamwene wane bakughona kuzi. Nkimba ningabuka bulibuli kunyumba pakulya nukung'wela, sona nukughona nu muchi wane? Naloli ntangabomba ichintu ichibibi chinichi.”

1 Imbili 21:3

Loli u Yowabu akamwamula akati, “U Mwene onjelezyanje ubwinji ubwa basilikali bache akuchilapo pa 100. Wee mwene wane, nkimba abantu bosi banaba bate pasi pabulaghili bwako? Nkimba choni chicho ukulonda pakubomba bunubu? Nkimba choni chicho ukulonda pakubapelela inongwa aba Izilayeli?”

1 Samuweli 17:23

Bo ali pakunenezannya nabo, akamwennya u Goliyati umu Filisiti uwamaka uwamu Gati yula akufuma pakasi pabasilikali aba ba Filisiti nukwanda pakubabechela aba Izilayeli ngati mumo akababechelelagha bwila, po u Devedi akamwivwa.

1 Samuweli 17:26

U Devedi akabalalusya abantu babo bakaba papipi nawe akati, “Nkimba akwiza pakumubombela ichoni umuntu yuyo angamughogha umu Filisiti yunuyu nukubefya isoni aba Izilayeli? Nkimba umu Filisiti umusita kusilimuliwa uyu wewenu, ukuti abasamule abasilikali aba Chala umumi?”

1 Samuweli 8:17

Akwiza pakusendapo ichigaba choka pavigaba 10 ivya ng'ozi zyinyu, sona amwe mukwiza pakuba mwe bazya bache.