1 Samuweli 17:7 - IBAYIBOLO 2024

⁷ Amino agha mpalala yila ghakaba ngati chikwi ichakulukila amenda chicho ubung'wamu bwache bukaba pipipipi amakilogalamu seveni. Pantazi papache pakendagha umuntu uwakumunyamulila ingulu.

1 Samuweli 17:7 Iomraidhean Croise

2 Samuweli 21:16

Po u Ishibi Benobi, yumo uwaluko ulwa Lafa, yuyo impalala yache iya mukuba yikang'wama amakilogalamu matatu, sona akaba nupanga umupya kunyobe yache, akinong'ona nizya kumughogha u Devedi.

2 Samuweli 21:19

Kukabako sona ubwite naba Filisiti mu Gobi, po u Elihanani umwana uwa Yale Olegimu uwamu Betelehemu akamughogha u Goliyati umu Giti, yuyo ichilemelo icha impalala yache yikaba ni chikwi ngati chakulukila amenda.

1 Imbili 11:23

Akamughogha sona umu Ijiputi, yuyo akaba mukulu nkani sona mubutali akaba amamita mabili nuhafu. Napapo umu Ijiputi yula akaba ni mpalala munyobe yache yiyo yikaba ngati chikwi ichakulukila amenda, loli u Benaya akalwa nawe pakubombezya intughu. Akamufyula umu Ijiputi yula impalala nukumughogha ni mpalala yache yilayila.

1 Imbili 20:5

Kukabako sona ubwite naba Filisiti, po u Elihanani umwana uwa Yayili akamughogha u Lahimi uwamwabo uwa Goliyati umu Giti, yuyo ichilemelo icha impalala yache yikaba ni chikwi ngati chakulukila amenda.

1 Samuweli 17:41

Pakabalilo kalakala umu Filisiti yula akanda pakumupalamila u Devedi, bo umuntu uwakumunyamulila ingulu yache ali pantazi papache.