1 Samuweli 17:47 - IBAYIBOLO 2024

⁴⁷ Abantu bosi babo babungana pano bakwiza pakuzimanya ukuti u Mwene atakumupoka umuntu pakubombezya upanga pamo impalala. Pakuti u Mwene weyuyo akulwa ubwite, sona akwiza pakubabika mwebosi munyobe zyitu.”

1 Samuweli 17:47 Iomraidhean Croise

2 Abamwene 5:15

Pisinda pache u Naamani poka na bambombo bache bakanyokela kumuntu uwa Chala yula. Bakimilila pamaso papache nukumubuzya ukuti, “Naloli nazimanya ukuti atalipo u Chala uyunji muchisu ichapasi, loli mwene mu Izilayeli. Nalamba pokela ichabupi chane ichi.”

2 Imbili 14:11

Po u Asa akamwitizya u Mwene u Chala wache akati, “Wee Mwene atalipo uyunji yuyo ayanite nawe ukuti ubapoke abantu abadedebazu munyobe izya bantu abamaka. Wee Mwene u Chala witu utwavwe, pakuti tukusubiye awe, sona tukwiza pakulwa ubwite na basilikali abinji aba mwitabwa lyako. Wee Mwene we Chala witu. Utakitikizyanje ukuti umuntu alwanje nawe.”

Masalimo 46:11

U Mwene Uwamaka Ghosi ali naswe, sona u Chala uwa Yakobo we lilinga lyitu.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Hoseya 1:7

Loli nkwiza pakuba nichililizi na banyumba iya Yuda, sona nkwiza pakubapoka. Ntakwiza pakubombezya ubwele, nupanga pamo ubwite, pamo ifalasi, na bantu abakukwela pafalasi izya bwite. Loli nkwiza pakubapoka na maka agha Mwene u Chala wabo.”

Zekaliya 4:6

Uwantumi akambuzya amazyu ghanagha aghakufuma kwa Mwene akati imubuzye u Zelubabeli ukuti, “Utakupota ubwite pachifukwa icha maka, loli pachifukwa icha Muzimu wane.

Aba Loma 8:31

Muvyosi vinivi, po nkimba tungati choni? Nanti u Chala ali kulubazu lwitu, wewenu angatususya?

Aba Loma 8:37

Awe, loli muvintu vyosi vinivi twe bapoti ukwendela mu yuyo akatughana aswe.

Yoshwa 10:8

U Mwene akamubuzya u Yoshwa akati, “Utakabanyilaye abantu banaba, pakuti nababika munyobe zyako. Atalipo nayumoyumo umuntu uwakuti angakupota.”

1 Samuweli 14:6

U Yonatani akamubuzya umulumendo yula akati, “Twende tulobokele kwisila kuko kuli ivisakasa ivya bantu babo batasilimuliwe. Lumo u Mwene akwiza pakutulwila ubwite, pakuti chitalipo nachimochimo chicho chingamukanizya ukuti atupoke manyi twe binji pamo twe banandi.”

1 Samuweli 18:17

Po u Sabuli akamubuzya u Devedi akati, “Nakupa u Melabu, umwana wane usongo uyu ukuti abanje muchi wako. Loli umbombelaye nu bujivu pakulwa ubwite ubwa Mwene.” Pakuti u Sabuli akinong'onagha akati, “Ntakwiza pakumughogha ni nyobe iyane ni yane, loli baleke aba Filisiti bamughoghe.”