1 Samuweli 17:46 - IBAYIBOLO 2024

⁴⁶ Umusanya ughu u Mwene akwiza pakukubika munyobe zyane sona nkwiza pakukukoma nukukudumula umutu. Umusanya ughu nkwiza pakuvisumbila iviyuni ni vinyamana imivimba iya basilikali aba Filisiti, sona ichisu chosi ichapasi chikwiza pakumanya ukuti mu Izilayeli alimo u Chala.

1 Samuweli 17:46 Iomraidhean Croise

Ubwandilo 40:19

Bo ghachilapo amasiku matatu u Falabo akwiza pakukufumya muno, sona akwiza pakukudumula umutu wako. Umuvimba wako akwiza pakughupayika pikwi, sona iviyuni vikwiza pakughulya.”

2 Samuweli 18:28

Po u Ahimazi akakolomoka nukumubuzya u mwene ukuti, “Kwiza bulo!” Akafughama pamaso pa mwene, bo icheni chache chikotamiye pasi nukuti, “U Mwene u Chala wako apaliwanje, yuyo ababika munyobe zyako abantu babo bakakusambukila awe we mwene wane.”

2 Samuweli 21:10

U Lizipa umwana umulindu uwa Ayiya akasenda isaka nukutenga pilyalabwe lila, papo pakaba imivimba yila, nukwikala palapala bo akabalilo akakwinulila kanda mupaka pakabalilo kako ivula yikandagha pakutima. Pamusanya akavichimbizya iviyuni pa mivimba yila, sona pabusiku akavizighililagha ivinyamana ivya muzi.

1 Abamwene 8:43

ivwa uko kumwanya kuko ukwikala nukuvibomba vivyo umuyeni yula akukulaba, umwakuti abantu bosi aba pachisu ichapasi bangakumanya nukukwivwila, ukuyana namumo abantu bako aba Izilayeli bakubombela. Bunubu bakwiza pakumanya ukuti Inyumba yiyo nayizenga momumo ukwiza pakuchindikiliwangamo.

1 Abamwene 8:60

umwakuti abantu bosi aba pachisu ichapasi bamanye ukuti u Mwene we Chala, sona nukuti ataliko uyunji.

2 Abamwene 19:19

Po ilelo, wee Mwene Chala witu, tupoke munyobe zyache, umwakuti ubumwene bosi muchisu ichapasi bumanye ukuti awe wemwene we Mwene, we Chala.”

2 Abamwene 5:15

Pisinda pache u Naamani poka na bambombo bache bakanyokela kumuntu uwa Chala yula. Bakimilila pamaso papache nukumubuzya ukuti, “Naloli nazimanya ukuti atalipo u Chala uyunji muchisu ichapasi, loli mwene mu Izilayeli. Nalamba pokela ichabupi chane ichi.”

Masalimo 31:8

Po utakambika munyobe izya balwani bane, loli ukanyimika pabuzilo ubukulu nkani.

Masalimo 46:10

“Banga bulo myee, sona uzimanye ukuti ne Chala, sona abantu aba inko izinji bakwiza pakumpala, bope abantu aba muchisu ichapasi bakwiza pakunkwezya.”

Ukufuma 9:16

Loli imbalekite bumi ukuti indanjizye amaka ghane amakulu, umwakuti itabwa lyane limanyikwe pachisu chosi ichapasi.

Yesaya 37:20

Po ilelo, wee Mwene Chala witu, tupoke munyobe zyache, umwakuti ubumwene bosi muchisu ichapasi bumanye ukuti awe wemwene we Mwene, we Chala.”

Yesaya 52:10

U Mwene akwiza pakulanjizya amaka ghache amazelu, pantazi pa inko zyosi, sona ubumalilo bosi ubwa chisu bukwiza pakubwennya ubupoki ubwa Chala witu.

Yesaya 56:9

U Mwene azibuzya inko injeni ukuti, “Mwee vinyamana ivyamunkolongo, sona ni vya mumusitu zagha mwebosi mulye

Yelemiya 19:7

“ ‘Pabuzilo bunubu nkwiza pakuvulungannya imbatiko zyosi izya bantu aba muchisu icha Yuda nicha Yelusalemu. Abalwani babo bakwiza pakubapota nukubaghoghela kubwite. Nkwiza pakuvipa iviyuni ni vinyamana imivimba yabo ukuti cho chibanje chakulya chabo.

Yelemiya 34:20

nkwiza pakubabika munyobe izya balwani babo bakubulondelezya ubumi bwabo. Imivimba yikwiza pakuba chakulya icha viyuni ni vinyamana.

Daniyeli 2:47

U mwene yula akamubuzya u Daniyeli akati, “Naloliloli u Chala wako we Chala uwa bachala, sona we Mwene uwa bamwene, yuyo akuvumbula izyakubusyefu pakuti wanvumbulila izyakubusyefu zinizi.”

Daniyeli 3:29

Polelo nkudumula ukuti nanti balipo abantu aba inko yimo nuluko pamo ineno iyakulekanalekana, yikumusamula u Chala uwa Shadiliki nu Meshaki, sona nu Abedinego, yidumuliwanje mutuvigaba, sona yope ni nyumba yabo yimongoliwanje, pakuti atalipo uchala uyunji yuyo angapoka ngati bunubu.”

Matayi 24:28

“Posi papo pali ichintu ichifwe, amazwanga ghakubungana palapala.

Ukukumbusya Amalamulo 28:26

Iviyuni ni vinyamana vikwiza pakuyilya imivimba yinyu, sona atakwiza pakubapo nayumoyumo umuntu uwakuvichimbizya.

Ukukumbusya Amalamulo 7:2

sona nanti u Mwene u Chala winyu ababika munyobe zyinyu sona mwabapota, po mubazimizyanje bosi. Mutakafingane nabo ulufingo, sona mutakabapelelaye ichisa.

Ukukumbusya Amalamulo 7:23

U Mwene u Chala winyu akwiza pakubabika abalwani binyu munyobe zyinyu, sona akwiza pakubavulungannya mupaka bosi mubanangannye.

Yoshwa 10:8

U Mwene akamubuzya u Yoshwa akati, “Utakabanyilaye abantu banaba, pakuti nababika munyobe zyako. Atalipo nayumoyumo umuntu uwakuti angakupota.”

Yoshwa 4:24

Akabomba bunubu umwakuti abantu bosi aba muchisu ichapasi baghamanye amaka amakulu agha Mwene, umwakuti mumunyilaye u Mwene u Chala winyu bwila na bwila.”

1 Samuweli 14:6

U Yonatani akamubuzya umulumendo yula akati, “Twende tulobokele kwisila kuko kuli ivisakasa ivya bantu babo batasilimuliwe. Lumo u Mwene akwiza pakutulwila ubwite, pakuti chitalipo nachimochimo chicho chingamukanizya ukuti atupoke manyi twe binji pamo twe banandi.”

1 Samuweli 17:44

Akamubuzya u Devedi akati, “Zagha kuno, nkwiza pakuvisumbila iviyuni ni vinyamana umuvimba wako.”