1 Samuweli 17:43 - IBAYIBOLO 2024

⁴³ Akamulalusya u Devedi akati, “Fwandi ne mbwa, ukuti unyizile ni ndisa?” Po umu Filisiti yula akamughuna u Devedi pakutambula amatabwa agha bachala bache.

1 Samuweli 17:43 Iomraidhean Croise

Ubwandilo 27:29

Inko izya bantu zikubombelaye, sona abantu bakufughamililaye. Ubanje we mulaghili uwa bakamu bako bosi, sona abaluko ulwa nyoko bakufughamililaye. Abantu bosi babo bakukughuna, bope baghuniwanje, sona abantu bosi babo bakukusaya, bope basayiwanje.”

2 Samuweli 16:5

Bo u mwene u Devedi akupalamila papipi nakaya akakulu aka Bahulimu, umuntu yumo uwa munyumba iya Sabuli akafika. Umuntu yunuyu akaba we Shimeyi, umwana uwa Gela, po akamughuna u Devedi bo akufuma kuzi.

2 Samuweli 16:9

Po u Abishayi umwana uwa Zeluya akamulalusya u mwene akati, “Nkimba choni chicho ukuyitikizya imbwa infwe ukuti yikughune. Unyitikizye ukuti imudumule umutu?”

2 Samuweli 3:8

U Abinala akakalala nkani pachifukwa icha mazyu ghagho u Ishibosheti akanena, po akamwamula akati, “Nkimba ukumpima pakuba ne mbwa iya baluko ulwa Yuda, abalwani bitu bala? Ukufuma pakwanda, ane name musubiliwa kwa ghuso u Sabuli, poka na bamunyumba yache, sona na bamanyani bache. Ane ntakubikite munyobe izya Devedi, loli ilelo ukumpa inongwa pachifukwa icha mukolo uyu.

2 Samuweli 9:8

U Mefibosheti akafughama nukuti, “Nkimba ne wenu, ukuti umpelele ichisa ne mbwa infwe?”

1 Abamwene 20:10

Po u Beni Hadadi akamutumila sona amazyu u Ahabu aghakuti, “Abachala banfunde nkani nanti ane poka na bantu bane abinji tutakwiza pakukanangannya akaya akakulu nkani aka Samaliya, umwakuti patakwiza ukusyalapo ulufumbi ulwakuti umuntu wekaweka angalutapa munyobe yache.”

2 Abamwene 8:13

Po u Hazayeli akamulalusya akati, “Nkimba naloli ningabomba ichintu ichikulu ichi, pakuti ane ne mubombi wako injanite bulo nimbwa?” U Elisha akamwamula akati, “U Mwene anvumbulila ukuti ukwiza pakuba we mwene uwa ba Siliya.”

Ivyili 26:2

Ichighune pa muntu yuyo ate ninongwa chitangamuvulazya, viyanite bulo ni viyuni vivyo vikubuluka mumwanya loli vitamenye nukuwa pasi.

Ukubelengiwa 22:6

Losi ulu zagha ungunile abantu banaba, pakuti bamaka nkani ukunchila. Lumo ningabapota nukubachimbizyamo muchisu chane. Inzimenye ukuti nanti ukubasaya abantu, kokuti naloli abantu balabala bakusayiwa, sona nanti ukubaghuna abantu, kokuti naloli abantu balabala bakughuniwa.”

Abalongi 9:27

Isiku limo abantu bosi bakabuka mumaghunda pakuyaba amampesya, bakafinya uvinyo nukuba nu lusekelo munyumba iyakwiputilamo abachala babo. Mulamula bakalya nukung'wela, po bakanda pakumusamula u Abimeleki.

1 Samuweli 14:12

Po abasilikali aba ba Filisiti bakamwitizya u Yonatani, poka nu mulumendo yula bakati, “Zagha kuno, aswe tukwiza pakubayannya.” U Yonatani akamubuzya umulumendo yula akati, “Unkonke, u Mwene ababika abantu banaba munyobe izya ba Izilayeli.”

1 Samuweli 24:14

Mwennye umuntu yuyo u mwene uwa Izilayeli akulonda pakumughogha. Mwennye umuntu yuyo ali pakumulondelezya. Nkimba ukulonda pakungogha ne mbwa imfwe, sona ne kapantila bulo?

1 Samuweli 24:15

U Mwene alonge nukumwagha yuyo amunangila uwamwabo pakasi papako nane, sona anyimilaye nukumpoka munyobe zyako.