1 Samuweli 17:37 - IBAYIBOLO 2024

³⁷ U Mwene yuyo akampoka ku nkalamu naku balabwe, akwiza pakumpoka munyobe izya mu Filisiti yunuyu.” Po u Sabuli akamubuzya u Devedi akati, “Bukagha, u Mwene abanje nawe.”

1 Samuweli 17:37 Iomraidhean Croise

2 Samuweli 10:12

Mujimbaye, sona tulwanje ichanavuli pakubalwila abantu bitu nutwaya utukulu nkani utwa Chala. Ubwighane ubwa Mwene bubombiwanje.”

1 Imbili 22:11

“Wee mwana wane, u Mwene abanje nawe, sona ivintu vikwendelaye akiza umwakuti umuzengele Inyumba u Mwene u Chala wako ukuyana namumo akanenela.

1 Imbili 22:16

babo bamenye pakubombezya ivintu ivya golide ni vya siliva ni vya mukuba sona ni vya chela. Polelo andako imbombo, u Mwene abanje nawe.”

Masalimo 11:1

Mwa Mwene momumo nkuvwamaghamo. Po nkimba mungambuzya bulibuli ukuti, “Chimbilila kumaghamba ngati cho chiyuni?

Masalimo 118:6

U Mwene ali nane, po ntakwiza pakunyila. Nkimba umuntu angabomba choni nane?

Masalimo 138:3

Bo nakwitizya, ukanyamula, sona ukaghukazya umoyo wane na maka ghako.

Masalimo 63:7

Pakuti we wamwavwilizi wane, cho chifukwa nkwimba nu buhobosu kusi ku vipapande vyako.

Masalimo 77:11

Nkwiza pakuzikumbuka imbombo izya Mwene, naloli nkwiza pakuvikumbuka ivyika vyako ivyakale.

Daniyeli 3:17

Nanti twasumbiwa mumoto, u Chala yuyo tukumubombela angatupoka ku moto uwa muvuno, sona na munyobe zyako.

Yoshwa 1:17

Tukwiza pakukwivwila ukuyana namumo tukamwivwililagha u Mozesi, sona u Mwene u Chala wako abanje nawe, ukuyana namumo akabela nu Mozesi.

Luti 2:4

Panapo na panapo u Bowazi akafuma mu Betelehemu, po akafika kumughunda wache nukubalamuka abinuli bala ukuti, “U Mwene abanje namwe.” Bakamwamula bakati, “U Mwene akusaye.”

1 Samuweli 17:36

Ane ne wambombo wako naghoghapo inkalamu na balabwe, po umu Filisiti umusita kusilimuliwa uyu nkwiza pakumughogha ngati mumo nkavighoghelagha ivinyamana vila, pachifukwa ichakuti akubasamula abasilikali aba Chala umumi.

1 Samuweli 17:38

U Sabuli akamuvwalika u Devedi ivyakuvwala vyache ivya bwite, sona ni chisote icha mukuba.

1 Samuweli 20:13

Loli nanti utata wane akulonda pakukubombela ichintu chimo ichibibi, u Mwene anfunde nkani nanti intakukubuzya nukukwavwa ukuti upone. U Mwene abanje nawe ngati mumo akabela nu tata wane.

1 Samuweli 24:19

Nanti umuntu amwagha umulwani wache, nkimba angamuleka bulo? Polelo u Mwene akupe umuvwalo umukulu pachifukwa icha vivyo wambombela ilelo.

1 Samuweli 26:25

U Sabuli akamubuzya u Devedi akati, “Wee mwana wane Devedi, u Chala akusaye. Ukwiza pakubombagha ivintu ivikulu nkani, sona ukwiza pakupotagha muvintu vyosi.” Po u Devedi akepapo, wepe u Sabuli akabwela.

1 Samuweli 7:12

Po u Samuweli akimika ibwe pakasi pa kaya akakulu aka Mizipa naka Sheni. Akalyita ibwe lila ukuti Ebenezeli nukuti, “U Mwene atwavwa mupaka pakabalilo aka.”