1 Samuweli 17:36 - IBAYIBOLO 2024

³⁶ Ane ne wambombo wako naghoghapo inkalamu na balabwe, po umu Filisiti umusita kusilimuliwa uyu nkwiza pakumughogha ngati mumo nkavighoghelagha ivinyamana vila, pachifukwa ichakuti akubasamula abasilikali aba Chala umumi.

1 Samuweli 17:36 Iomraidhean Croise

2 Imbili 32:17

U mwene akasimba sona abakalata pakumusamula u Mwene u Chala uwa Izilayeli ukuti, “Ngati mumo abachala aba inko izinji batakabapoka abantu babo munyobe zyane, po wepe uchala uwa Hezekiya atangabapoka abantu bache munyobe zyane.”

Yesaya 10:15

Nkimba intemo yingikwezya ukuti yapamwanya, ukuchila yuyo akuyibombezya, pamo ichakubolela amatabwa chingituvya ukuti chapamwanya, ukuchila yuyo akuchibombezya? Chinichi chiyanite bulo ni ndisa pakumulema yuyo ayinyamuye, pamo intughu yikulonda pakumunyamula mumwanya yuyo te likwi ilyumizu!

Yesaya 36:15

Mutakitikizye ukuti u Hezekiya abadebaye pakumusubila u Mwene bo akuti, ‘Naloli u Mwene akwiza pakutupoka. Akaya akakulu nkani aka katakwiza pakubikiwa munyobe izya mwene uwamu Asiliya.’

Yesaya 36:18

“Muchebaye u Hezekiya atakabasobezyanje bo akuti, ‘U Mwene akwiza pakutupoka.’ Nkimba alipo uchala uwa inko izinji yuyo achipokitepo lumo ichisu chache munyobe izya mwene wamu Asiliya?

Ezekiyeli 28:10

Ukwiza pakufwa ngati muntu yuyo atasilimuliwe, munyobe izya bayeni. U Mwene Uwamaka Ghosi anena.’ ”

Ezekiyeli 32:19

Ubalalusye uti, ‘Nkimba we wakuboneka akiza nkani ukubachila abanji? Bukagha bulo pasi nukulambalala pakasi pababo batasilimuliwe.’

Daniyeli 5:23

Loli ukamusambukila u Mwene uwakumwanya pakubalamula abantu ukuti bize ni mbako ni mbale pamaso papako zizyo zikaba mu Nyumba iya Chala. Po awe na makambala ghako, na bachi bako sona na bachi bako abazya mukang'welelaghamo uvinyo. Mukabapala abachala aba siliva naba golide naba mukuba na bachela naba makwi sona naba mabwe abachala babo batakwennya pamo ukwivwa pamo ukumanya ivintu. Loli utakamuchindika u Chala, yuyo akubusungilila ubumi bwako, sona yuyo ivintu vyosi vili munyobe zyache.

Zekaliya 12:3

Pisiku lilalila, bo inko zyosi izya pachisu ichapasi zimubunganiye, nkwiza pakumupela u Yelusalemu pakuba libwe lilyo litakuyingana pakasi pa inko zyosi. Abantu bosi babo bakuyezya pakuliyingannya bakwiza pakwivulazya bene.

Zekaliya 2:8

Pakuti chinichi cho chicho u Mwene umuchindamu nkani Uwamaka Ghosi anena ati, “Inko zyosi zizyo zyababombela abantu bane ububibi zyambombela nane bulo ububibi.

1 Samuweli 14:6

U Yonatani akamubuzya umulumendo yula akati, “Twende tulobokele kwisila kuko kuli ivisakasa ivya bantu babo batasilimuliwe. Lumo u Mwene akwiza pakutulwila ubwite, pakuti chitalipo nachimochimo chicho chingamukanizya ukuti atupoke manyi twe binji pamo twe banandi.”

1 Samuweli 17:10

Po umu Filisiti yula akati, “Umusanya ughu nkubasamula abasilikali aba ba Izilayeli! Mpanga umuntu ukuti alwe nane.”

1 Samuweli 17:26

U Devedi akabalalusya abantu babo bakaba papipi nawe akati, “Nkimba akwiza pakumubombela ichoni umuntu yuyo angamughogha umu Filisiti yunuyu nukubefya isoni aba Izilayeli? Nkimba umu Filisiti umusita kusilimuliwa uyu wewenu, ukuti abasamule abasilikali aba Chala umumi?”

1 Samuweli 17:35

ane nkachichimbizyanga ichinyamana chila nukuchighogha mupaka nukumupoka umwana uwa ng'ozi yula. Po nanti changalabukila ikuti chindeme, nkachilemagha kusingo mupaka nukuchighogha.

1 Samuweli 17:37

U Mwene yuyo akampoka ku nkalamu naku balabwe, akwiza pakumpoka munyobe izya mu Filisiti yunuyu.” Po u Sabuli akamubuzya u Devedi akati, “Bukagha, u Mwene abanje nawe.”

1 Samuweli 18:17

Po u Sabuli akamubuzya u Devedi akati, “Nakupa u Melabu, umwana wane usongo uyu ukuti abanje muchi wako. Loli umbombelaye nu bujivu pakulwa ubwite ubwa Mwene.” Pakuti u Sabuli akinong'onagha akati, “Ntakwiza pakumughogha ni nyobe iyane ni yane, loli baleke aba Filisiti bamughoghe.”

1 Samuweli 31:4

U Sabuli akamubuzya umulumendo uwakumunyamulila ivilwilo akati, “Weya wee, wesa upanga wako, undase, lumo abantu abasita kusilimuliwa banganseka nukungogha.” Umulumendo yula akanyila nkani, umwakuti akakana pakumulasa. Loli u Sabuli akasenda impalala yache nukwisumbapo.