1 Samuweli 17:35 - IBAYIBOLO 2024

³⁵ ane nkachichimbizyanga ichinyamana chila nukuchighogha mupaka nukumupoka umwana uwa ng'ozi yula. Po nanti changalabukila ikuti chindeme, nkachilemagha kusingo mupaka nukuchighogha.

1 Samuweli 17:35 Iomraidhean Croise

2 Samuweli 23:20

U Benaya umwana uwa Yehoyada uwamu Kabizele akaba musilikali umujivu nkani, yuyo akabomba imbombo inkulu nkani. Akabaghogha abasilikali abamaka babili aba Mowabu, sona akinjila muchiliba pisiku lilyo kukaba kabefu nkani nukughogha inkalamu,

Masalimo 91:13

Ukwiza pakuzikanya inkalamu ni njoka izyakoghofya, momumo ukwiza pakubakanya abana aba nkalamu nu chipili.

Daniyeli 6:22

U Chala wane atumite uwantumi wache nukwighalila imilomo iya nkalamu. Wee mwene, zitakanvulazya napo panandi pachifukwa ichakuti intakaba ninongwa nayimoyimo pamaso papache pamo ukukubombela chimo ichibibi pamaso papako.”

Amosi 3:12

U Mwene akuti, “Ngati mumo umudimi akufyulila intapatapa zibili kumulomo uwa nkalamu, pamo akachigaba aka ikutu ilya ng'ozi, momumo aba Izilayeli bope bakwiza pakupokeliwa, babo bakwikala mu Samaliya pakutuzya mulubazu muvitala vyabo, sona na pavitengo vyabo mu Damasika.”

1 Samuweli 17:34

Loli u Devedi akamubuzya u Sabuli akati, “Ane ne wambombo wako nadimagha ing'ozi izya tata. Nanti inkalamu yafika pamo ulabwe nukulemapo umwana uwa ng'ozi,

1 Samuweli 17:36

Ane ne wambombo wako naghoghapo inkalamu na balabwe, po umu Filisiti umusita kusilimuliwa uyu nkwiza pakumughogha ngati mumo nkavighoghelagha ivinyamana vila, pachifukwa ichakuti akubasamula abasilikali aba Chala umumi.