1 Samuweli 17:34 - IBAYIBOLO 2024

³⁴ Loli u Devedi akamubuzya u Sabuli akati, “Ane ne wambombo wako nadimagha ing'ozi izya tata. Nanti inkalamu yafika pamo ulabwe nukulemapo umwana uwa ng'ozi,

1 Samuweli 17:34 Iomraidhean Croise

Ubwandilo 31:39

Nanti ing'ozi yako yalika, ane nkabikilaghapo akabalilo kosi. Intakiza nayo kukwako ukulanjizya ukuti ntanangitepo. Awe ukalondagha ukuti nkulipile chosi chicho chibiwa pamusanya pamo pabusiku.

2 Samuweli 17:8

Awe uzimenye akiza nkani ukuti ughuso, poka na bantu bache bo basilikali abajivu, sona bakoghofya nkani ngati we labwe, yuyo bamwibila abana bache. Ukonjelezyapo ughuso amenye nkani pakulwa ubwite, po atangaghona poka na basilikali bache ubusiku ubu.

2 Samuweli 23:20

U Benaya umwana uwa Yehoyada uwamu Kabizele akaba musilikali umujivu nkani, yuyo akabomba imbombo inkulu nkani. Akabaghogha abasilikali abamaka babili aba Mowabu, sona akinjila muchiliba pisiku lilyo kukaba kabefu nkani nukughogha inkalamu,

1 Imbili 11:22

U Benaya umwana uwa Yehoyada uwamu Kabizele akaba musilikali umujivu nkani, yuyo akabomba imbombo inkulu nkani. Akabaghogha abasilikali abamaka babili aba Mowabu, sona akinjila muchiliba pisiku lilyo kukaba kabefu nkani nukughogha inkalamu.

Masalimo 143:5

Nkughakumbuka amasiku aghakale, nkuzyinong'ona imbombo zyako zyosi, sona ni mbombo izya nyobe zyako.

Ezekiyeli 34:12

Ngati mumo umudimi akuzilondelezezya ing'ozi zizyo zyanyampana, momumo nane nkwiza pakubombela. Nkwiza pakuzipoka kubuzilo bosi bubo zinyampanikiyeko pisiku ilya mabingu nilya chisi.

Amosi 3:12

U Mwene akuti, “Ngati mumo umudimi akufyulila intapatapa zibili kumulomo uwa nkalamu, pamo akachigaba aka ikutu ilya ng'ozi, momumo aba Izilayeli bope bakwiza pakupokeliwa, babo bakwikala mu Samaliya pakutuzya mulubazu muvitala vyabo, sona na pavitengo vyabo mu Damasika.”

Zekaliya 11:16

Pakuti nkukubika pakuba we mudimi uwa chisu, yuyo atakwiza pakuzisungilila ing'ozi izyakusobela, pamo pakutulonda utwana, pamo pakuzipozya zizyo zivulaye, pamo pakuzilyesya zizyo zitabinite, loli akwiza pakulya inyama iya ng'ozi inyine, sona nukuzepulannya inyayo zyabo.

Zekaliya 9:7

Batakwiza pakulya inyama iya libanda, sona ni vyakulya ivinji ivyamwiko. Abantu abakusyalako bakwiza pakuba ba Chala witu, nukuba luko ulwa chisu icha Yuda, sona u Ekiloni akwiza pakuba ngati boba Yebusi.

Luka 2:8

Kulubazu lulalula ulwa chisu, kukabako abadimi bamo babo bakalindililagha ing'ozi zyabo muzi pabusiku.

Yohani 10:11

“Ane ne mudimi umwiza. Umudimi umwiza ipiye mwene pakubutagha ubumi bwache pachifukwa icha ng'ozi zyache.

Aba Loma 5:4

ubufisalyoyo bukumumanyisya umuntu pakuba ni nkalo inyiza, sona inkalo inyiza yikumumanyisya umuntu pakuba nu lusubilo.

Aba Hebeli 11:33

Lukaba lwitiko lulo lukabapela pakulwa ubwite na bamwene bosi aba muvyisu nukubapota. Bakabalaghila abantu nu bwanaloli, po bakapokela zizyo u Chala akalayizya, sona bakighalila imilomo iya nkalamu

Ubuvumbuli 13:2

Ichinyamana chila chikabonekagha ngati we zyela, sona inyayo zyache zikabonekagha ngati zyo nyayo izya labwe. Umulomo wache ghukabonekagha ngati gho mulomo uwa nkalamu. Inyivwila yikachipa ichinyamana chila amaka ghache, ni chitengo chache icha bumwene, sona nu bulaghili ubukulu nkani.

Abalongi 14:6

Umuzimu uwa Mwene ghukamwikila u Samusoni nukumupa amaka umwakuti akayizepulannya inkalamu yila pabili ni nyobe zyache ukuyana bulo namumo angamuzepulila u mwana uwa mbuzi. Loli atakamubuzyapo uwise pamo unyina zinizi.

1 Samuweli 17:15

Loli u Devedi akabukagha kuvisakasa kula nukunyokako, pakuti akadimagha ing'ozi izya wise mu Betelehemu.

1 Samuweli 17:33

U Sabuli akamwamula akati, “Awe utangalwa nawe umu Filisiti uyu, pakuti uchili we mwana munandi, sona izubiye pakulwa ubwite ukwandila ko kubwana bwache.”

1 Samuweli 17:35

ane nkachichimbizyanga ichinyamana chila nukuchighogha mupaka nukumupoka umwana uwa ng'ozi yula. Po nanti changalabukila ikuti chindeme, nkachilemagha kusingo mupaka nukuchighogha.